快手家常菜 - 薑蔥脆肉鯇(食譜)

秋風起，成日都想打邊爐，
芙家最愛打邊爐食脆肉鯇，其實係因為芙媽太熱愛脆肉鯇，

所以有時會買嚟煮湯米粉，或者薑蔥炒。

就因為阿媽鍾意食，我都受佢影響愛上咗脆肉鯇，
有時會買嚟自己炒，但因為占士哥唔好魚，
每次炒完多數都係我自己食哂嘅，食完就會好滿足。

 薑蔥脆肉鯇 食譜

材料：脆鯇腩一件、薑10片、蔥段半碗、蠔油1湯匙、麻油2茶匙、生抽1湯匙、糖1茶匙

[家常菜食譜] 京蔥炒肉絲

 很久沒有更新，過去一個月很辛苦，
因為家人都陸續確診，心理壓力大到下廚的興致都消失了，
只想著煮什麼有菜有肉的菜式給家人吃，讓他們在不適中都有營養食物，
而我卻沒心機吃，有時只煮夠家人吃的份量，
自己則快快的吃個快熟米粉填飽肚子就算了。

這種疲憊感一直都圍繞著我，直到現在家人都康復了，
但大女及芙媽都有間中咳嗽，氣管明顯都弱了，
內心很是擔心，唯有寄看中醫可幫助恢復。

接著幾天會跟大家分享一下疫情下煮過的家常菜，
希望也能讓大家多一點煮飯idea吧。

京蔥炒肉絲 食譜

材料：京蔥2條、豬肉200g、蒜蓉1湯匙、薑絲少許、老抽半湯匙、鹽半茶匙

醃料：鹽1茶匙、生粉1茶匙、油少許

醬汁：蠔油1湯匙、生抽半湯匙、糖1茶匙、米酒半湯匙、水1/3碗

[新春送禮] 健康農場三無豬 - 百香果排骨(附食譜)

眨下眼新年就快到，家家戶戶都會吃團年飯，更會煮很多年菜，

最近有朋友在某街市看到很便宜的新鮮豬肉，

正所謂便宜莫貪，一定要選購有信心保證的食材，讓家人食得健康些。

我們家一直購買 #健康農場 的優質肉類，

他們的肉 無激素添加、 無抗生素、 無瘦肉精，

更設 #香港中央廠房，絕對安全、健康、衛生。

日前收到一個新年禮籃，菜苗一看就知道是健康農場的 #三無豬，

平時食得多，小朋友都認得包裝了，

當晚已急不及待用 #健康農場排骨 煮了 #百香果排骨，

酸酸甜甜又有果香，好送飯，而且煮法亦很簡單。

<三步驟下飯菜式> 話梅排骨

前陣子分享過菜苗喜歡吃的糖醋豬軟骨，最近煮了味道很相似的話梅排骨，
想不到連妹妹都十分愛吃，整碟排骨被兩姊妹吃清光，
媽媽我感到十分滿足呢。

 話梅排骨 食譜

材料：排骨250g、話梅4粒、冰糖2-3小塊、老抽1茶匙、薑片6塊

<咸香惹味家常菜 >魷魚仔炒粉絲

 前陣子在網上買海味，見到這個魷魚仔，
就入了兩包試試，跟平時的乾魷魚、吊桶不同，
這款不是全乾身，肉質仍保留水份，
味道咸香，浸20分鐘再汆水就可以煮，
如果喜歡吃乾魷魚的人，相信也會喜歡這個味道。

魷魚仔炒粉絲 食譜

材料：魷魚仔1包、粉絲200g、蒜蓉2湯匙、薑絲少許、蔥白4條、蔥段10條
調味料：生抽0.5湯匙、糖2茶匙、水半碗

<惹味送飯> 糖醋豬軟骨食譜

最近小菜苗喜歡吃餐廳煮的糖醋排骨，每次外賣到，

她都一個人吃掉大半碟，其實不止是她，

我也很喜歡吃糖醋的味道，有時芙爸會煮好一大盒糖醋豬軟骨給我們吃，很滋味的呢。

為了讓菜苗可以隨時食到住家糖醋排骨，我便上網找到了糖醋的比例，

 原來調味料以1234作為比例，可以輕易煮出完美的糖醋味道，

今次簡單地煮豬軟骨先，下次才煮排骨吧(懶走油)。

糖醋豬軟骨 食譜

材料：豬軟骨1磅、薑片5片、蔥段5條、水2碗

醬汁：1湯匙米酒、2湯匙生抽、3湯匙冰糖、4湯匙鎮江醋

<簡易食譜> 大蝦粉絲煲

自從辭工轉為全職媽媽後，都有一段時間沒有整理食譜了，

或許仍在適應身份的轉變，在blogger生活上就少了分享，

今天終於的起心肝，處理一下相片與文字了。

家中一向都有急凍大蝦存貨，煮茄汁蝦碌、黃金大蝦都很適合，

這次煮了大蝦粉絲煲，用大蝦頭煮出蝦的湯汁，

再加上粉絲吸盡精華，是很鮮味的一道菜。

大蝦粉絲煲 食譜

材料：大蝦8隻、粉絲2小包、蒜蓉2湯匙、水1大碗、蔥花適量

調味料：生抽2湯匙、蠔油1湯匙、糖0.5茶匙、雞粉1茶匙

<簡單煮系列> 鹽焗烏頭

菜蜜妹妹出生一個月左右就開始現濕疹，她的濕疹情況比菜苗小時候更嚴重，
使我們在煮食方面都加倍小心，到1歲左右才敢開始給她試吃海鮮，如瑤柱、魚等，
現在21個月大了，吃魚也吃得很好，
最近連蛋也可以吃到了，真的很感恩呢。

