[派對小食] 白汁粟米香腸杯 食譜

之前網購過一款白汁小食，就是用可愛的小杯盛著，
兩姊妹都很喜歡吃，4小杯都被她們吃光了，
正想下次自己煮，剛巧有朋友來作客，
用少少簡單食材就可以煮出6杯，味道跟那個即食小吃一樣呢。

 

白汁粟米香腸杯 食譜

材料：粟米半條、芝士腸10條、小薯仔2隻、芝士碎適量、
水1碗、鹽適量、雞粉半茶匙、胡椒粉適量

白醬底：麵粉40g、牛油15g、牛奶280ml

<影片食譜> 糖醋豆腐

小朋友都好喜歡酸酸甜甜嘅味道，最近菜苗唔喜歡食肉，

為咗令佢吸引多元嘅營養，我成日都要攪盡腦汁煮飯，

今日決定用上豆腐，撲上粉再半煎炸，
加埋糖醋汁炒一炒，好味到小菜苗食咗半碟呀。

糖醋豆腐 食譜

材料：硬豆腐1件、雞蛋1隻、生粉適量、蔥花適量

糖醋汁：茄汁3湯匙、醋2湯匙、糖1.5茶匙、生抽1湯匙、老抽1茶匙

<三步驟下飯菜式> 話梅排骨

前陣子分享過菜苗喜歡吃的糖醋豬軟骨，最近煮了味道很相似的話梅排骨，
想不到連妹妹都十分愛吃，整碟排骨被兩姊妹吃清光，
媽媽我感到十分滿足呢。

 話梅排骨 食譜

材料：排骨250g、話梅4粒、冰糖2-3小塊、老抽1茶匙、薑片6塊

<惹味送飯> 糖醋豬軟骨食譜

最近小菜苗喜歡吃餐廳煮的糖醋排骨，每次外賣到，

她都一個人吃掉大半碟，其實不止是她，

我也很喜歡吃糖醋的味道，有時芙爸會煮好一大盒糖醋豬軟骨給我們吃，很滋味的呢。

為了讓菜苗可以隨時食到住家糖醋排骨，我便上網找到了糖醋的比例，

 原來調味料以1234作為比例，可以輕易煮出完美的糖醋味道，

今次簡單地煮豬軟骨先，下次才煮排骨吧(懶走油)。

糖醋豬軟骨 食譜

材料：豬軟骨1磅、薑片5片、蔥段5條、水2碗

醬汁：1湯匙米酒、2湯匙生抽、3湯匙冰糖、4湯匙鎮江醋

<簡易食譜> 大蝦粉絲煲

自從辭工轉為全職媽媽後，都有一段時間沒有整理食譜了，

或許仍在適應身份的轉變，在blogger生活上就少了分享，

今天終於的起心肝，處理一下相片與文字了。

家中一向都有急凍大蝦存貨，煮茄汁蝦碌、黃金大蝦都很適合，

這次煮了大蝦粉絲煲，用大蝦頭煮出蝦的湯汁，

再加上粉絲吸盡精華，是很鮮味的一道菜。

大蝦粉絲煲 食譜

材料：大蝦8隻、粉絲2小包、蒜蓉2湯匙、水1大碗、蔥花適量

調味料：生抽2湯匙、蠔油1湯匙、糖0.5茶匙、雞粉1茶匙

<幼兒食譜> 番茄三文魚炒螺絲粉

自從復課與取消在家工作之後，我天天都累到極點，
每天7點起身送返學，2點至10點返工，
晚上11點幾返到屋企，未回夠氣又要開始新的一天，

每天返工都很想辭工，這樣的生活令我連update page的力氣和心思都消滅了。

2月中放大假的11天裡，我都是專心一意的照顧女兒，
有時中午煮意大利粉、螺絲粉，哄哄兩姊妹，
這種感覺很美好，在空閒時我亦會找些事做突破自己，
例如做白滑饅頭、自製濕疹油膏等，
這11更過得非常充實，現在仍是很回味。

