早排行開jusco，見到$28兩樽醬料，
一心諗住買個紅咖哩醬整泰式魚餅，但又懶打魚膠，
於是買左幾件雞脾仔整紅咖哩雞，一樣咁好味!
紅咖哩雞 (附食譜)
材料: 薯仔2個、茄子1條、雞脾仔3隻(起肉)、
紅咖哩醬1.5湯匙、鹽少許、椰醬適量
1. 醃好雞脾仔肉備用，茄子切粒備用。
2. 薯仔切粒蒸熟，備用。
3. 將雞脾仔肉炒至半熟，加入茄子再炒。
4. 加入紅咖哩醬繼續炒，再入加適量水。
5. 再將薯仔加入，待水滾及收乾至適當情度加入鹽調味。
6. 加入椰醬，兜至混和完成。
薯仔可以唔用蒸的方法，大家可以選擇先炸熟薯仔，
咁樣薯仔就唔會咁容易溶，而蒸薯仔就可以快d熟，
而且快d淋，入味都易d。
整完一大煲，又係同同事分享的時間，
咁岩有同事俾左兩棵生菜俾我，就用生菜黎夾咖哩食啦!
生菜同咖哩，味道又幾夾喎，
食落口無咁油tim，大家都試下啦!
沒有留言:
發佈留言