[影片食譜] 白菜豬肉卷

這道菜是前陣子煮的了，現在才分享出來，
我們第一次吃這個豬肉卷就愛上了，肉餡非常鬆軟，
連著白菜同吃，清而不膩，想不到也很好送飯。

白菜豬肉卷 食譜

材料：免治豬肉300g、冬菇4隻、甘筍半條、大白菜半個

醃料：生抽1.5湯匙、蠔油1.5湯匙、生粉2茶匙

醬汁：蒜蓉2湯匙、生抽2湯匙、蠔油1湯匙、糖1茶匙、水3湯匙、生粉水適量

[家常菜食譜] 京蔥炒肉絲

 很久沒有更新，過去一個月很辛苦，
因為家人都陸續確診，心理壓力大到下廚的興致都消失了，
只想著煮什麼有菜有肉的菜式給家人吃，讓他們在不適中都有營養食物，
而我卻沒心機吃，有時只煮夠家人吃的份量，
自己則快快的吃個快熟米粉填飽肚子就算了。

這種疲憊感一直都圍繞著我，直到現在家人都康復了，
但大女及芙媽都有間中咳嗽，氣管明顯都弱了，
內心很是擔心，唯有寄看中醫可幫助恢復。

接著幾天會跟大家分享一下疫情下煮過的家常菜，
希望也能讓大家多一點煮飯idea吧。

京蔥炒肉絲 食譜

材料：京蔥2條、豬肉200g、蒜蓉1湯匙、薑絲少許、老抽半湯匙、鹽半茶匙

醃料：鹽1茶匙、生粉1茶匙、油少許

醬汁：蠔油1湯匙、生抽半湯匙、糖1茶匙、米酒半湯匙、水1/3碗

<新春菜式> 氣炸椒鹽豬手

說時遲那時快，今天已是年廿八，
當大家在努力打掃時，我就努力在出食譜，
早幾天出了新春送禮時，有些朋友對椒鹽豬手都很有興趣，
終於完成了食譜，讓大家想年菜時多個選擇。

椒鹽豬手 食譜

材料：豬手9件、料酒1湯匙、薑片4片、蔥段適量

鹵水材料：鹵料包半份、生抽3湯匙、老抽1湯匙、料酒1湯匙

香料(混合)：椒鹽1湯匙、孜然粉1湯匙、芝麻適量

[新春送禮] 健康農場三無豬 - 百香果排骨(附食譜)

