[舊blog精選] 粟米片是這樣用的 (附脆香雞塊食譜)

芙芙琴晚忽發奇想，可以精選以前yahoo blog嘅部份post過嚟，

我意思係食譜，因為全部轉哂過嚟的話，

似乎真係太吃力啦，又想豐富一啲呢度。

不過芙芙決定將啲post date set返真正出posr嘅日子，即係會day back，

咁樣真實啲，不過第一篇精選就唔day back住，

第一個俾芙芙揀咗要搬嘅，就係呢個啦：

粟米片是這樣用的 (附脆香雞塊食譜)

脆脆雞塊 食譜

材料: 雞柳4條、粟米片適量、牛油/蛋液

1. 將雞柳洗淨切粒，落鹽、豉油、糖、生粉、油等醃片刻。

2. 粟米片放入密實袋中壓碎，不用倒出備用。

3. 牛油坐溶後，沾上雞柳粒。

4. 將雞柳粒放入粟米片的袋中，沾上粟米片碎。

5. 預熱焗爐200度，把沾好粟米片的雞塊放入。

6. 焗15-20分鐘即可，喜歡脆一點的朋友可以焗耐dd。

經各位同事試食過後，一半人認為粟米片壓碎d好食d，

而另一半人就認為唔好壓太碎過癮d，我就傾向喜歡大塊d。

 完成後個樣都真係幾似k字頭的炸雞塊，呢個自家製唔駛咁多油已經有呢個效果，

方便幾多呀，不過要提一提，

呢個雞塊的味道好緊要，我地一致認為要醃得個味道豐富d，

先可以配合到呢個脆脆的口感，所以我會考慮下次加埋辣椒粉去整!

有d人整呢個小食會用蛋液代替牛油液，我就貪牛油香d，

所以用牛油，不過事實應該係蛋液會更容易將粟米片黏得上雞柳粒，

有左呢次經驗，我下次會用返蛋液ga啦!

順帶一提，下次我想挑戰脆香雞翼!