快手家常菜 - 薑蔥脆肉鯇(食譜)

秋風起，成日都想打邊爐，
芙家最愛打邊爐食脆肉鯇，其實係因為芙媽太熱愛脆肉鯇，

所以有時會買嚟煮湯米粉，或者薑蔥炒。

就因為阿媽鍾意食，我都受佢影響愛上咗脆肉鯇，
有時會買嚟自己炒，但因為占士哥唔好魚，
每次炒完多數都係我自己食哂嘅，食完就會好滿足。

 薑蔥脆肉鯇 食譜

材料：脆鯇腩一件、薑10片、蔥段半碗、蠔油1湯匙、麻油2茶匙、生抽1湯匙、糖1茶匙