眨下眼新年就快到，家家戶戶都會吃團年飯，更會煮很多年菜，

最近有朋友在某街市看到很便宜的新鮮豬肉，

正所謂便宜莫貪，一定要選購有信心保證的食材，讓家人食得健康些。

我們家一直購買 #健康農場 的優質肉類，

他們的肉 無激素添加、 無抗生素、 無瘦肉精，

更設 #香港中央廠房，絕對安全、健康、衛生。

日前收到一個新年禮籃，菜苗一看就知道是健康農場的 #三無豬，

平時食得多，小朋友都認得包裝了，

當晚已急不及待用 #健康農場排骨 煮了 #百香果排骨，

酸酸甜甜又有果香，好送飯，而且煮法亦很簡單。

<影片食譜> 糖醋豆腐

小朋友都好喜歡酸酸甜甜嘅味道，最近菜苗唔喜歡食肉，

為咗令佢吸引多元嘅營養，我成日都要攪盡腦汁煮飯，

今日決定用上豆腐，撲上粉再半煎炸，
加埋糖醋汁炒一炒，好味到小菜苗食咗半碟呀。

糖醋豆腐 食譜

材料：硬豆腐1件、雞蛋1隻、生粉適量、蔥花適量

糖醋汁：茄汁3湯匙、醋2湯匙、糖1.5茶匙、生抽1湯匙、老抽1茶匙

<三步驟下飯菜式> 話梅排骨

前陣子分享過菜苗喜歡吃的糖醋豬軟骨，最近煮了味道很相似的話梅排骨，
想不到連妹妹都十分愛吃，整碟排骨被兩姊妹吃清光，
媽媽我感到十分滿足呢。

 話梅排骨 食譜

材料：排骨250g、話梅4粒、冰糖2-3小塊、老抽1茶匙、薑片6塊

<快手菜式> 蒜蓉蒸金菇

平時大魚大肉得多，有時都要煮點清淡菜，

蒜蓉蒸海鮮又鮮又香，用來蒸茄子、金菇等蔬菜都一樣美味，

再鋪上一層粉絲，10分鐘完成一道下飯菜。

蒜蓉蒸金菇 食譜

材料：金菇2包、蒜頭1個(切碎)、粉絲1大包、鹽及雞粉少許、蒸魚豉油適量

<咸香惹味家常菜 >魷魚仔炒粉絲

 前陣子在網上買海味，見到這個魷魚仔，
就入了兩包試試，跟平時的乾魷魚、吊桶不同，
這款不是全乾身，肉質仍保留水份，
味道咸香，浸20分鐘再汆水就可以煮，
如果喜歡吃乾魷魚的人，相信也會喜歡這個味道。

魷魚仔炒粉絲 食譜

材料：魷魚仔1包、粉絲200g、蒜蓉2湯匙、薑絲少許、蔥白4條、蔥段10條
調味料：生抽0.5湯匙、糖2茶匙、水半碗

<惹味送飯> 糖醋豬軟骨食譜

最近小菜苗喜歡吃餐廳煮的糖醋排骨，每次外賣到，

她都一個人吃掉大半碟，其實不止是她，

我也很喜歡吃糖醋的味道，有時芙爸會煮好一大盒糖醋豬軟骨給我們吃，很滋味的呢。

為了讓菜苗可以隨時食到住家糖醋排骨，我便上網找到了糖醋的比例，

 原來調味料以1234作為比例，可以輕易煮出完美的糖醋味道，

今次簡單地煮豬軟骨先，下次才煮排骨吧(懶走油)。

糖醋豬軟骨 食譜

材料：豬軟骨1磅、薑片5片、蔥段5條、水2碗

醬汁：1湯匙米酒、2湯匙生抽、3湯匙冰糖、4湯匙鎮江醋

<簡易食譜> 大蝦粉絲煲

自從辭工轉為全職媽媽後，都有一段時間沒有整理食譜了，

或許仍在適應身份的轉變，在blogger生活上就少了分享，

今天終於的起心肝，處理一下相片與文字了。

家中一向都有急凍大蝦存貨，煮茄汁蝦碌、黃金大蝦都很適合，

這次煮了大蝦粉絲煲，用大蝦頭煮出蝦的湯汁，

再加上粉絲吸盡精華，是很鮮味的一道菜。

大蝦粉絲煲 食譜

材料：大蝦8隻、粉絲2小包、蒜蓉2湯匙、水1大碗、蔥花適量

調味料：生抽2湯匙、蠔油1湯匙、糖0.5茶匙、雞粉1茶匙

<惹味家常菜> 沙嗲肥牛粉絲 (附食譜)

芙芙與占士哥都不是牛魔王，每次打邊爐都只會買少量肥牛，

有次買了也沒有吃，繼續把肥牛雪藏，

第二晚想把剩下的沙嗲醬全用掉，於是就煮了道沙嗲肥牛粉絲，

十分惹味，本來想留點帶飯吃，

但最尾也是全部吃清光呢。

沙嗲金菇肥牛粉絲 食譜

材料：肥牛200g、粉絲100g、金菇1包、沙爹醬2湯匙、

薑片5塊、蔥3棵、蒜頭3粒(切蓉)、水半碗

調味料：生抽2茶匙、鹽0.5茶匙、糖0.5茶匙、老抽2茶匙

<簡易家常菜> 蝦米煮勝瓜 (附食譜)

