<氣炸鍋食譜> 孜然雞軟骨

前陣子常常都想吃煎炸小食，家中常備雞軟骨，

以備隨時都可自製惹味小吃，以往沒有氣炸鍋，

只會用平底鍋半煎炸，每次逼出的油份都浸得滿滿的，

用吸油紙巾印都印不走太多呢。

現在家有美的氣炸鍋，4L的容量剛好盛滿1磅雞軟骨，
放入氣炸大約20分鐘，而炸籃與底盤剛好分隔開雞軟骨和逼出的油份，

終於不用再吃油浸雞軟骨啦。

孜然雞軟骨 食譜

材料：雞軟骨1磅、椒鹽適量、孜然粉適量

醃料：蠔油2湯匙、生抽3湯匙、糖2茶匙、米酒1湯匙、椒鹽2茶匙、
孜然粉2湯匙、生粉1湯匙、蒜蓉2湯匙

<美的氣炸鍋食譜> 芝士粟米蛋餅

自從工人姐姐離職後，我感覺自己每天都累得像狗一樣，
一旱送返學，再做家務，然後接放學，在公園陪玩，
回到家中就食午餐，跟菜苗做功課，看看手冊，認字，
然後就趕上班，一星期4天12點半出門口，
晚上11點15分才回到家，一星期工作6天，累得我天天都好想轉工。

自從有了這般忙碌的生活後，一到了難得\的星期日，
就很想煮點什麼來吃，讓自己好好放鬆下，
但兩個寶貝女其實都不會放過我，想偷偷地在廚房輕鬆是妄想，
幸好美的4L氣炸鍋剛到手，在剛過的星期日，
就用它的小配件薄餅盤氣炸了一個簡單下午茶 - 芝士粟米蛋餅。

芝士粟米薄餅 食譜

材料：粟米粒190g、雞蛋1隻、粟粉1茶匙、芝士碎適量、鹽及黑椒適量

<廚房好幫手> 美的4公升氣炸鍋開箱文

 自從前年美的氣炸鍋進入芙家廚房後，它一直被我們放在常用區，
我們不只把它用來煮炸物，還會用來翻熱食物，
通常用120-140度翻熱一會，食物亦不會太乾身，很方便。

前陣子連薑蔥炒蟹也有它的用武之地，我會把蟹氣炸取代走油，
而通常食炒蟹都是我們宴客之時，
所以廚房的爐頭都一定有很多菜式正在烹調，
有氣炸鍋幫忙處理一些步驟，實在幫輕了我們很多。

剛巧上次很多家人上來吃飯，便買了兩隻大肉蟹，
放入氣炸鍋當刻，我完全感覺到2.5L實在不夠用，
心思思想要換一部容量大點點的，正好留意到美的推出了同款的4公升氣炸鍋，
忍不住要把它帶回家啦。

<實測校服恤衫> 美的多功能蒸氣掛熨機

今年嘅開學日雖然冇得去學校，只有視像開學禮，
但學校亦有要求要著校服參加，作為家長嘅占士哥，
決定要隆重地增加儀式感，早一晚就拎定佢件恤衫同菜苗條校裙出嚟，
叫我熨直佢，開學日一齊著。

之前送嚟嘅美的多功能蒸氣掛熨機終於派上用場，
上次SET機時已經SET好高度，熨板一拉出嚟就用得，好方便呀。

詳細SET機分享請睇另一篇文章：
https://bit.ly/2RqaUA7

開機之後就利用熨斗上嘅按鈕揀選衣服物料，
今次選擇棉質試下。

<家電推介> 返學好幫手 - 美的多功能蒸氣掛熨機

自芙芙中學畢業之後已經冇再用熨斗，
畢竟返工可以著得好簡約，所以唔熨直啲衫都冇所謂，
但隨住小菜苗快要升讀K1，我哋終於的起心肝想買返個熨斗嚟熨校服，
但因為家中有兩個小朋友，啲物品已經多到冇咩位放，
所以一直物悉緊一部可以收納得慳位啲嘅熨斗同熨板，
咁岩最近美的推出咗多功能蒸氣掛熨機，睇完個產品介紹，
我哋好快就喺佢哋網度訂咗，估唔到兩日就送到嚟啦。

