芙芙前排潛水冇出現嘅日子裡面，就同屋企人去咗日本旅行，
其實呢次係芙芙第一次嘅日本之旅，跟住就愛上咗日本啦~
本來我哋一家係報阿信的故事個團，點知話多人得滯，
問我哋轉唔轉立山黑部個團，而且仲唔駛我哋加返錢，
咁樣一個人平$1000，我哋一家再加上姑媽姑丈，
總共平咗$6000，梗係轉啦。
Day 1 溫泉酒店
由成田機場一落機，就立即出發去溫泉酒店，
估唔到搭咗4個鐘頭飛機，跟住仲要坐咗4個鐘頭車，
雖然中間有休息站，但因為我哋住嘅係喺山上面嘅溫泉酒店，
所以車路比較多彎，坐到就到時已經有少少暈車feel。
因為要去到"郊區"，搭車期間都見到好靚嘅景色。
好興奮地見到周圍都係禾，好靚呀~
第一晚嘅晚餐，其實由第一晚到第四晚我哋都係勁食酒店自助餐。
真係唔好講笑，搭咗咁耐飛機同車，
到達酒店已經8點幾，大家都立即去食飯，
因為日本人係好早食晚飯，我哋8點幾至去到，
酒店係特登等埋我哋，真係感激呀!
呢一晚，芙芙同家姐終於肉帛相見，
齊齊浸溫泉，真係好soft呀~
特別要一提嘅係，呢一間溫泉嘅護膚用品「旅美人」，
真係好好用，芙芙想買，
但浸完溫泉，間商店已經關咗。
日本我都好想去, 食物好味嗎?
回覆刪除mickey，芙芙認為好值得去下日本旅行，
刪除除咗食物好味，仲有佢哋嘅環境真係好乾淨，
空間亦都好大，俾人有種可以抖下，
吸下新鮮空氣嘅感覺，人都寫意啲呀。
芙芙其實比較喜歡自由行，跟團嘅食物唔係唔好食，
但唔夠特別，如果自由行就可以自己搵好嘢食。
立山黑部風景好靚架~ 我都好想去....
回覆刪除李師奶，立山黑部真係超值得去，
刪除但你又有心理準備，真係要搭好耐車架！
郊區浸溫泉好正呀~~
回覆刪除殷師奶，真係好正呀，
刪除芙芙第一次浸溫泉，去到室外溫泉，
點知個景唔係心想咁樣，只係睇到少少天空，
點知第二朝一早起身再浸時，發現原來仲有另一個室外溫泉，
個view大到冇朋友，芙芙同家姐都好開心自己有晨早起身浸多次呢。
肉帛相見, 哈哈~~~~~
回覆刪除cici，其實唔止芙芙同大姊，
刪除仲有同姑媽仲有芙媽都肉帛相見咗，真係親上加親啦呀~
芙芙，好替你們開心呢 ~ 小高都好掛住日本，呢個地方係你去完一次，定必會再回去的地方，可惜，自從311後我都無再去日本玩了！
回覆刪除小高，你講得好啱呀！
刪除芙芙都有種去過一次日本，就好想再去日本玩嘅感覺，
其實芙芙本來都唔太想去，都係因為311核電事件，
但家人想去日本玩，芙芙又冇理由話唔制，
所以就齊齊到日本行個圈，點知就一試愛上了~