邊爐狂歡症後群 - 脆脘片皮蛋粥 (附食譜)

唔浪費一向都係我的左右銘，前一晚作反打邊爐晚會食剩左好多野，

脆肉脘咁好食都竟然剩左成碟!於是坤叔決定再出手!

一餐價錢可以食足兩餐，各個作反隊員都大叫"好"呀!

經上次坤記邊爐醬料之後，坤叔又一力作!

脆脘片皮蛋粥!正呀!

脆脘片皮蛋粥 食譜

材料: 脆肉脘、米、皮蛋、芫茜碎、薑絲

1. 脆肉脘用豉油、酒、糖醃好備用。

2. 米洗淨，加水煲至滾。

3. 加入皮蛋、薑絲，煲米至爛。

4. 加入芫茜碎、脆肉脘，待脆肉脘熟即可加鹽調味。

薑絲可以霹走魚腥味，怕腥可以落多d，

食前仲可以加d胡椒粉，效果更好!

呢個粥本來係唔加芫茜碎gei，因為本來我打算煲芫茜皮蛋豆腐脆肉脘湯，

不過坤返想煲粥，材料都買左返黎啦，

無理由唔用ga ma!於是坤叔就加埋入去煲粥，

加左芫茜的粥好香，有種意想不到的味道!

小時候爸媽成日都煲粥，好似呢煲咁，

米唔會煮得太爛，總會有少少可以咬下，

咁樣先似自家粥味道，相反太爛的就會好似街買咁，

我都係喜歡呢種，原汁原味家的感覺。