呢部機安裝非常簡單，我哋直頭說明書都唔駛睇就安裝好，
成套掛熨機連埋熨板布，仲有隔熱手套，好細心。

<美的蒸焗爐食譜> 原汁原味-檸檬香草焗雞腿

自從有咗小朋友，屋企煮咩都會諗佢哋先，

小菜苗而家快3歲，都會食好多大人餸，

盡可以我哋會煮得淡味少少，有時會加蔬菜烤下雞肉，

通常咁樣煮菜苗都會食好多架。

以往用傳統嘅焗爐烤，今次就轉用美的蒸氣焗爐嘅熱風對流烘烤，

估唔到烤出嚟嘅雞肉嫩滑多汁，比一般焗爐更有效鎖住肉質水份，

唔會咁易令肉變硬變乾，真係唔錯架，

下次試下用嚟烤春雞先。

檸檬香草焗雞腿 食譜

材料：雞下髀3隻、甘筍1條、紫洋蔥半個、蒜粒8粒、檸檬片5片、橄欖油及鹽適量

醃料：鹽1.5茶匙、黑椒適量、意大利綜合香草適量

<美的蒸氣焗爐食譜> 親子廚房-沙津醬腸仔包

自從搬屋之後，家中嘅焗爐一直被收起，

已經好耐冇焗麵包啦，再加上生完妹妹之後，

個人記性差咗，有時蒸煮煲水後，就會突然忘記，

有次更煲到一滴水都冇，全個鍋燒到熱騰騰，

好在工人姐姐入去發現，諗起仲係好驚。

自嗰次之後，好多朋友同事都建議我用蒸焗爐，

蒸煮時唔駛睇火，又可以焗烤，

呢個建議真係非常之好，於是我就入手咗美的新推出的蒸氣焗爐，

用過之後真心覺得呢件產品應該一早就要出現，點解咁遲先嚟我屋企呢？

沙津醬腸仔包 食譜

麵團材料：高筋麵粉250g、水 100ml、蛋 55g(大蛋一隻)、

牛油 15g、糖 15g、鹽 2g、酵母 4g

其他材料：腸仔4條(切半)、沙律醬適量、番茄醬適量、蛋黃液1隻

<親子健康早餐 x 美的多功能全自動高速鍋> 自家製乳酪

前排因為小菜苗唔舒服感冒，為免飲奶惹痰，

嗰幾晚我哋都冇俾睡前奶菜苗飲，佢都好乖冇扭計，

仲明白自己有咳，所以唔可以食甜嘢凍嘢，

就因為咁，不知不覺間就戒咗奶，

到而家已經成兩星期冇飲奶啦。

為咗增加鈣嘅吸收，最近我都開始預備多啲奶類製品俾菜苗食，

而小菜苗一向十分鍾意食乳酪，不過最近少咗出去屋企存貨量少，

今日只係剩返一小盒，聽日又冇得食啦。

於是我決定用美的嘅高速鍋自製乳酪，自家製有好多好處，
就係甜味可以自己控制，而且材料相當簡單，倒哂入鍋中等8個鐘，

就可以製造到好多好多，慳返唔少錢呀。

自家製乳酪 食譜

材料：全脂牛奶1L、原味乳酪100g、煉奶80g

<無火煎炸> 避風塘杏鮑菇 x 美的全自動智能高速鍋

間唔中都會想食一啲炸嘢，但一諗起炸嘢時啲油彈來彈去，

煮完又要抹左抹右，呢個念頭就會瞬間即破，

早兩日醒起美的送來嘅全自動智能高速鍋有煎炸功能，

心思思試下用佢嚟炸嘢先，點知又幾work喎！

避風塘杏鮑菇

材料：小杏鮑菇4條、地瓜粉2.5湯匙、鹽及胡椒粉適量、

蒜頭半個(切蓉)、辣椒2條(去籽切絲)、乾蔥一個(切絲）

<美的多功能食物料理廚師機> 照燒雞扒刈包 (附食譜)

