<美的智能高速鍋> 免焗爐版_自家製焗麵包

地獄暑假終於來臨了，今個7至8月份，

芙芙在工作上與廚藝上都面對新挑戰，自問是個烘焙白痴，

對於搓麵團、烤焗麵包蛋糕都是一竅不通，

就在這個炎夏，芙芙竟因工作關係要學識整麵包。

在同事悉心嘅教導後，芙芙打算返屋企繼續練習，

但係屋企都冇焗爐，點算好呢？

呢個難題靠住美的智能高速鍋而順利解決，因為佢有焗蛋糕功能，

蛋糕都焗到，麵包都一定冇問題啦。

對於烘焙零概念嘅芙芙嚟講，用高速鍋代替焗爐，

仲可以省卻對爐溫嘅擔心，輕輕鬆鬆焗出鬆軟麵包。

高速鍋焗麵包 食譜

材料: 中筋麵粉350g、牛奶150ml、雞蛋1隻(約45g)、酵母5g、溫開水20ml、
鹽半茶匙、糖30g、植物油20g

1. 將牛奶、雞蛋、植物油、鹽及糖放入盤中。

2. 將酵母放入溫開水(37C下)拌溶。

3. 將酵母水及麵粉倒入1.的大盤中，混合成粉團。

4. 將粉團揉至表面光滑後，放於盤中並用濕布蓋著發酵45分鐘。

5. 取出麵團切出約55g的小麵團再搓圓。

6. 於美的智能高速鍋中掃上一層油，將小麵團放入鍋中再發酵1小時。

7. 按菜單「蛋糕」功能，焗好後取出即可。

歡迎到Facebook like下芙芙little kitchen

唔同牌子嘅麵粉吸水度都有唔同，一定要根據情況調節水量同麵粉量。 

喺努力揉麵團嘅時間入面，真心好渴望有部廚師機。

發酵完成後用手指拮落麵團，

當麵團唔會反彈，代表發酵已經完成。

將小麵團放於美的智能高速鍋內鍋裡，把鍋蓋蓋好再發酵1小時，

這樣可以提供溫濕嘅環境俾麵團進行第二次發酵。

好明顯新手嘅芙芙冇好好咁為麵團排氣，搞到表面好多氣泡，

下次唔可以咁心急啦。

選好菜單的蛋糕功能，大約35-40分鐘就有熱辣辣嘅麵包出鍋啦。

用美的智能高速鍋焗出嚟嘅麵包，非常鬆軟，

而且包底熱食時仲係脆嘅，真係令人好有滿足感。

芙芙之前用呢個高速鍋煮過幾款菜式，每次都好成功，
所以今次用嚟焗麵包都冇擔心過，事實亦冇令到芙芙失望呀。

原來成功焗得出麵包，內心對烘焙嘅興趣會一踴而出，

終於明白大家點解成日話「烘焙係會上癮」啦，希望日可以後喺烘焙方面可以有更多進步啦。