<美的榨汁寶MJ-JE2802> 消暑極品雙食譜_火龍果乳酪雪條+西瓜檸檬梳打

三十幾度嘅天氣聽聞要維持多成個星期，

淨係行去搭車嘅十分鐘路程，都足以令人大汗疊細汗，

呢一段時間，芙芙愛上咗食雪條，

仲要指名係果汁雪條，基乎每日都會買一大袋雪條，

返到公司一人一條，都幾開心架。

咁開心嘅日子係要還嘅，因為街買嘅雪條都落咗好多糖同添加劑，

越食當然就越肥，肥到有家長以為芙芙又有咗，

都不知幾唔好意思呀。

所以呢，芙芙決定要善用美的榨汁寶，在家好簡單咁自製果汁雪條，

同時亦整咗杯消暑解渴飲品俾占士哥歎下。

美的榨汁寶MJ-JE2802可以直接將果渣隔走，只需要幾秒時間，就可以榨出鮮果汁，而且薄嘅皮同核都可以直接入機，唔駛左切右切又去皮，節省唔少時間。

火龍果乳酪雪條 食譜

材料(5條份量): 紅肉火龍果1隻、原味乳酪200g、蜜糖適量、藍莓半碗

1. 紅肉火龍果去皮後切件，放入美的榨汁寶中，以1號檔榨出果汁。

2. 將乳酪放於大盆中，倒入火龍果汁及蜜糖拌勻。

3. 將2.的混合物倒於雪條格中，倒2/3後放入幾粒藍莓，再把果汁乳酪倒至填滿。4. 將雪條格冷凍1晚，即可享用。

想睇最新食譜及小菜苗週記，歡迎到Facebook like下芙芙little kitchen

如果唔將果汁同乳酪拌勻哂，可以做出雲石樣嘅雪條架。

 

藍莓可以一開始放入模中，亦可以好似芙芙咁差不多尾先放。

自家製可以控制糖份，而且用新鮮生果，

一定俾出面健康同冇咁肥嘅。

占士哥嘅消暑特飲 - 西瓜檸檬梳打。

西瓜檸檬梳打 食譜

材料(2大杯份量): 西瓜2大碗、檸檬半個、梳打水1罐

1. 西瓜去皮切件，放入美的榨汁寶中，用1.號檔榨出西瓜汁。2. 將檸檬汁倒入西瓜汁中拌勻，將果汁倒入杯中至半杯滿，加入梳打水，拌勻即可享用。

2大碗西瓜可以榨出接近500ML嘅果汁，足夠兩個人飲用架啦。

最近有朋友想榨五青汁，但佢用一般攪拌機去打汁，
成杯汁都充滿碎碎，好難入口，聽到之後，芙芙都強烈推介佢選用呢部機，咁就可以完全隔絕蔬果渣，又可以品嘗到原汁原味。

雖然榨汁寶有好多配件，但勝在每件一沾到水時，
果渣都會好順咁隨水而流走，而且冇咩陰濕位，唔怕kick住果渣。

經過呢幾次實試後，無論使用上同清潔上，美的榨汁寶都係方便嘅，而且價錢亦只需$398，仲包成30個月保養，性價比都好高，如果大家有興趣，喺日本城就會買到。

Midea 美的榨汁寶 (MJ-JE2802) HK$ 398

銷售點： 全線日本城
產品查詢： 3669-4888