今天介紹一道女兒很愛吃的簡單炒螺絲粉，
用上小朋友最愛吃的茄汁，非常簡易。

 

 番茄三文魚炒螺絲粉

材料:  三文魚柳1條、番茄1個、螺絲粉大半碗、

茄汁0.5湯匙、糖0.5茶匙、鹽少許、檸檬汁少許、橄欖油適量

<美的氣炸鍋食譜> 芝士粟米蛋餅

自從工人姐姐離職後，我感覺自己每天都累得像狗一樣，
一旱送返學，再做家務，然後接放學，在公園陪玩，
回到家中就食午餐，跟菜苗做功課，看看手冊，認字，
然後就趕上班，一星期4天12點半出門口，
晚上11點15分才回到家，一星期工作6天，累得我天天都好想轉工。

自從有了這般忙碌的生活後，一到了難得\的星期日，
就很想煮點什麼來吃，讓自己好好放鬆下，
但兩個寶貝女其實都不會放過我，想偷偷地在廚房輕鬆是妄想，
幸好美的4L氣炸鍋剛到手，在剛過的星期日，
就用它的小配件薄餅盤氣炸了一個簡單下午茶 - 芝士粟米蛋餅。

芝士粟米薄餅 食譜

材料：粟米粒190g、雞蛋1隻、粟粉1茶匙、芝士碎適量、鹽及黑椒適量

<醬汁香濃送飯> 奶油燉菜食譜

芙芙身邊有位做西廚嘅好朋友，佢話要做白汁其實非常容易，

牛油+麵粉+牛奶就完成，有時我都會煮白汁長通粉俾菜苗食，

最近喺unijoy網購嘅凍肉太多，諗諗下不如用急凍雞扒煮個奶油燉菜，

一次過煮一大窩，晚飯、帶飯、第二日午餐都食佢，

奶油燉菜個汁係無得輸，超好送飯，講真食幾餐又真係唔厭喎。

奶油燉菜 食譜

材料：急凍雞扒2塊、西蘭花半個、甘筍1條、薯仔1隻、紫洋蔥半個、
水500ml、鹽及黑椒適量、雞粉0.5茶匙

白醬材料：牛油25g、麵粉25g、牛奶300ml

<美的蒸焗爐食譜> 原汁原味-檸檬香草焗雞腿

自從有咗小朋友，屋企煮咩都會諗佢哋先，

小菜苗而家快3歲，都會食好多大人餸，

盡可以我哋會煮得淡味少少，有時會加蔬菜烤下雞肉，

通常咁樣煮菜苗都會食好多架。

以往用傳統嘅焗爐烤，今次就轉用美的蒸氣焗爐嘅熱風對流烘烤，

估唔到烤出嚟嘅雞肉嫩滑多汁，比一般焗爐更有效鎖住肉質水份，

唔會咁易令肉變硬變乾，真係唔錯架，

下次試下用嚟烤春雞先。

檸檬香草焗雞腿 食譜

材料：雞下髀3隻、甘筍1條、紫洋蔥半個、蒜粒8粒、檸檬片5片、橄欖油及鹽適量

醃料：鹽1.5茶匙、黑椒適量、意大利綜合香草適量

<簡易家常版> 忌廉蘑菇湯

妹妹菜蜜初初加固時，芙家買咗盒手提攪拌套裝，

主要用來處理加固食物，到而家妹妹已經可以食粗一點嘅食物，

呢個攪拌棒就變成我哋煮湯嘅好幫手，早幾日煮咗個忌廉蘑菇湯，

非常簡單，大人小朋友都岩食架。

忌廉蘑菇湯 食譜

材料：蘑菇200g、紫洋蔥1/3個、高湯250ml、水300ml、忌廉100ml、麵粉2湯匙、牛油10g

<自家製番茄醬汁> 茄汁肉丸

小菜苗2歲時參加過一陣子嘅學前班，一星期返三日，

當時嘅佢要面對屋企多咗一位工人姐姐，又有一個初生嘅妹妹，