這道簡單的煮勝瓜是占士哥很愛吃的菜之一，每次煮出來，

他都會用狂風掃落葉的速度吃掉，是的，

每次我都只有幾件可吃下肚，其餘的都在他的肚中。

這道菜的汁料也很好下飯，也難怪占士哥愛吃，

把蝦米和蒜撈到飯中，實在很惹味。

蝦米煮勝瓜 食譜

材料：勝瓜2條、蝦米半碗、蒜蓉1湯匙、雞汁適量、水半碗

<簡易食譜> 牛肉伴豆腐蒸水蛋

前陣子小菜苗只要吃到一粒菜都要吐出來，連吃肉也懶，
相信她是懶得咬，連蕃茄也不想吃，
於是我們哄她吃蕃茄皮膚會白裡透紅，非常漂亮，
她便整碗蕃茄都吞了下肚，貪靚的小朋友真好騙。

之前介紹過我會煮肉碎蒸蛋給菜苗送飯，希望在她偏食時也有多點營養，
今次就改用免治牛肉，在蛋液中再加一磚滑豆腐，
營養更豐富，加上牛肉的肉汁很惹味，小菜苗也吃了很多呢。

牛肉伴豆腐蒸水蛋

材料：免治牛肉150g、洋蔥碎1/4隻、豆腐1件、雞蛋3隻、水半碗、蒜蓉1湯匙

調味料：生抽1湯圓、老抽0.5湯匙、蠔油1湯匙、糖1茶匙、鹽少許

<三步驟快煮食譜> 生薑豬肉片

凍肉系列再嚟啦，今次用到 Unijoy Hong Kong Limited 訂購嘅豬梅肉片，
初初送到嚟時見到成舊磚咁，仲以為發錯貨，俾錯舊豬肉我，
解凍後就知冇錯啦，豬肉片用薑汁醃好，
加埋洋蔥絲一齊煮，啲汁仲可以撈飯食，
係我家嘅常菜之一，非常簡單又好味。

生薑豬肉片 食譜

材料：梅頭肉片400g、紫洋蔥半個、生粉水2湯匙

醃料：姜蓉1湯匙、生抽2湯匙、米酒1湯匙、糖2茶匙

<美的蒸焗爐慢燉食譜> 上湯菜膽雞

 平時煮菜膽雞，偷懶時可以落清雞湯，
煮熟隻雞滾幾滾就得，又快又夠味，
但而家為咗一家人健康著想，就會自己煲上湯，
煲一煲起碼要1.5小時，又要睇火，每次一諗到咁就會索性唔煮呢道菜。

不過我終於可以自製上湯同時偷懶啦，
前排入手嘅美的蒸焗爐有3個蒸煮模式（快蒸、慢蒸、純蒸），
慢蒸主要用嚟燉湯，所以時間嘅長度好寬，最耐可以揀5小時添，
今日就用慢蒸嚟取代明火煮上湯，真係好方便，
唔駛睇火又可以燉出雞嘅精華，加兩粒瑤柱已經好鮮甜啦。

