[情人節食譜] 氣炸牛扒伴烤蒜

 今年情人節亦是在疫情中度過，之前網購的牛扒可派上用場了，
用氣炸鍋烤牛扒同時烤蒜，方便又美味，
反正現時菜貴，吃烤蒜算了。

氣炸牛扒伴烤蒜 食譜

材料：西冷牛排250g、肉眼扒300g、大蒜頭2個、黑椒適量、鹽適量、橄欖油適量

<新春菜式> 氣炸椒鹽豬手

說時遲那時快，今天已是年廿八，
當大家在努力打掃時，我就努力在出食譜，
早幾天出了新春送禮時，有些朋友對椒鹽豬手都很有興趣，
終於完成了食譜，讓大家想年菜時多個選擇。

椒鹽豬手 食譜

材料：豬手9件、料酒1湯匙、薑片4片、蔥段適量

鹵水材料：鹵料包半份、生抽3湯匙、老抽1湯匙、料酒1湯匙

香料(混合)：椒鹽1湯匙、孜然粉1湯匙、芝麻適量

<氣炸鍋食譜> 孜然雞軟骨

前陣子常常都想吃煎炸小食，家中常備雞軟骨，

以備隨時都可自製惹味小吃，以往沒有氣炸鍋，

只會用平底鍋半煎炸，每次逼出的油份都浸得滿滿的，

用吸油紙巾印都印不走太多呢。

現在家有美的氣炸鍋，4L的容量剛好盛滿1磅雞軟骨，
放入氣炸大約20分鐘，而炸籃與底盤剛好分隔開雞軟骨和逼出的油份，

終於不用再吃油浸雞軟骨啦。

孜然雞軟骨 食譜

材料：雞軟骨1磅、椒鹽適量、孜然粉適量

醃料：蠔油2湯匙、生抽3湯匙、糖2茶匙、米酒1湯匙、椒鹽2茶匙、
孜然粉2湯匙、生粉1湯匙、蒜蓉2湯匙

<美的氣炸鍋食譜> 芝士粟米蛋餅

自從工人姐姐離職後，我感覺自己每天都累得像狗一樣，
一旱送返學，再做家務，然後接放學，在公園陪玩，
回到家中就食午餐，跟菜苗做功課，看看手冊，認字，
然後就趕上班，一星期4天12點半出門口，
晚上11點15分才回到家，一星期工作6天，累得我天天都好想轉工。

自從有了這般忙碌的生活後，一到了難得\的星期日，
就很想煮點什麼來吃，讓自己好好放鬆下，
但兩個寶貝女其實都不會放過我，想偷偷地在廚房輕鬆是妄想，
幸好美的4L氣炸鍋剛到手，在剛過的星期日，
就用它的小配件薄餅盤氣炸了一個簡單下午茶 - 芝士粟米蛋餅。