同時第一次返學上堂，對兩歲嘅小朋友嚟講，

似乎太多新環境同新角色要適應，一下子未調適得到，

佢嘅情緒每日都好大起伏，有時打人有時尖叫，

於是我哋決定退出學前班，讓佢慢慢習慣下生活上嘅轉變先。

好記得佢入班時，剛剛好係搞生日會嘅月份，

我第一次以媽媽身份整小食俾阿女帶去開生日會，

而且我哋仲可以一齊出席，好似觀堂咁，

第一次見到菜苗返學個樣，到今日我都無忘記到。

我自問唔係一個咩都追求天然無調味嘅媽媽，

因為要太早起身，所以都會選擇用現成嘅肉丸，

不過醬汁就係自家製，今次同大家分享下呢個醬汁嘅做法。

茄汁肉丸 食譜

材料：番茄3個、洋蔥半個(切碎)、蒜茸2湯匙、
番茄醬2湯匙、糖2茶匙、鹽少許、肉丸300g

<親子共食食譜> 肉碎玉子豆腐

最近小菜苗好揀食，肉又唔食，

綠色菜又唔食，咁點呢？真係令人好困擾呀，

婆婆前排就教我煮咗呢道肉碎玉子豆腐，

其實細個時，媽媽成日都煮呢道菜俾我哋三姊妹食，

而家到我煮俾阿女食，估唔到小菜苗又好受落喎，終於有樣嘢肯食多啲，

今次加埋絹豆腐一齊煮，令道菜更加有營養。

肉碎玉子豆腐 食譜

材料：豬絞肉135g、玉子豆腐2條、絹豆腐1磚、蒜蓉1湯匙、蠔油1.5湯匙、水小半碗

醃料：生抽1湯匙、糖0.5茶匙、胡椒粉適量、生粉適量、油1湯匙

<親子健康早餐 x 美的多功能全自動高速鍋> 自家製乳酪

前排因為小菜苗唔舒服感冒，為免飲奶惹痰，

嗰幾晚我哋都冇俾睡前奶菜苗飲，佢都好乖冇扭計，

仲明白自己有咳，所以唔可以食甜嘢凍嘢，

就因為咁，不知不覺間就戒咗奶，

到而家已經成兩星期冇飲奶啦。

為咗增加鈣嘅吸收，最近我都開始預備多啲奶類製品俾菜苗食，

而小菜苗一向十分鍾意食乳酪，不過最近少咗出去屋企存貨量少，

今日只係剩返一小盒，聽日又冇得食啦。

於是我決定用美的嘅高速鍋自製乳酪，自家製有好多好處，
就係甜味可以自己控制，而且材料相當簡單，倒哂入鍋中等8個鐘，

就可以製造到好多好多，慳返唔少錢呀。

自家製乳酪 食譜

材料：全脂牛奶1L、原味乳酪100g、煉奶80g

<親子共食> 蝦仁番茄意粉 (附食譜)

好感恩菜苗是一個吃貨，基本上中西式都喜歡吃，

但就是不愛吃綠葉菜，為了讓她吃多點蔬菜，

空閒時我多會用番茄、南瓜、粟米、西蘭花等材料煮西餐，

剛好她愛吃PIZZA和意粉，把蔬菜都放進去，

她都會一一吃掉，現在她知道不吃蔬菜會便秘的道理，

開始會自動吃一點點(只有丁點丁點)的菜了，很感動，

希望慢慢能養成她不討厭綠葉菜的喜好。

自從家中有了寶貝，每次都是煮番茄意粉，

但是吃極都不厭，酸酸甜甜的很好吃，

今次簡單地加點蝦仁，材料豐富點。

蝦仁番茄意粉 食譜

材料：意粉300g、番茄2隻、蝦仁1包、蒜蓉1湯匙、

茄汁3湯匙、生粉水半碗、糖1茶匙、鹽及黑椒適量，意大利雜錦香草1茶匙