上湯菜膽雞 食譜

材料：雞1隻、小棠菜5棵、瑤柱2粒、薑片4片、鹽適量、米酒1湯匙、水適量

<三步驟快煮食譜> 蒜香牛柳粒

估唔到疫情突然爆發第三波，今次芙芙比上次更擔心，

連外賣都唔敢食啦，實行盡量都食屋企飯，

返工就帶飯，在家休息都一定自己煮，

有時仲有芙爸芙媽嘅愛心餸，咁就可以煮少啲。

屋企最近最多就係凍肉，牛柳粒都係切備之一，

簡簡單單加啲蒜片煎煮，都夠哂好味啦。

蒜香牛柳粒 食譜

材料: 牛柳粒半磅、蒜頭6粒(切片)、黑椒適量

醃料：豉油1.5湯匙、糖0.5湯匙、油1湯匙

<簡易海鮮食譜> 爆炒八爪魚

前排芙媽喺相熟嘅鋪頭買咗半隻大嘅冰鮮八爪魚，大隻到足夠4至5人食，

估唔到簡簡單單咁用彩椒炒，都咁好味，

呢個星期疫情突然爆升，睇嚟都要買定多啲雪藏食材，

盡量一日買三日餸，街市呢啲人多地方唔好去咁多啦。

爆炒八爪魚 食譜

材料：八爪魚半隻、彩椒3隻、蒜頭3粒(切蓉)、乾蔥1粒(切片)，薑片4塊、生粉水適量

調味：生抽3湯匙、蠔油1.5湯匙、鹽1茶匙、糖1茶匙

<簡易午餐食譜> 韭菜煎餃

話說芙芙一直都好欣賞芙媽包嘅餃子，好記得陀第一胎時，

咩都驚，食啖味精嘢都驚影響到BB，

所以就Order咗芙媽包餃子俾我食，佢包嘅餃子都好多汁，

雖然有時啲肉太多太實，要煮好耐先熟哂，

但味道同濕度都一流，最近芙媽就唔包肉，

同芙芙一齊轉包韭菜雞蛋，一樣咁好食咁多汁。

韭菜煎餃 食譜

材料：韭菜2束、蛋3隻、餃子皮30片、蠔油3湯匙、鹽少許

1. 韭菜洗淨後去頭尾後切碎備用；雞蛋打成蛋液，加鹽拌勻後炒熟。

2. 將炒蛋與韭菜拌勻成餡料，加蠔油調味，再將餡料放於餃子皮中間包成餃子。

3. 平底鍋中熱油，放入餃子中火煎至兩面金黃。

4. 加入小半碗水，加蓋煮至水份收乾，表皮變脆即可。

-------------------------------------------------------------------------------

**更多簡易食譜、小菜苗與菜蜜妹妹生活日誌**

↓歡迎 Follow and like ↓

Facebook：芙芙little kitchen

IG: fufu_littlekitchen

-------------------------------------------------------------------------------

其實呢個餡料亦可製作成韭菜盒子，但最近實在太懶，

唔想搓皮，所以都係包成餃子算了。

芙家包嘅餃子形狀係咁樣嘅，印象中好細個時芙媽已經教我哋包餃子。

加少少水然後加蓋煮，好快就熟透。

煎到水份冇哂，餃子皮好快就會變得脆口。

咬第一啖就有汁，太熱時真係要小心啲食呀。

<香濃惹味> 咖哩雞翼 (附食譜)

最近覺得個人好苦悶，日日湊女返工千篇一律，

成日淨係好想訓覺，屋企人話我可能濕重，

至幣食飯都覺得好悶，琴晚轉轉新意思，

一於整個咖哩雞翼拼薄餅嚟調劑下。

咖哩雞翼 食譜

材料：雞翼8隻、小薯仔3個（切塊）、黃咖哩醬2湯匙、椰漿200ml、魚露1湯匙、糖3茶匙、蒜蓉及薑蓉各1.5湯匙、水大半碗

醃料：醬油1湯匙、糖0.5茶匙、鹽0.5茶匙、胡椒粉適量、生粉適量

(客家小菜食譜) 魷魚乾炒粉絲

魷魚乾係一樣經常出現喺芙家雪櫃嘅食材，芙芙係客家人，

由細到大，家人們都好喜歡食魷魚乾同吊桶仔，

吊桶仔會切細後直接加豉油蒸，魷魚乾就會加粉絲炒，

今日就同大家介紹下魷魚乾炒粉絲，雖然唔係咩客家名菜，

但呢道菜喺我心目中就係客家家常菜之一，

簡單易煮又夠香，味道真係唔錯架。

魷魚乾炒粉絲 食譜

材料：魷魚乾2隻、粉絲1大包、蒜蓉2湯匙、薑片4片、蔥白4條、青蔥段適量

調味料：蠔油1湯匙、生抽1湯匙、糖少許、水半碗