燉煮雜菜 (附食譜)

太多啦太多啦!前排偷偷地食得太多啦!

家下個咀已經對蔬菜唔滿足啦!咁樣好難瘦ga!

為左訓練自己食返多D蔬菜，先由濃味少少的煮雜菜開始，

先揀選左自己愛吃的蔬果，一次過煮哂，

多少少調味令個口開心D，咁樣食就唔怕啦!

燉煮雜菜 食譜

材料: 西蘭花1棵、薯仔1個、茄子半條

1. 將西蘭花、薯仔、茄子各切細塊備用。

2. 燒熱油後加入薯仔粒輕炒，之後加入西蘭花。

3. 炒至薯仔與西蘭花微熟時，加入茄子粒。

4. 加入豉油適量、糖、鹽及少量水炆煮。

5. 煮至所有材料熟透後，如有太多汁可加入少許生粉水勻芡。

其實如果薯仔落得多，個汁好快會變杰，

因為澱粉質會影響到，煮得耐薯仔亦會溶。

就係咁樣我就當左一餐咁食，其實味道都唔錯，

不過條茄子好似老左少少，d皮有d唔知點呢!