香茅雞翼 (附食譜)

公司附近有間印度鋪，入面d香茅辣椒都好平，
例如紅辣椒仔、青辣椒仔都係3蚊有一小袋，
一小袋已經有起碼廿隻以上，香茅3蚊一扎有3條，
10蚊內埋單的材料已經可以整到好多味菜式，抵呀!

香茅雞翼  食譜

材料:  雞翼5隻、新鮮香茅2條、辣椒粒適量

1. 香茅用刀拍打，再切成碎備用。

2. 雞翼以豉油、鹽、糖、生粉、香茅碎及辣椒粒醃30分鐘。

3. 焗爐220度預熱，將雞翼連醃料放入200度焗15分鐘。

4. 途中要把雞翼反轉，再焗15分鐘即可。

睇下3蚊辣椒仔有幾多，真係好平!

平時菜檔散買4蚊至買到10隻，依家3蚊成廿隻有多!

新解香茅要拍打下至出味，唔會切太碎怕無哂d味，

因為用新解香茅唔係香茅粉，天然d健康d但味道會無咁濃郁。

放入爐焗前，可以將d香茅碎沾上雞翼一齊焗，

焗完出黎就會充滿香茅味，想要濃d香茅味可以用多d份量香茅ga!