<美的智能高速鍋> 快速搞定家鄉菜 – 梅菜扣肉篇 (附食譜)

話說上星期開封咗高速鍋之後，芙芙基乎日日都用佢，

有時會用蔬菜湯功能煲個高湯，煲好再用直接加米煮粥仔俾小菜苗食，

都係嗰句，唔駛睇火時間真係好用好多。

最近占士哥終於放到假，芙芙又可以享受入廚樂，

今次把握休閒嘅時間，整個梅菜扣肉，

呢道菜係一道好花心思嘅菜式，預備步驟亦唔少，

但確實係非常美味同好下飯嘅菜式之一，

如果用明火烹調，蒸煮嘅時間要好耐，

當然，芙芙今次會用美的智能高速鍋，有望加速完成時間！

梅菜扣肉 食譜

材料: 五花腩1件、甜梅菜半斤(約3棵)、薑片3塊、老抽適量(抹豬肉用)、

蒜蓉1湯匙、薑蓉2茶匙

調味汁: 生抽4湯匙、老抽0.5湯匙、糖1茶匙、紹興酒1湯匙、胡椒粉適量、麻油1湯匙

1. 甜梅菜以清水沖洗去沙，再用水浸1小時，瀝乾後切碎備用。

2. 五花腩與薑片放入滾水中，煮約20分鐘至豬肉熟透。

3. 取出五花腩，用叉在皮上扎孔，然後均勻地抹上老抽，放置一旁直到表皮乾身。

4. 於鍋中燒熱油，將五花腩放於油中(皮向下)，
立即蓋蓋以小火煎3分鐘取出，待涼後切片。

5. 將調味汁均勻塗抹在肉與肉之間，醃約10分鐘後，將多餘的汁料倒出備用。

6. 燒熱油，爆香蒜蓉及薑蓉，加入梅菜炒香，倒入5.剩下的調味汁，炆約3分鐘再盛起。

7. 於大碗中放入五花腩(皮向下)，再把梅菜鋪於五花腩上。

8. 使用美的智能高速鍋，於內鍋中放適量水份，將7.的大碗放於蒸架上。

9. 關好鍋蓋確保鎖上，選取菜單「豬/雞肉」，再選取烹調模式「蒸煮」。

10. 於完成 蒸煮後，取出大碗，預備另一更大的器皿，將大碗倒蓋取出梅菜扣肉。

11. 將多餘的肉汁倒於熱鍋上，加生粉水勾茨後，淋於扣肉上即可。

歡迎大家來到Facebook like下芙芙little kitchen

2. 五花腩與薑片放入滾水中，煮約20分鐘至豬肉熟透。

3. 取出五花腩，用叉在皮上扎孔，然後均勻地抹上老抽，放置一旁直到表皮乾身。

4. 於鍋中燒熱油，將五花腩放於油中(皮向下)，
立即蓋蓋以小火煎3分鐘取出，待涼後切片。

由於五花腩油脂太多，放於熱油中會產生爆油情況，

而且是一放即爆油，所以一定一定要即刻蓋好鑊蓋，

芙芙為咗呢張相，被爆到成手係油點，好痛呢。

梅菜扣肉精粹就係入口即溶，肉質柔軟，

要煮出香的扣肉，煎皮過程一定不能缺少。

5. 將調味汁均勻塗抹在肉與肉之間，醃約10分鐘後，將多餘的汁料倒出備用。

6. 燒熱油，爆香蒜蓉及薑蓉，加入梅菜炒香，
倒入5.剩下的調味汁，炆約3分鐘再盛起。

7. 於大碗中放入五花腩(皮向下)，再把梅菜鋪於五花腩上。

8. 使用美的智能高速鍋，於內鍋中放適量水份，將7.的大碗放於蒸架上。

9. 關好鍋蓋確保鎖上，選取菜單「豬/雞肉」，再選取烹調模式「蒸煮」。

10. 於完成 蒸煮後，取出大碗，預備另一更大的器皿，將大碗倒蓋取出梅菜扣肉。

11. 將多餘的肉汁倒於熱鍋上，加生粉水勾茨後，淋於扣肉上即可。

之所以叫高速鍋，係因為佢嘅7段高壓技術，

足以令烹調時間大大縮短，用佢嚟烹調好耐先腍嘅食材就非常適合。

鍋中加壓令到肉汁更易鎖住，醬汁更易滲入肉中，

令到食材更入味，更滋味。

除了烹調過程重要外，選一件靚的五花腩亦十分重要。

好明顯，芙芙因太心急關係，

買了一件肥瘦不合格的五花腩，

下次一定要買件勁肥美的再煮！加上呢個美的智能高速鍋，

下次一定更完美！