<簡易食譜> 照燒檸蜜雞翼

菜蜜妹妹不知不覺都16個月大啦，但係佢嘅濕疹都仲係好反覆，

加上對蛋敏感，所以可憐地好多美食都唔試得，

但係佢又非常為食，最近我要出動殺手鐧嚟氹佢，

就係大人小朋友都喜歡嘅雞翼～

以下呢個雞翼味道好濃厚，妹妹當然唔係食呢款味啦，

不過實在係好美味又易煮，一定要喺度分享下。

照燒檸檬雞翼 食譜

材料：雞翼12隻、檸檬3片(切塊去核)、蜜糖2.5湯匙

醃料：生抽1湯匙、鹽1茶匙、米酒1湯匙、糖1茶匙、胡椒粉適量、生粉1茶匙

醬汁：生抽2湯匙、味醂1湯匙、糖2茶匙、水半碗

<三步驟快煮食譜> 汁燒帆立貝

補一補父親節時煮嘅一道簡單小食食譜，汁燒帆立貝，

帆立貝係一樣必定會出現在芙家雪櫃嘅食材，多數用牛油蒜蓉煎，

今次搞搞新意思，扮日本料理用燒汁煮下先。

汁燒帆立貝 食譜

材料：帆立貝6隻

燒汁：生抽3湯匙、味醂1.5湯匙、米酒1.5湯匙、糖1湯匙

<無火煎炸> 避風塘杏鮑菇 x 美的全自動智能高速鍋

間唔中都會想食一啲炸嘢，但一諗起炸嘢時啲油彈來彈去，

煮完又要抹左抹右，呢個念頭就會瞬間即破，

早兩日醒起美的送來嘅全自動智能高速鍋有煎炸功能，

心思思試下用佢嚟炸嘢先，點知又幾work喎！

避風塘杏鮑菇

材料：小杏鮑菇4條、地瓜粉2.5湯匙、鹽及胡椒粉適量、

蒜頭半個(切蓉)、辣椒2條(去籽切絲)、乾蔥一個(切絲）

<派對之選-泰式好滋味> 泰式肉碎生菜包 (附食譜)

芙芙喜歡泰國菜嘅原因，除咗因為香料嘅味道好清新之外，

就係大部份菜式都用好多蔬菜，無論係湯品，

抑或係肉類嘅菜式，就連整咖哩都要落好多蔬菜，

所以泰國菜好少會食到好膩，一般都會越食越開胃。

今次為大家推介簡單易煮嘅泰式肉碎生菜包，

絕對係派對食物嘅好主意之一，仲未諗到整咩開party，
可以試下呢道菜式呀。

泰式肉碎生菜包 食譜

材料：免治豬肉500g、蕃茄半個、生菜1棵、蒜蓉2湯匙、辣椒1條(切粒)、九層塔1棵

調味汁：生抽1湯匙、老抽1湯匙、魚露1湯匙、糖1茶匙

<美的健炸寶> 健康小食_脆炸芋片芋絲

隨住小菜苗一歲，芙芙大肚時嘅回憶都返哂嚟，

相信好多孕媽媽有第一胎時，頭幾個月甚至成個孕期都會好小心飲食，

芙芙都唔例外，頭3個係咁上網搵健康孕婦食品，

走去自製西柚汁飲，又日日食蘋果，

完全唔敢掂任何熱氣食物，好怕BB出世後皮膚會唔好，

連一滴咖啡都唔敢飲，一粒朱古力都唔敢食，

諗返起都覺得好偉大，咁為食嘅我都忍得住。

呢種偉大大約去到第5個月左右就減咗半啦，

好快地，我就冇再忍口，

會買少少薯片食下過下口癮，不過在選擇上，

就會揀啲天然嘅番薯片、芋片等，

仲要揀啲有organic字嘅(其實都係俾自己良心好過啲)。

喺收到美的氣炸鍋後，芙芙好快就決定要炸芋片，用嚟回味下懷孕時嘅感覺，

因為嗰啲寫住Organic嘅蔬菜片入面，最好味就係番薯片同芋片，

不過街買唔及自己整咁放心，而且仲可以自己選擇鹹定唔鹹添。

脆炸芋片芋絲 食譜

材料: 芋頭1個、植物油適量、鹽適量

<邪惡下午茶> 港式西多士 (附食譜)

記得喺芙芙有咗嘅時候，胃口冇咩大變，

只係特別渴求食麵包類嘅食物，而且仲成日偷雞去快餐店食西多士，

突然好懷念大肚時嘅感覺，既然都卸咗貨，

不如自己整嚟食下啦。

又到聖誕之派對小食 - 鹽酥雞 (附食譜)

又到聖誕，又到聖誕，

每年聖誕都盡是感恩，除了開聖誕party又玩又食之外，

可別忘了聖誕節的真正主角，耶穌基督，

祂的降生使我們在罪裡得到釋放，這無條件的愛，

實在無人能及，大家可別忘記呀。

說到又玩又吃的聖誕party，怎能沒有脆口美食？

今年跟大家介紹邪惡小食，脆卜卜的鹽酥雞。

鹹香煎薄撐 (附食譜)

平時在飲茶時，看到點心紙的「家鄉煎薄撐」，

心中都很矛盾，想吃卻不願order。

芙芙一直認為在外吃薄撐很搵苯，明知它的材料簡單又便宜，

在街外吃卻要十幾元，還只得一塊，

雖然這樣想，但最後都還是叫了。

今天，芙芙就自己煮自己食，

動用家中必有的材料，做出家鄉煎薄撐。

檸蜜雞翼 (附食譜)

雞翼是無比邪惡的食物，無論如何烹調，

都會令人吃完一隻再吃多隻，好吃得停不了，

這次介紹檸蜜煮雞翼，味道清新帶點微酸，

記緊不要走皮，走皮就吃不到那滋味啦。

 

韓小食 - 辣味雞腎 (附食譜)

芙芙一向不是一個好啤酒之人，但就常常想作點咸味小吃，

常常在想婚後，如果有朋友來睇波吹水時，

就可以作點小吃給大家送酒，也蠻不錯呢。

雞腎爽爽脆脆的口感，用來作送酒小吃就一流，

加點韓式辣醬，就會變得非常惹味。