前排去餐廳食下午茶，見到有個照燒雞扒刈包，

平時見嘅刈包通常用肥豬肉做餡料，好少見用雞扒，

一試之下深深愛上，刈包有少少甜嘅味道，

配上濃郁味道嘅餡料的確好夾，今日同大家介紹下點樣自家製作刈包。

話時話近來疫情越嚟越嚴峻，如非必要都唔想外出，

而街市同超市買嘅食材都經常被清空，

令芙芙更想加購多功能食物料理廚師機嘅配件「鋁合金碎肉器」，

買到一件肉就可以喺家中整碎肉，點都衛生啲啦。

而且咁岩前排搬屋掉咗個攪拌機，可以一併加配埋「塑膠攪拌杯」，

咁就可以繼續製作濃湯、果汁、沙冰及醬料，

諗諗下好想一邊食刈包，一邊飲果汁添。

<情人節系列> 超簡易慢煮三文魚 x 美的全自動智能高速鍋

情人節就來到，但在居住之地區出現越來越多確診個案，

實在沒有心情出街食飯慶祝，加上為了防疫，

沒什麼需要還是留在家裡好，但正正在這在疫情漫延之時，

更加要對所愛的人表達心意，千萬不要愛得太遲呀。

芙芙今天介紹一道超級簡易的菜式，

讓大家可以安坐家中，為愛人煮個情人節大餐表達愛意，

這菜式只需有急凍的三文魚柳就夠，

加個意粉、沙津、焗薯，就可以輕易地完成情人節大餐啦。

今次用到美的全自動智能高速鍋，因為它有個手動調節的烹調溫度功能，

當烹調溫度達到就會自動保溫，可以利用這功能烹調慢煮菜式，

芙芙就用來煮了三文魚柳，低溫慢煮出來的魚肉非常嫩滑，

只需簡單調味已很足夠，實在是非常好吃。

慢煮三文魚 食譜

材料：三文魚柳1塊、蒜頭3粒
醃料：海鹽適量、黑椒適量、欖欖油1.5湯匙、意大利香草1茶匙

<美的全自動智能高速鍋> 增加抵抗力湯水 - 蟲草花百合螺頭湯

近來大家都努力抗炎，除了做足外在防疫措施戴口罩勤洗手外，

身體內在的調理都好重要，增加抵抗力湯水必不可少，

但在home office的環境下，要如何煲出有營老火湯呢？

哈哈哈，當然要出動法寶-美的高速鍋，

新產品有成4.8L容量，煲一大煲同家人一齊分享就岩哂。

按一下就全自動煲湯，無需睇火，

可以安心繼續在家辦工，45分鐘就有靚湯飲啦。

今次用上蟲草花同百合，蟲草花滋肺補腎，提高免疫力，

百合潤肺止咳，潤燥清熱，好適合一家大細飲用。

蟲草花百合螺頭湯 食譜

材料：

蟲草花半碗、百合半碗、南北杏半碗、

螺頭6隻、無花果3隻、豬肉300g、

紅蘿蔔2條、粟米2條、水1.5公升

<美的多功能食物料理廚師機> 親子烘焙3 - 簡易海鮮PIZZA

前年暑假，芙芙喺公司幫手開幼兒烹飪班，
朋友們一聽到我哋嘅課程內容，無一不驚訝，
佢哋話參加過其他嘅幼兒班，通常都係教整三文治，或者工序好簡單嘅菜式。

其實幼兒喺安全情況下，有好多步驟都可以參與，
例如用膠刀仔切食物，幫手搓下麵團，
用模具將食物印出靚靚形狀(唔止曲奇餅架)，甚至可以喺大人陪同下，
試下用一啲廚房小家電(幫手按下按鈕)，同時認識下唔同嘅煮食用具。

好似芙芙家呢一部多功能廚師機，除咗可以搓揉麵團，
仲可以另外配上「塑膠食物料理器」，佢有4種刀片，
有S刀片，仲可以切粗絲、幼絲、切片，

用嚟處理食材方便快捷，唔駛自己切到手軟。

芙芙同菜苗一齊整嘅呢個簡易海鮮PIZZA，菜苗參與度都好高架：

1. 佢會一齊望住廚師機嘅運作，睇住麵團成形。
2. 發酵後一齊搓走麵團嘅空氣，再碌成薄餅。
3. 用叉於薄餅中間扎孔。
4. 將茄膏掃上薄餅上。
5. 將材料撒上薄餅上。

