<媽媽恩物開箱-美的智能高速煲> 鮑汁雞腳篇_附食譜

對於一個要工作的新手媽媽來說，每天都要早起煲粥實在是一個難題，

但為了要確保食材新鮮，給女兒一個營養滿分的加固餐，

芙芙睡少一點也在所不惜。

小菜苗至今已經加固個多月，如是者芙芙唔夠訓已有個多月，

黑眼圈大到冇朋友，返工都唔夠精神，

直至遇到美的智能高速鍋，簡直為芙芙嘅世界迎來了光明！

早幾日呢個小家電送到，一開箱就見到兩個內鍋，

而且仲有蒸架、飯勺、湯勺同米量杯，配件好齊全。

美的智能高速煲有多個功能選擇，除了可以當一般電飯煲用嚟煲飯，

仲可以煮粥，而且煮少少都唔怕，

小菜苗一般吃的份量只有一個小碗，大約40g米加220ml水，

放於高速鍋中，按下煮粥標準功能，

25分鐘就完成軟棉棉的5倍粥，小菜苗都好喜歡呢個粥嘅質感。

呢個高速鍋仲有炆/焗、文火慢燉、營養蒸、同埋無水煮，

功能多到基乎一日三餐都搞得掂，芙芙將會用呢個<新手媽媽恩物>煮下唔同菜式，諗起唔駛睇火就好開心~

近來家人和同事都好喜歡食雞腳，就試下用炆/焗功能煮個鮑汁雞腳啦。

鮑汁雞腳 食譜

材料: 雞腳15隻、花生1碗、薑8片

調味汁: 鮑汁4湯匙、生抽1湯匙、老抽2湯匙、蠔油1湯匙、紹興酒2湯匙、糖1.5茶匙

1. 雞腳洗淨後剪去指尖，汆水後盛起瀝乾。

2. 將雞腳、花生(先浸十分鐘)、調味汁放於美的智能高速鍋中，然後拌勻。

3. 加水至蓋過雞腳，放入薑片，選菜單「雞/豬肉」，再選取烹調模式「炆/焗」功能。

4. 完成烹調後會聽到嗶嗶響聲，再按下取消保溫，然後使用「收汁入味」功能即可。

歡迎大家來到Facebook like下芙芙little kitchen

步驟1:

雞腳一定要汆水，去除雪味同血水。

步驟2:

水份剛剛好蓋過雞腳就OK。

步驟3:

選取菜單與烹調模式。

步驟4:

完成烹調後，一定要解壓放氣。

任何一個功能的烹調時間都唔一樣，話明智能高速鍋，

當然識得自動因應食物嘅份量而調節烹煮時間。

如果用明火炆鮑汁雞腳，大約要炆個半鐘，

而家用美的智能高速鍋，只係用咗約40分鐘就炆到又腍又入味，

快咗成倍時間，太正啦。

平時花生一定要浸成個鐘，再煮先會易腍，

但呢個高速鍋嘅高壓技術，連豆類都可以快速變軟架。

芙芙真係好開心，以後阿女同老公都有啖好食啦。