芝士粟米薄餅 食譜

材料：粟米粒190g、雞蛋1隻、粟粉1茶匙、芝士碎適量、鹽及黑椒適量

<氣炸鍋食譜> 蜜椒牛仔骨

芙芙真係好喜歡食牛仔骨，通常用鹽同黑椒醃完煎好就食，

但最近真係好掛住大排檔嘅蜜椒牛柳粒，屋企牛柳粒又食哂，

咁岩之前喺 

Unijoy Hong Kong Limited

 網購咗牛仔骨，就試下用牛仔骨代替，

唔駛油炸薯仔，直接用氣炸鍋烹調整道菜，

味道同出面食都好相近，非常非常惹味呀！

蜜椒牛仔骨

材料：牛仔骨3條、薯仔2隻、橄欖油1.5湯匙、鹽0.5茶匙，蜜糖2湯匙

醃料：生抽2湯匙、老抽1茶匙、糖1茶匙、蒜頭8粒(切蓉)、黑椒2湯匙、橄欖油1湯匙、生粉2茶匙

<氣炸鍋料理食譜> 蒜蜜炸排骨

屋企有咗小朋友，煮嘢都唔敢太熱氣，
有時煎炒炸都少咗，皆因佢哋一熱氣就好易喉嚨發炎，
一發炎就發燒，諗起都驚呀。

之但係間中都要照顧下大人嘅慾望嘅，前排忍唔住又開返氣炸鍋用，
唔覺意整咗個蒜蜜烤排骨，甜甜哋又香口，
估唔到又幾好送飯喎，諗諗下用埋嚟送酒都幾夾。

蒜蜜炸排骨 食譜

材料：排骨270g、蜜糖1湯匙、芝麻適量

醃料：蒜蓉4湯匙、蠔油1湯匙、生抽1.5湯匙、鹽0.5茶匙、

糖1茶匙、胡椒粉適量、生粉適量、油2湯匙

<美的健炸寶> 健康小食_脆炸芋片芋絲

隨住小菜苗一歲，芙芙大肚時嘅回憶都返哂嚟，

相信好多孕媽媽有第一胎時，頭幾個月甚至成個孕期都會好小心飲食，

芙芙都唔例外，頭3個係咁上網搵健康孕婦食品，

走去自製西柚汁飲，又日日食蘋果，

完全唔敢掂任何熱氣食物，好怕BB出世後皮膚會唔好，

連一滴咖啡都唔敢飲，一粒朱古力都唔敢食，

諗返起都覺得好偉大，咁為食嘅我都忍得住。

呢種偉大大約去到第5個月左右就減咗半啦，

好快地，我就冇再忍口，

會買少少薯片食下過下口癮，不過在選擇上，

就會揀啲天然嘅番薯片、芋片等，

仲要揀啲有organic字嘅(其實都係俾自己良心好過啲)。

喺收到美的氣炸鍋後，芙芙好快就決定要炸芋片，用嚟回味下懷孕時嘅感覺，

因為嗰啲寫住Organic嘅蔬菜片入面，最好味就係番薯片同芋片，

不過街買唔及自己整咁放心，而且仲可以自己選擇鹹定唔鹹添。

脆炸芋片芋絲 食譜

材料: 芋頭1個、植物油適量、鹽適量

<美的健炸寶> 寶寶美食_蔬菜薯泥手指餅 (附食譜)

小菜苗剛剛踏入一歲生日，喺佢仲係十個月大嘅時候，

芙芙已經留意有咩Finger food可以俾佢練習下咀嚼，

通常都離不開係節瓜條、蘿蔔條、菜心莖等等，

今次就同大家介紹個好簡單嘅自家製手指餅，唔洗落麵粉，

只係用到3種食材就搞掂，再用上美的健炸寶，

連火都唔駛睇下，快速完成呢道寶寶美食。

氣炸鍋原理同焗爐其實係一樣，都係用上對流風將食材烤熟，

只係氣炸鍋嘅對流風較強，強到可以將油份逼出，

做出油炸效果，所以氣炸鍋同時可以當成迷你焗爐咁用，

之前芙芙都用美的健炸寶焗過麵包布甸、蛋糕，

效果非常之好，詳情可以睇以下連結：

<阿華田 x 美的健炸寶食譜> 阿華田麵包布甸

<阿華田 x 美的健炸寶食譜> 牛奶麥精忌廉蛋糕奄列 

而今次呢款寶寶食品，都係利用以上原理嚟烤焗架。

蔬菜薯泥手指餅 食譜

材料: 薯仔1隻、菠菜1棵、甘筍1/3條、植物油少許

<美的健炸寶> 入門煮意_雞翼篇 (金沙雞翼)

每次收到美的小家電都令人感到驚喜，今次試用嘅係新產品係美的健炸寶，

所謂健炸，即係喺不用油，或只用好少量油嘅情況下，

透過對流空氣將食物本身嘅油份逼出嚟，造出油炸效果，

比起一般要開火用勁多油去炸嘢食，真係健康得嚟又安全好多。

健炸寶有2.5L容量，將食物放入炸物籃，

調較好溫度同時間，然後就可以由佢自由氣炸，

只需要間中拉出炸物籃翻動一下食材，唔駛睇火，

岩哂芙芙呢啲渴望爭取時間休息嘅煮婦。

今次芙芙用美的健炸寶試炸雞翼，雞翼係家家戶戶大小老幼都喜歡嘅食物，

而芙芙會介紹一款惹味小食 - 金沙雞翼，

利用健炸寶炸好嘅雞翼，再沾上咸香嘅牛油咸蛋黃，

真係會令人試過番尋味架。