簡易素芝士鮮茄吐司 (附食譜)

素食芝士你聽過未?我就無幾耐前聽過呢樣野，

芝士係乳製品，應該都係素類呀，

點解仲要出素芝士呢?早前一位食素的朋友解答左我呢個問題啦!

原來芝士製作過程裡面，會加入一種牛胃部的成份(rennet)，

呢種成份可以加速芝士凝固，所以叫做凝乳劑，

唔講真係唔知，因為本身我都好少食牛(除左食燒肉/打邊爐時)，

因為我覺得牛肉好毒，所以少吃為妙。

對於食素呢位朋友黎講，已經唔係毒唔毒的問題，

而係一切會傷害到生命的食物都唔可以食，當然我唔係因為宗教的問題而接觸素，

只係想食得健康d，食多d蔬菜食少d肉咁je。

簡易素芝士鮮茄吐司  食譜

材料: 素芝士適量、蕃茄3個、麥方包4塊、茄汁適量、混合香草、黑胡椒碎

1. 蕃茄洗淨切片，備用。

2. 素芝士切成條狀，備用。

3. 麥方包放在烤盤上，塗抹上一層茄汁。

4. 蕃茄放在麵包上，再放上素芝士條。

5. 將混合香草、黑胡椒碎哂在材料上。

6. 預熱焗爐220度，再把薄餅放入焗至素芝士溶化及金黃便可。

素芝士可以在大型超級市場買到，我地在K11間超市買gei，

不過款式得一款，味道偏咸，

但同普通芝士不太大分別，用黎焗野食一樣very good，

呢個簡易pizza用麥包做底好脆口，食兩件都飽啦!