<實測校服恤衫> 美的多功能蒸氣掛熨機

今年嘅開學日雖然冇得去學校，只有視像開學禮，
但學校亦有要求要著校服參加，作為家長嘅占士哥，
決定要隆重地增加儀式感，早一晚就拎定佢件恤衫同菜苗條校裙出嚟，
叫我熨直佢，開學日一齊著。

之前送嚟嘅美的多功能蒸氣掛熨機終於派上用場，
上次SET機時已經SET好高度，熨板一拉出嚟就用得，好方便呀。

詳細SET機分享請睇另一篇文章：
https://bit.ly/2RqaUA7

開機之後就利用熨斗上嘅按鈕揀選衣服物料，
今次選擇棉質試下。

熨斗嘅大細同恤衫嘅手袖位一樣寬，而且熨斗頭有尖角設計，

比一般蒸氣熨斗嘅圓滑型設計唔同，可以熨到比較仔細嘅角位同摺位。

睇個小熨斗一直噴好多蒸氣，但又唔會熨件衫好濕。

只係輕輕熨咗兩三下，已經熨平咗皺位。

今次實測證明佢嘅熨直功能唔錯，
我哋只係求其咁熨下件恤衫，已經比熨前明顯平坦好多啦。

無論係校裙上嘅百摺位、恤衫嘅領位都好輕易就熨得直，
連我家工人姐姐都話唔錯，下次再同大家分享下呢部機嘅其他功能啦。