焗香草雞脾仔伴薯仔 (附食譜)

呢排仲係好忙，因為趕住交Funding的申請，

對完一次又一次，今日終於交左出街，

希望順順利利，bid到多d錢返黎搞summer program啦!

有一排我好喜歡食焗薯仔，唔係美國焗薯，

係普通的薯仔連皮焗，加d鹽加d香草真係好好味，

而且塊皮又可以食埋，次次我都半隻半隻咁食!

焗香草雞脾仔伴薯仔  食譜

材料: 雞脾仔兩隻、薯仔兩隻、雜錦香草適量、蒜蓉、黑胡椒適量

1. 雞脾仔洗淨，用蒜蓉、鹽、豉油、糖、生粉醃半小時備用。

2. 薯仔洗淨切塊，放入滾水加鹽拾熟備用。

3. 預熱焗爐220度，將薯仔放於焗盤上撒上雜錦香草及黑胡椒。

4. 將雞脾仔放於薯仔上，再撒上雜錦香草及黑胡椒。

5. 將材料放入焗爐220度烤15分鐘，把雞脾仔轉身再烤15分鐘至金黃即可。

食之前可以在薯塊上加d鹽，會更好味呢。

最近唔知做咩，好似成個人都無咩心情食野咁，

即係好似做野做到唔識餓，諗起食野無左種"好想食野呀!"的感覺，

唔知係咪胃口細左呢，定係工作太忙的關係呢?