<美的陶瓷蒸燉寶> 燉出冬日滋補湯_姬松茸螺頭燉竹絲雞 (附食譜)

天氣突然變到咁凍，身體弱啲都唔掂，

呢個時候真係好適合飲碗燉湯，增強身體抵抗力。

就喺呢個寒冬來臨前，芙芙就收到由美的送來嘅小家電 - 陶瓷蒸燉寶，

真係來得相當合時，產品一送嚟已經燉咗幾次湯飲，

仲燉埋俾阿媽同鄰居好朋友飲添啦。

有咗佢就可以喺唔浪費水，同唔駛睇幾個鐘火嘅情況下，

燉到1-2人飲用嘅湯水、甜品、嬰兒粥同燕窩。

第一次試用美的蒸燉寶，芙芙就好自私地選用竹絲雞燉咗個滋補湯俾自己飲先，

材料好簡單，好岩女士們飲用架。

陶瓷蒸燉寶機身小巧，機身都係17cm左右闊，

對香港咁細嘅住屋嚟講，呢款小家電絕對唔會霸佔好多位。

燉芯可以盛載0.8L水，基本上可以燉到約2碗湯水，

岩哂2人小家庭，而且亦好適合燉嘢俾bb食。

姬松茸螺頭燉竹絲雞 食譜

材料: 姬松茸5-6條、螺頭2隻、竹絲雞1/4隻、大紅棗2粒、水2碗

1. 姬松茸洗淨，螺頭浸軟，紅棗切半去核，竹絲雞洗淨後汆水備用。

2. 將所有材料放入燉盅內，再於蒸燉寶中加水至界線。

3. 將燉盅放入蒸燉寶，按功能鍵選取「精華燉」，然後按開始燉3小時即可。

**姬松茸有降膽固醇、血脂、血糖功效，

仲可以提高免疫力，係一種好有保健作用嘅菌類。**

想睇最新食譜及小菜苗週記，歡迎到Facebook like下芙芙little kitchen

每次燉嘢嘅時候，只需要加2碗水多啲啲，

就可以燉到最長3小時，比起開明火去燉，

真係省卻唔少水。

睇佢外型細細，無諗過燉到咁美味嘅湯水，
睇清楚原來佢有成650W功率加熱，絕對拍得住明火嘅火侯，

老實講芙芙每次用佢燉嘅湯都冇落任何調味，都已經相當之夠味。

下次再同大家介紹一款滋潤燉湯，亦會試用蒸燉寶嘅另一個功能，

有興趣就留意FB Update啦。