街頭小吃精選 - 咖哩雜錦 (附食譜)

呢個食譜份量係夠開party食gei，睇下整左成個電飯煲咁多，

如果大家喜歡食辣可以加辣椒油，但記住唔好加辣椒呀!

咖哩雜錦 食譜

材料: 魚蛋斤半、芝士腸半磅、水魷魚2隻、豬皮2大塊、白蘿蔔一條

咖哩汁材料: 咖哩粉、細椰醬一罐、豉油、雞粉、鹽、糖適量、蒜蓉4湯匙

咖哩汁做法:

1. 燒熱油爆香蒜蓉，加入6湯匙咖哩粉炒成一團。

2. 4湯匙咖哩粉用水開稀，加入適量豉油、雞粉、糖備用。

3. 將2.的咖哩水倒入炒的咖哩粉中，然後倒入三大碗水拌勻。

4. 先試第一次味會有粉的味道，若不夠咸可加點鹽。

5. 待水煮滾後，加入細椰醬一罐。

6. 慢火煮至水變少，試第二次味。

7. 若不夠味可再加鹽，然後加入生粉水至適當的濃度便完成。

8. 先將所有材料洗淨，備用。

9. 水魷魚、豬皮、白蘿蔔切小塊，將所有材料放入滾水煮熟備用。

10. 將所有煮熟了的材料倒入咖哩汁中，待滾後即可食用。

白蘿蔔切塊後用少少冰糖加滾水去煮，出黎效果會更清甜ga!

點解要試兩次味，因為一次只係咖哩水，

味道一定咸咸苦苦咁，但加入椰汁後可以中和左，

滾到咖哩的水份少左時，咖哩汁會變得滑左，

千祈唔好心急為左快d就快快手咁加生粉水，咁樣d咖哩汁唔好食ga，

要耐心d收乾多d水份之後，先逐少加入生粉水，

咁個咖哩汁就又香又濃啦，同街邊食的真係好似ga!(thumbs up)

呢個小食整咁多為左鼓勵自己同同事們，大家並肩作戰感覺好好，

因為近來大家都好大壓力，食物永遠都係好好的表達用品，

為左支持同事同自己，小食係唔少得gei!