同大家分享下呢個親子烘焙食譜，有興趣可以同小朋友一齊整下，
不過唔好幻想幼兒可以做得好完美，媽媽們係一定要執手尾架。

簡易海鮮PIZZA 食譜

材料：

高筋粉140g、低筋粉60g、溫水100ml、酵母3g、鹽3g、糖10g、橄欖油15g

配料：

雜錦海鮮1包、雜豆半碗、茄膏3湯匙、芝士碎適量

<美的多功能食物料理廚師機> 簡易甜品 - 蜜糖雪山

不知不覺返返工已經成個月，可能因為生咗第二胎，

體力都冇咁好，變得好易疲累，

搞到返工前放工後，都冇咩心機陪寶貝小菜苗玩，內心成日都好愧疚。

星期日放假時又要一打二，湊住妹妹就唔能夠同菜苗落街玩，

諗落再咁落去都唔係辦法，唔通次次放假都只係同佢玩玩具咩，

終於上星期我把心一橫，拎部廚師機出嚟同佢整下嘢食，

仲一次過整咗PIZZA，加多個好得意又簡單嘅甜品，菜苗開心到呢。

其實呢個甜品係芙芙喺好多年前喺長洲食過，

嗰時叫火焰雪山，不過家下自家製就唔玩火啦，

好在效果都一樣咁靚呢。

蜜糖雪山 食譜

材料：

蛋白3隻、糖20g、粟粉10g、蜜糖適量

<美的多功能食物料理廚師機> 親子烘焙2 - 肉鬆麵包

自從家中有了廚師機，成日都心思思想整麵包，
不過自問始終係烘焙初哥，不宜向難度挑戰，
都係先整啲基本款式，多加磨練磨練下先。

前排奶奶同姑仔去泰國旅行，買咗包大大包嘅肉鬆俾我哋，
就咁食又好似太放肆，當時剛剛好收到美的品牌送嚟嘅廚師機，
立即就地取材，試下自己整肉鬆麵包先。

肉鬆麵包 食譜

材料: 

高筋粉280g、牛奶150ml、奶粉10g、蛋液30g、酵母3g、

糖15g、鹽3g、牛油20g、肉鬆適量、蛋液適量(抹包面用)

<廚師機系列> 親子烘焙 - 芝士麵包條 (附食譜)

以前成日聽人講，屋企有部廚師機等於多咗個幫手👐，

打麵團唔駛自己嚟，又可以發蛋白整蛋糕🍰，

仲集合食物處理器、攪拌機於一身，

係嘅，用過都會覺得好正😌，

慳水慳力不在話下，時間都慳唔少，

而且睇住麵團成形嘅過程，的確好治癒。

今次試整芝士麵包條，非常成功👍，

占士哥仲話味道似足麵包鋪出品，講到咁一定要同大家share下😂。

🥖芝士麵包條 食譜

<產品試用> 烘焙新手必備 - 美的多功能食物料理廚師機

早前收到品牌送嚟新產品多功能食物料理廚師機，

一開箱就見到好靚仔嘅白色機身，

主機包咗三款配件，包括專業多用途攪拌槳、麵團鈎、打蛋器，

芙芙今次主要想試下佢嘅揉麵功能。

<美的陶瓷蒸燉寶> 滋潤養顏_紅棗冰糖燉燕窩 (附食譜)

早喺懷孕嘅時候，奶奶送咗一盒燕盞俾我，

因為懷孕初期有一粒好大嘅孕期水瘤，令我完全唔敢食花膠同燕窩，

於是就收埋咗盒燕窩，直到最近收到美的產品試用，

見到竟然好獨特地有燕窩功能，仲細分燕盞、燕角、燕碎同立燉燕，

全部都自設咗唔同嘅蒸燉時間，令我呢個唔識點整燕窩嘅女人仔嚟講，

都即刻拎返盒燕窩出嚟，燉燕窩立即變成無難度。

紅棗冰糖燉燕窩 食譜

材料: 燕盞1塊、紅棗8粒、杞子15粒、原晶冰糖適量

<美的陶瓷蒸燉寶> 滋潤甜品_椰皇燉蛋白(附食譜)

天氣忽然降到超寒冷，未返工已經想放工，

最好就係同小寶貝、占士哥暖喺屋企，

夜媽媽燉個嫩滑嘅椰皇燉蛋白食下，立即暖到入心呀。

前排聽同事講，佢用明火燉差不多要燉45分鐘至1個鐘，

芙芙用美的陶瓷蒸燉寶試下，佢嘅650W火力應該可以縮短蒸燉時間。

因為蒸燉寶只有0.8L容量，所以要揀選一啲較細嘅椰皇，否則會放唔入燉盅，

如果放唔入，可以直接倒入燉芯裡面蒸燉，

唔用椰殻都可以架，仲可以一次過燉多少少呢。

椰皇燉蛋白 食譜

材料: 椰皇水100ml、牛奶100ml、蛋白2隻、糖1茶匙

<美的陶瓷蒸燉寶> 全家滋潤_海底椰無花果燉豬展 (附食譜)

呢兩日又凍又乾燥，一整日都掛住紅色火災危險警告，
搞到喉嚨好乾涸，半夜仲要乾到醒，
最近成日煲蘋果雪梨水俾菜苗飲，
都係時候要顧下一班大人，燉返個滋潤湯水飲下先。

今次嘅材料相當簡單易熟，唔需要燉太耐都出到味，
選用養顏燉，蒸燉2小時就剛剛好啦。

海底椰無花果燉豬展 食譜

材料: 海底椰乾半碗、無花果3隻、雪耳1/4朵、豬展200g