<美的陶瓷蒸燉寶> 滋潤養顏_紅棗冰糖燉燕窩 (附食譜)

早喺懷孕嘅時候，奶奶送咗一盒燕盞俾我，

因為懷孕初期有一粒好大嘅孕期水瘤，令我完全唔敢食花膠同燕窩，

於是就收埋咗盒燕窩，直到最近收到美的產品試用，

見到竟然好獨特地有燕窩功能，仲細分燕盞、燕角、燕碎同立燉燕，

全部都自設咗唔同嘅蒸燉時間，令我呢個唔識點整燕窩嘅女人仔嚟講，

都即刻拎返盒燕窩出嚟，燉燕窩立即變成無難度。

紅棗冰糖燉燕窩 食譜

材料: 燕盞1塊、紅棗8粒、杞子15粒、原晶冰糖適量

燕窩發泡:

1. 將水注入美的蒸燉寶燉芯中，放入燕盞。

2. 於蒸燉寶加水至界線，選擇燕盞>燕窩發泡>開始。

3. 4小時後取出泡軟了的燕盛，撕開後沖水後拑走毛及雜質。

燉煮方法:

1. 紅棗去核切半洗淨，杞子洗淨備用。

2.於燉芯中注入1.5碗水，將燕窩、紅棗、杞子放入。

3. 於蒸燉寶加水至界線，將燉芯放入，選擇燕盞>開始，蒸燉40分鐘。

5. 將冰糖放入燉芯，輕輕拌至溶掉即可。

↓ Follow and like ↓

Facebook：芙芙little kitchen

IG: fufu_littlekitchen

平時燕窩要浸至少6小時，用蒸燉寶發泡只需4小時，

佢嘅37度發泡功能，有效將燕窩浸軟時間大大縮短。

清潔好燕窩就可以開始燉，燉燕盞時間設定40分鐘，

燉出嘅燕窩仲係清晰可見，唔會溶咗消失。

將燉好嘅燕窩放入杯，剛好有兩杯，

可以俾家人享用，喜歡一次食多啲燕窩，可以燉夠2盞架。