有時候一個人食飯，都唔知食咩好，
想食清怡啲，又唔想食菜沙津，
食咩可以感覺飽啲，又唔會咁heavy呢？
答案就係，牛油果。
蕃茄牛油果沙津 食譜
材料：牛油果2個、蕃茄4個、
調味料：檸檬汁半個、海鹽適量、橄欖油適量、黑椒碎適量、雜錦香草適量
1. 牛油果去皮去核，切粒備用。
2. 蕃茄洗淨切粒，與牛油果一同盛起。
3. 將檸檬汁淋上材料上，再加上其他調味料。
4. 吃前將所有材料拌勻，即可。
芙芙仲配上鹽烤鯖魚一齊食，好一個輕盈晚餐呀！
.jpg)
芙芙好喜歡呢個沙津，所有材料都好天然，
連沙津汁都唔係用買返嚟嘅，味道一樣好味呀！
紅紅綠綠，色彩繽紛，又有魚魚食，好吸引呢，芙芙轉左icon圖好可愛呀，攪到我又想轉番自己個Q版圖做icon添
回覆刪除袁太，個icon係用apps整架，
刪除好簡單，呢個icon係由芙芙個同事整出嚟架，
你都整啦，等芙芙問下個apps叫咩名再話你知。
講開牛油果, 我前二日買哂料唸住整三文魚他他, 點知周圍搵唔到牛油果, 結果比我响專康見到. 一買番黎切開......嘩.....刀都差D切唔入, 入面硬到可以掟死狗~~
回覆刪除你响邊到買嫁?
唉呀，芙芙之前都試過，
刪除記得當時芙芙唔成分點為之熟同唔熟，又係切極都切唔開，
好彩同事教路，叫我將個青bb牛油果放室溫幾日，
變黑就可以切，其實最尾都放咗成個星期先變黑，
都同你一樣喺惠康買，所以而家芙芙會揀一啲偏黑嘅嚟買呢。
色彩繽紛的沙律, 好健康. 芙芙轉左icon呀，好cute. 之前我有個朋友話我個icon唔靚, 攪到我又想轉!
回覆刪除cici，芙芙最近努力做個健康人呀，
刪除所以盡快多菜少肉，最好就食素，
但好難呢，太多誘惑，
多謝你讚賞呀，呢個icon其實係用apps整架，
芙芙同事整架，好簡單ga ja。
你個icon都好特別呀，芙芙又唔覺得唔靚喎，
你icon d人仔可以舉你個blog名，仲特別啦！