第二天退房吃過早餐後，男朋友跟芙芙就出發到了東望洋塔。
這個地方呢，我們都沒有去過，
是男朋友的同事介紹的，說這裡風景很美，
有個小教堂，有座白色燈塔。
那位同事教路，可以坐的士到達東望洋酒店，
然後一條直路上到塔的位置，一下車，
便看到這舊建築，配上藍天白雲份外美麗。
沿路走過少許山路，有點像行效遊徑般，
不少人士都到來跑山，看來這地是長跑愛好者的聖地。
經過翠綠的山路，到達大炮位置，
還有一條地道可以進入參觀，內裡很陰涼，
是走到身水身汗時，一個抖涼的好地方。
終於走到了接近燈塔位置了，芙芙私私縮縮的在幹嗎呢？
應該是在扮野口同學，偷笑中。
長滿鐵綉的大船錨，原本的船肯定很大。
看呀！終於看到這白雪雪的東望洋塔啦！
很大很高呢，景色十分優美，
聽聞，這裡是拍攝婚紗照的好地方呢。
配上旁邊的小教堂，景色一絕，
小教堂是遺跡，開放給遊人參觀，
內裡有部份壁畫仍存在，加上冷氣十足，
所以，芙芙跟男朋友也在這裡逗留了一會兒呢。
側邊還有一個鐘，古色古香。
來到這裡，不禁扮演一下偽文青。
這座大炮為何會射住酒店呢？是風水來的嗎？
夏日炎炎行山路，實在令身體的水份蒸發不少，
參觀完開心東望洋後，芙芙跟男朋友還是選擇回到氹仔，
吃昨天沒吃到的合桃蛋糕，和牛尾湯通粉。
合桃蛋糕味道很懷舊，芙芙不懂得如何形容，
因為本來不太愛吃蛋糕，只知道很香蠻好吃的。
牛尾湯通粉，天呀，
湯頭有陣鮮甜味，亦聞得到牛肉香，
看似普通的湯通粉，因這個牛尾湯而聞名，
真的名不虛傳，難怪人人讚好。
吃完下午茶，到處逛逛買手信，
很快便黃昏，吃個晚餐就乘船回港啦。
我們到了一間專吃咖哩和小菜的店子，好像是叫做咖哩全的餐廳，
一款咖哩牛筋，一款咖哩牛腩，
牛筋炆得很淋，牛腩芙芙就沒吃到，
咖哩頗辣，是港式咖哩的味道。
飯比咖哩還要多，差點不夠送飯呢。
澳門最吸引芙芙的，不是賭場，
而是因為這裡是個美食薈萃的好地方，上至高級華麗的酒店餐廳，
下至路邊的小攤檔，都有美食的蹤影，
實在令人去完又想再去，食過又想再食呢。
喜歡芙芙little kitchen，一起來加入facebook專頁啦:
圖1以為是歐遊呀^^東望洋塔聽過未去過,天氣咁好,真係好正
回覆刪除牛筋和通粉都好想試
殷師奶，唔講都冇為意，
刪除講開又真係幾似喎，真係抵呀，
俾幾百蚊就有去歐洲嘅效果，hahahahahaaaa。
其實芙芙都係第一次聽東望洋塔，就直接去咗實地考察，
環境唔錯，不過睇完之後其實冇咩地方好行，
所以就過返氹仔食嘢，個通粉真係必試架!
這個兩天遊很不錯呢，還遇上好天氣，想起也覺得很理想^^
回覆刪除東望洋燈塔的確很漂亮，澳門還有不少古蹟值得一遊，如主教山、氹仔龍環葡韻博物館、鄭家大屋……上次我去前兩者都有人拍捪照呢~~
艾華斯，呢兩日仲好熱添呀，
刪除有好天氣流下汗，總好過落雨濕濕，
澳門真係好多景點可以參觀，去短線旅行真係good choice。
東望洋燈塔, 我都去過, 影相一流
回覆刪除係呀!真係影相一流，
刪除雖然嗰度附近都冇咩好行，但只係嚟望下個塔同間教堂，
都覺得心鄺神怡，如果有部專業機影下仲正~
東望洋塔個景真係好靚，揀o岩時候去逛逛真係幾好！:)
回覆刪除小高，東望洋塔呢度真係好適合影相，
刪除如果好似我哋平日下午，就會冇咁多人，
影相就唔會好多攝石人啦，不過夏天去真係超熱。