<簡易版食譜 > 焗肉醬意粉

小學有位老師很愛錫我們三姊妹，
很記得小三那年，這位老師做了我的班主任，
她選了我做班長，有時會叫我留校幫忙蓋名印，做做班務工作，
每次完成後，老師會帶我一起吃飯，
我很專一的，每次都選肉醬意粉，
直至現在長大，每次吃肉醬意粉都會想起她。

這道兒時美食，我想女兒也吃吃，也聽聽媽媽小時候的故事。

芝士焗肉醬意粉 食譜

材料： 紫洋蔥碎半個、免治牛肉200g、蕃茄3個、蒜蓉2湯匙、意粉300g、芝士碎適量、生粉水2湯匙

調味：茄汁2湯匙、糖1.5茶匙、鹽及黑椒適量、綜合香草適量

<美的蒸焗爐慢燉食譜> 上湯菜膽雞

 平時煮菜膽雞，偷懶時可以落清雞湯，
煮熟隻雞滾幾滾就得，又快又夠味，
但而家為咗一家人健康著想，就會自己煲上湯，
煲一煲起碼要1.5小時，又要睇火，每次一諗到咁就會索性唔煮呢道菜。

不過我終於可以自製上湯同時偷懶啦，
前排入手嘅美的蒸焗爐有3個蒸煮模式（快蒸、慢蒸、純蒸），
慢蒸主要用嚟燉湯，所以時間嘅長度好寬，最耐可以揀5小時添，
今日就用慢蒸嚟取代明火煮上湯，真係好方便，
唔駛睇火又可以燉出雞嘅精華，加兩粒瑤柱已經好鮮甜啦。

上湯菜膽雞 食譜

材料：雞1隻、小棠菜5棵、瑤柱2粒、薑片4片、鹽適量、米酒1湯匙、水適量

<美的蒸焗爐食譜> 原汁原味-檸檬香草焗雞腿

自從有咗小朋友，屋企煮咩都會諗佢哋先，

小菜苗而家快3歲，都會食好多大人餸，

盡可以我哋會煮得淡味少少，有時會加蔬菜烤下雞肉，

通常咁樣煮菜苗都會食好多架。

以往用傳統嘅焗爐烤，今次就轉用美的蒸氣焗爐嘅熱風對流烘烤，

估唔到烤出嚟嘅雞肉嫩滑多汁，比一般焗爐更有效鎖住肉質水份，

唔會咁易令肉變硬變乾，真係唔錯架，

下次試下用嚟烤春雞先。

檸檬香草焗雞腿 食譜

材料：雞下髀3隻、甘筍1條、紫洋蔥半個、蒜粒8粒、檸檬片5片、橄欖油及鹽適量

醃料：鹽1.5茶匙、黑椒適量、意大利綜合香草適量