煙鴨胸蕃茄辣湯 (附食譜)

最近又打開大陸電視劇稿，發覺一到廿幾集時，
總會出現個仔/個女唔認阿媽嘅劇情，次次個阿媽都係咁喊。

前排打開大陸古裝戰國時代劇集，發覺輯輯都有一個劇情，
就係其中一個主角，一定會娶咗/愛上咗個殺父仇人個女，
又或者調轉，係個女仔愛上咗/嫁咗個殺父仇人個仔。





煙鴨胸蕃茄辣湯 食譜

材料: 煙鴨胸1件、蕃茄2個、茄汁1湯匙、水1.5碗、辣椒粉0.5茶匙

調味料: 鹽1茶匙、糖1茶匙

1. 煙鴨胸切片，平底鑊加入少許油燒熱後加入鴨胸片煎。

2. 煎至鴨胸油出，鴨胸皮部份變小便可盛起。

3. 用少許的鴨胸油加入蕃茄炒至軟身，加入辣椒粉繼續炒。

4. 加入1.5碗水慢火煮滾，加入茄汁煲至湯水變濃。

5. 加入鹽糖調味即可，吃前撤上少許雜錦香草增添風味。

材料非常簡單，味道濃香，

食得辣嘅朋友，可以試下整。

自己未打稿之前，都唔會發覺電視劇有啲咁得意嘅情況，
當你一次過睇幾套時，就會發覺呢啲劇情都幾冇新意。