快手早餐_芝士焗大啡菇 (無需焗爐版)

近來都幾多假期，繼之前放咗成個星期嘅大假之後，

接住就係中秋同國慶，都真係幾開心架。

做咗人媽媽之後，芙芙都開始有食早餐嘅習慣，

總係覺得食咗早餐，嗰日就會過得有幹勁啲，

之但係大家都係做阿媽嘅，會好明白早上嘅忙碌，

芙芙若要喺屋企整早餐食，一定要快，

今日就介紹一個超快完成嘅早餐，芝士焗大啡菇。

芝士焗大啡菇 食譜

材料：大啡菇2隻、雞蛋2隻、車打芝士2片、黑椒適量、香草適量

1. 大啡菇去頂，清水輕洗後抹乾水份。

2. 燒熱油，放入大啡菇中火煎至兩面呈微金黃色。

3. 將雞蛋倒於啡菇的凹位中，加適量水於啡菇旁邊，蓋上鍋蓋煮3分鐘。
4. 打開鍋蓋，將車打芝士鋪於蛋上，再蓋上鍋蓋煮2分鐘即可。

**上碟後撒上黑椒與香草，即可享用。**

想睇最新食譜及小菜苗週記，歡迎到Facebook like下芙芙little kitchen

留意鍋中水份，如時間未夠已沒有水，可加水及轉小一點的火，

這樣煮出的大啡菇仍保留很多水份，唔會乾爭爭架。

切出嚟都幾厚下，落咗芝士就唔駛鹽調味啦。

通常芙芙同占士哥一人一件，再加多塊多士就好滿足啦。