[新春送禮] 健康農場三無豬 - 百香果排骨(附食譜)

眨下眼新年就快到，家家戶戶都會吃團年飯，更會煮很多年菜，

最近有朋友在某街市看到很便宜的新鮮豬肉，

正所謂便宜莫貪，一定要選購有信心保證的食材，讓家人食得健康些。

我們家一直購買 #健康農場 的優質肉類，

他們的肉 無激素添加、 無抗生素、 無瘦肉精，

更設 #香港中央廠房，絕對安全、健康、衛生。

日前收到一個新年禮籃，菜苗一看就知道是健康農場的 #三無豬，

平時食得多，小朋友都認得包裝了，

當晚已急不及待用 #健康農場排骨 煮了 #百香果排骨，

酸酸甜甜又有果香，好送飯，而且煮法亦很簡單。

<日式料理食譜> 明太子醬焗薯蓉

前陣子網購了一盒鹽漬明太子，因為我是明丸子迷，

就算只用來送白飯，我都會十分滿足，

不過占士哥比較喜歡食西餐，於是我便用明太子焗了薯蓉，

味道真的好到不得了，在同一個星期內，

因太好吃便烤了兩次，一次像雪山，一次像蛋糕，哈哈哈哈，

雖然外貌非常不同，但味道也是一樣美味的啦。

明太子醬焗薯蓉 食譜

材料：薯仔2隻、牛油30g、牛奶60ml、鹽及黑椒適量

明太子醬：鹽漬明太子2條、蛋黃醬小半碗、黑椒少許

<開胃前菜食譜> 泰式鳳爪

泰式鳳爪係每次喺泰國餐廳必叫嘅菜式，

家下少出街食，自己整都好易，

而且酸味甜味都可以自己調節，仲可以放喺雪櫃慢慢食添，

因為芙媽唔食得辣，今次冇落到指天椒。

 泰式酸甜鳳爪

材料：無骨鳳爪1磅、溫室青瓜1條、紫洋蔥半個、檸檬片4片、米酒1湯匙

醬汁：泰式甜辣醬5湯匙、檸檬汁2.5湯匙、魚露2湯匙、蒜蓉2湯匙

<三步驟快煮食譜> 白酒煮青口 (附食譜)

