前排因為小菜苗唔舒服感冒，為免飲奶惹痰，
嗰幾晚我哋都冇俾睡前奶菜苗飲，佢都好乖冇扭計，
仲明白自己有咳，所以唔可以食甜嘢凍嘢，
就因為咁，不知不覺間就戒咗奶，
到而家已經成兩星期冇飲奶啦。
為咗增加鈣嘅吸收，最近我都開始預備多啲奶類製品俾菜苗食，
而小菜苗一向十分鍾意食乳酪，不過最近少咗出去屋企存貨量少，
今日只係剩返一小盒，聽日又冇得食啦。
於是我決定用美的嘅高速鍋自製乳酪，自家製有好多好處，
就係甜味可以自己控制，而且材料相當簡單，倒哂入鍋中等8個鐘，
就係甜味可以自己控制，而且材料相當簡單，倒哂入鍋中等8個鐘，
就可以製造到好多好多，慳返唔少錢呀。
自家製乳酪 食譜
材料：全脂牛奶1L、原味乳酪100g、煉奶80g
