上一回同大家share左行山樂趣，今回要講返食物啦!
野餐食咩好?呢個問題o係出發前一晚諗爆左我同大家姐個腦，
一邊行taste，一邊諗，
諗住整壽司，但屋企又無卷卷竹，
就在此刻，我地見到有壽司紫菜買，
入面仲要包一塊卷卷竹，諗都唔諗即刻買!
材料: 米(珍珠米)、壽司醋、腸仔切條、醃蘿蔔切條、
煎蛋切條、青瓜切條、壽司紫菜
(其實差唔多樣樣餡都要切條ga啦，唔係會唔夠位包ga!)
食譜:
1. 米熟後攤凍，加入適量壽司醋拌勻。
2. 預備卷卷竹，放上紫菜。
3. 將飯鋪上，再將材料如上圖咁鋪。
4. 分兩次卷埋去，第一卷次要cover哂d餡，
禁實一陣，再卷第二次，
第二次就可以卷哂成卷，如大家唔明我講乜，
其實壽司紫菜包裝後面多數都會有教點整，跟住卷就ok ga啦!
5. 卷好後，用刀切成一塊塊，
厚度就因應大家心水啦，建議唔好太薄，
唔係好易切爛ga，小心小心!
放大鏡睇真d，材料入面的煎蛋係點整ga呢?
其實係煎蛋卷黎ga，煎好切條狀就ok!
切壽司卷時，每切一下都要將把刀沾一沾水，
有水份就唔會黏住舊壽司，如果唔係就會好易切爛，
而且切時要一刀切，狠心d就ok ga啦!
壽司飯係唔可以雪入雪櫃過夜ga，千祈唔好做傻事呀!
因為雪入雪櫃過夜d飯會變硬，咁就超級難食ga啦!
為左唔好白費卷壽司的功夫，當日預備野餐食物時我係一早7:30起身整ga，
唔好睇好似咁簡單，其實要切哂咁多野都幾花時間ga!
沒有留言:
發佈留言