<高壓鍋食譜> 蕃茄炆牛肋

前排班同事上網買牛扒，我又湊下熱鬧睇下啦，

發現呢間鋪仲有其他凍肉，眼見美國牛肋都係$58一磅，

就訂咗啲返嚟試下，一試之下發覺牛味都幾濃喎，

呢個價錢真心抵，用屋企個高速鍋煮(即係高壓鍋)，

十幾分鐘就炆淋，勁方便快捷。

蕃茄炆牛肋 食譜

材料：牛肋1磅、蕃茄4個、薑片8片、蔥段6條、八角1粒、米酒1湯匙、水適量

調味料：生抽2湯匙、老抽0.5湯匙、糖1湯匙、蠔油1湯匙

1. 牛肋切件後洗淨，將牛肋、米酒、蔥段及薑放入滾水中，大火煮至變色盛起備用。

2. 蕃茄頂切十字，放入滾水中煮一煮，取出去皮，切成小塊備用。

3. 燒熱油，放入薑片、八角爆香，倒入牛肋及調味料炒勻。

4. 倒入蕃茄，轉小火炒至軟身。

5. 將所有材料放入高壓鍋中，放入0.5L水，選擇肉類功能烹煮15分鐘即可。

蕃茄燙後去皮，切成塊後更易炒出汁液。

剛好家中的香葉都沒剩，若有香葉一同煮會更香。

家用的高速鍋好鎖水，所以不用放蓋過食材的水量，

否則就會太水。

雖然減少了水量，但這次煮出的汁料比較飲湯汁，

味道卻出奇地美味，還有點像蕃茄湯呢。