有時諗唔到煮咩，芙芙就會問下占士哥意見，

佢好多時都係答食意粉，話好似易煮啲又簡單啲，

但我又做唔出只係煮個意粉就當一餐，

通常都會煮多一兩樣餸，或煎個扒，

想再簡單啲就會整個白酒青口，

又平又好味，最緊要係好快煮好。

白酒煮青口 食譜

材料：藍青口一包、白洋蔥半個，蒜蓉3湯匙、白酒100ml、鹽及黑椒適量

1. 青口洗淨，白洋蔥切碎備用。

2. 平底鍋中熱油，小火炒洋蔥碎至軟身。

3. 倒入青口、蒜蓉炒一會，再加入白酒後蓋上鍋蓋，煮至青口開口，加鹽及黑椒即可。

-------------------------------------------------------------------------------

**更多簡易食譜、小菜苗與菜蜜妹妹生活日誌**

↓歡迎 Follow and like ↓

Facebook：芙芙little kitchen

IG: fufu_littlekitchen

-------------------------------------------------------------------------------

汁料拎嚟沾麵包、撈意粉都好正架。

<簡易午餐食譜> 韭菜煎餃

話說芙芙一直都好欣賞芙媽包嘅餃子，好記得陀第一胎時，

咩都驚，食啖味精嘢都驚影響到BB，

所以就Order咗芙媽包餃子俾我食，佢包嘅餃子都好多汁，

雖然有時啲肉太多太實，要煮好耐先熟哂，

但味道同濕度都一流，最近芙媽就唔包肉，

同芙芙一齊轉包韭菜雞蛋，一樣咁好食咁多汁。

韭菜煎餃 食譜

材料：韭菜2束、蛋3隻、餃子皮30片、蠔油3湯匙、鹽少許

1. 韭菜洗淨後去頭尾後切碎備用；雞蛋打成蛋液，加鹽拌勻後炒熟。

2. 將炒蛋與韭菜拌勻成餡料，加蠔油調味，再將餡料放於餃子皮中間包成餃子。

3. 平底鍋中熱油，放入餃子中火煎至兩面金黃。

4. 加入小半碗水，加蓋煮至水份收乾，表皮變脆即可。

-------------------------------------------------------------------------------

**更多簡易食譜、小菜苗與菜蜜妹妹生活日誌**

↓歡迎 Follow and like ↓

Facebook：芙芙little kitchen

IG: fufu_littlekitchen

-------------------------------------------------------------------------------

其實呢個餡料亦可製作成韭菜盒子，但最近實在太懶，

唔想搓皮，所以都係包成餃子算了。

芙家包嘅餃子形狀係咁樣嘅，印象中好細個時芙媽已經教我哋包餃子。

加少少水然後加蓋煮，好快就熟透。

煎到水份冇哂，餃子皮好快就會變得脆口。

咬第一啖就有汁，太熱時真係要小心啲食呀。

(客家小菜食譜) 魷魚乾炒粉絲

魷魚乾係一樣經常出現喺芙家雪櫃嘅食材，芙芙係客家人，

由細到大，家人們都好喜歡食魷魚乾同吊桶仔，

吊桶仔會切細後直接加豉油蒸，魷魚乾就會加粉絲炒，

今日就同大家介紹下魷魚乾炒粉絲，雖然唔係咩客家名菜，

但呢道菜喺我心目中就係客家家常菜之一，

簡單易煮又夠香，味道真係唔錯架。

魷魚乾炒粉絲 食譜

材料：魷魚乾2隻、粉絲1大包、蒜蓉2湯匙、薑片4片、蔥白4條、青蔥段適量

調味料：蠔油1湯匙、生抽1湯匙、糖少許、水半碗

(送飯菜式) 醬油牛肋肉

前排芙媽同我心有靈犀地都買咗牛肋肉，

左諗右諗點煮好呢，前排先食完番茄燉牛肋，

想轉轉口味，正苦惱之際，

芙媽竟然煮咗道超好味，亦超好送飯嘅牛肋肉菜式，

味道好似肉燥咁，但又比肉燥有咬口，

因為好濃味，少少已經好好送飯，

勁想加多隻蛋做蓋飯，一定好正。

醬油牛肋肉 食譜

材料：牛肋肉半斤、紫洋蔥碎1/3個、蒜蓉2湯匙

調味料：甜豉油2湯匙、生抽2湯匙、鹽少許、水1/2碗

(簡易糖水) 紅棗雪耳燉桃膠

上星期開始回復公司返工，突然身邊有咁多家人以外嘅人，

同事又個個開籠雀咁(當然包括我)，剎那間唔係太習慣咁多人與聲，

由開頭唔習慣Home office，到而家好想日日喺屋企對住兩個女，

真係要啲時間再適應下公司返工先得。

近來天氣炎熱，有時工作到個人都燥燥哋，

一於煲返碗糖水雪凍飲下，慰勞下自己先。

紅棗雪耳燉桃膠 食譜

材料：桃膠1抓 約少半碗)、雪耳1件、紅棗10粒、冰糖適量、水2L

<三步驟快煮食譜> 蒜油拌茄子

芙芙家一向都係大魚大肉嘅家庭，可能因為係客家人，
最怕人唔夠食就住就住，每餐啲餸都係大大碟，
所以食到我哋成家都咁肥(哈哈)。

自從嫁咗人之後，間中都要就返老公口味嘅，
占士哥好喜歡食菜，每次佢放假，我都會煮多少少蔬菜俾佢食，
但成日都係炒菜、上湯煮都好悶下，
今次轉一轉整個蒜油拌茄子，
將茄子蒸熟，另外煮個蒜油淋上面，做前菜一流。

蒜油拌茄子 食譜

材料：茄子1條、蔥花適量

汁料：油1/4碗、蒜蓉2湯匙、醬油2湯匙、糖0.5茶匙、水約1/4碗、檸檬汁數滴

<親子共食食譜> 肉碎玉子豆腐

最近小菜苗好揀食，肉又唔食，

綠色菜又唔食，咁點呢？真係令人好困擾呀，

婆婆前排就教我煮咗呢道肉碎玉子豆腐，

其實細個時，媽媽成日都煮呢道菜俾我哋三姊妹食，

而家到我煮俾阿女食，估唔到小菜苗又好受落喎，終於有樣嘢肯食多啲，

今次加埋絹豆腐一齊煮，令道菜更加有營養。

肉碎玉子豆腐 食譜

材料：豬絞肉135g、玉子豆腐2條、絹豆腐1磚、蒜蓉1湯匙、蠔油1.5湯匙、水小半碗

醃料：生抽1湯匙、糖0.5茶匙、胡椒粉適量、生粉適量、油1湯匙

<氣炸鍋料理食譜> 蒜蜜炸排骨

屋企有咗小朋友，煮嘢都唔敢太熱氣，
有時煎炒炸都少咗，皆因佢哋一熱氣就好易喉嚨發炎，
一發炎就發燒，諗起都驚呀。

之但係間中都要照顧下大人嘅慾望嘅，前排忍唔住又開返氣炸鍋用，
唔覺意整咗個蒜蜜烤排骨，甜甜哋又香口，
估唔到又幾好送飯喎，諗諗下用埋嚟送酒都幾夾。

蒜蜜炸排骨 食譜

材料：排骨270g、蜜糖1湯匙、芝麻適量

醃料：蒜蓉4湯匙、蠔油1湯匙、生抽1.5湯匙、鹽0.5茶匙、

糖1茶匙、胡椒粉適量、生粉適量、油2湯匙