<阿華田 x 美的健炸寶食譜> 阿華田麵包布甸

喺好細個嘅時候，芙芙一家都住喺唐樓天台，

包租婆就係芙芙嘅姑婆，嗰時只有3-4歲，

有時去到姑婆屋企，佢就會拎出一杯熱阿華田，

仲有方包，俾我哋幾個小朋友點住嚟食，

到而家仲好記得，浸過阿華田嘅都麵包又甜又香，好好味。

芙芙真係好想重溫一下當年嘅滋味，昨晚半夜打開美的健炸寶嘅炸籃，

放入兩個裝滿阿華田同方包塊嘅焗碗，再用極快嘅20分鐘時間，

製作出阿華田麵包布甸，成間屋都係呢陣阿華田嘅香味。

阿華田麵包布甸 食譜

(4碗份量)

材料：牛奶250ml、雞蛋2隻、阿華田60g、方包2片、乾果適量

1. 牛奶先加熱至起細泡關火，倒於碗中與阿華田拌勻。

2. 雞蛋打成蛋液，過篩倒入1.阿華田牛奶中快速拌勻。

3. 於焗碗上掃上一層油，將方包撕成小塊放入碗中。

4. 倒入2.牛奶蛋液至8分滿，浸住麵包塊，再撒上適量乾果。

5. 美的健炸寶預熱170度，將焗碗放入炸物籃中，以170度焗20分鐘即可。

剛烤起時布甸會膨脹，放於室溫中一會兒就會平伏下來。

想睇最新食譜及小菜苗週記，歡迎到Facebook like下芙芙little kitchen

牛奶唔駛煮到滾，只需起了細泡就可以倒出。

一包三合一阿華田有30g，整4碗只需2包就可以。

有皮嘅方包盡量放面，焗出嚟會更靚同脆口。

芙芙呢次用嘅乾果係親戚送嚟嘅布林乾，味道都好夾，

一般可以用提子乾就ok。

健炸寶炸籃其實唔大，但都足夠放入兩個焗碗。

選好溫度170度，再選時間，

芙芙習慣一次過扭多點時間，這個布甸只需20分鐘就可以。

傳統焗爐焗麵包布甸大約都要30-40分鐘，美的健炸寶只需20分鐘，

用佢嚟整簡單宵夜最好不過，又快又方便。

話咁快就完成兒時回憶美食，真係好令人懷念呀。