芙芙與大姊放題 - 荃灣瀛喜

芙芙同大姊都好喜歡到瀛喜食放題，除咗刺身都ok新鮮外，

仲有好多食物款式，而且大部份都唔錯，

比起其他放題，呢間真係可以話所有嘢都好合理。

其實芙芙同同事一直都係食元朗嘅瀛喜，不過冇耐前發現荃灣都開咗間，

好近芙芙家呢，所以就同大姊齊齊食5點半嘅晚餐放題啦。

呢度嘅剌身最正係馬刀貝，好爽口，

而三文魚都好正常，有時寫三魚文刺身仲會自動變咗三文魚腩添。

其餘刺身款式：油甘魚、甜蝦、柱貝、希靈魚等。

芙芙好喜歡呢度嘅炸物，特別係芝麻雞翼絕對係必食之選。

蝦多士都一樣吸引，但由於個炸薯餅係咖哩味，

芙芙同大姊都唔太好，所以一咬就...好無奈。

天婦羅今次叫咗好少，只係食蝦同蝦膠秋葵，

蝦膠秋葵呢個配搭都幾特別，不過味道一般。

芙芙本來想食炒魷魚酥，點知寫錯咗呢款炸嘅，

有啲硬，都係汁炒好味好多。

炸雞軟骨大姊次次都會叫，正常味道。

呢度嘅串燒都好好味，強烈推薦燒雞脾菇，

一啖咬落去有種啖啖肉嘅感覺，而且有陣淡淡嘅油香，

雞腎仲有陣好香嘅酒味，而且咬落軟硬適中呢。

呢個燒茄子好似平平無奇，但唔知點解芙芙同大姊食一次都覺得唔夠。

呢個係大姊叫嘅，芙芙冇食到。

燒羊架芙芙每次都食兩件，不過呢次冇咩肉地，

但都夠酥，如果多啲肉就好啦。

總括嚟講，之前做緊promote(而家唔知仲係唔係)，

5:30pm食兩個鐘，一個人大約$160左右，

芙芙同大姊都覺得幾抵，不過平時晚飯時間食，

一個人就要$200度，如果多人食的話，

真係5:30pm呢場化算好多，人又冇咁多嘢食都出得快啲。