在芙家給小朋友吃的多是蒸魚，記得有次在朋友家吃鹽焗烏頭，
菜苗吃到停不了，所以我在家也會煮給她吃(不是經常)，
夏天煮其實很不錯，放入焗爐烤就可以了，不用開火熱到濕身呢。

鹽焗烏頭 食譜

材料：烏頭1條、香茅2條、青檸半個、粗鹽適量
沾汁：魚露1茶匙、青檸1/4個、糖1.5茶匙、水2湯匙、蒜蓉2茶匙

<簡易家常菜> 蝦米煮勝瓜 (附食譜)

這道簡單的煮勝瓜是占士哥很愛吃的菜之一，每次煮出來，

他都會用狂風掃落葉的速度吃掉，是的，

每次我都只有幾件可吃下肚，其餘的都在他的肚中。

這道菜的汁料也很好下飯，也難怪占士哥愛吃，

把蝦米和蒜撈到飯中，實在很惹味。

蝦米煮勝瓜 食譜

材料：勝瓜2條、蝦米半碗、蒜蓉1湯匙、雞汁適量、水半碗

<三步驟快煮食譜> 生薑豬肉片

凍肉系列再嚟啦，今次用到 Unijoy Hong Kong Limited 訂購嘅豬梅肉片，
初初送到嚟時見到成舊磚咁，仲以為發錯貨，俾錯舊豬肉我，
解凍後就知冇錯啦，豬肉片用薑汁醃好，
加埋洋蔥絲一齊煮，啲汁仲可以撈飯食，
係我家嘅常菜之一，非常簡單又好味。

生薑豬肉片 食譜

材料：梅頭肉片400g、紫洋蔥半個、生粉水2湯匙

醃料：姜蓉1湯匙、生抽2湯匙、米酒1湯匙、糖2茶匙

<家常湯水> 節瓜眉豆雞腳湯

芙芙好耐好耐冇煲過湯啦，皆因芙媽會嚟照顧菜苗兩姊妹，
時常都會煲湯俾我哋飲，有次芙媽買咗好多雞腳冇煮，
於是放假時，就用嚟煲個家常雞腳湯，

喜歡食豆類嘅朋友都一定會好喜歡。

呢個湯好多人都識煲，日日煮飯有時諗到頭都大，
又係時候出動家常菜啦。

節瓜眉豆雞腳湯 食譜

材料：雞腳12隻、花生半碗、眉豆1/4碗、節瓜2條、螺頭4隻、水2L

<簡易食譜> 牛油蒜蓉煎大蝦

前排喺屋企附近街市買到一盒大蝦，百零蚊一盒8隻大大隻，

而且蝦肉都幾爽，有時想買都冇貨，

通常用嚟煮下茄汁蝦碌、黃金蝦，

今次再簡單啲煮，牛油蒜蓉就夠哂味啦。

牛油蒜蓉煎大蝦

材料：大蝦8隻、蒜蓉3湯匙、牛油20g、植物油適量、鹽及黑椒適量

<三步驟快煮食譜> 蒜香牛柳粒

估唔到疫情突然爆發第三波，今次芙芙比上次更擔心，

連外賣都唔敢食啦，實行盡量都食屋企飯，

返工就帶飯，在家休息都一定自己煮，

有時仲有芙爸芙媽嘅愛心餸，咁就可以煮少啲。

屋企最近最多就係凍肉，牛柳粒都係切備之一，

簡簡單單加啲蒜片煎煮，都夠哂好味啦。

蒜香牛柳粒 食譜

材料: 牛柳粒半磅、蒜頭6粒(切片)、黑椒適量

醃料：豉油1.5湯匙、糖0.5湯匙、油1湯匙

<簡易海鮮食譜> 爆炒八爪魚

前排芙媽喺相熟嘅鋪頭買咗半隻大嘅冰鮮八爪魚，大隻到足夠4至5人食，

估唔到簡簡單單咁用彩椒炒，都咁好味，

呢個星期疫情突然爆升，睇嚟都要買定多啲雪藏食材，

盡量一日買三日餸，街市呢啲人多地方唔好去咁多啦。

爆炒八爪魚 食譜

材料：八爪魚半隻、彩椒3隻、蒜頭3粒(切蓉)、乾蔥1粒(切片)，薑片4塊、生粉水適量

調味：生抽3湯匙、蠔油1.5湯匙、鹽1茶匙、糖1茶匙

<開胃菜式> 甜酸炸雞塊

最近天氣都又熱又濕，搞到個人都冇咩胃口，

上次分享咗蒜油拌茄子，其實同一餐我仲煮咗一道好開胃嘅菜，

將蔬菜絲、炸雞球、仲有酸酸甜甜嘅醬汁炒埋，岩哂呢啲時候食呀。

甜酸炸雞塊 食譜

材料：雞扒2大塊、甘筍1小條、洋蔥半個、小甜椒4隻(任何顏色亦可)、粟粉適量
醬料：檸檬汁1隻、糖1.5茶匙、醬油2湯匙
醃料：醬油3湯匙、糖0.5茶匙、鹽1茶匙、薑蓉1湯匙、生粉適量

<香濃惹味> 咖哩雞翼 (附食譜)

最近覺得個人好苦悶，日日湊女返工千篇一律，

成日淨係好想訓覺，屋企人話我可能濕重，

至幣食飯都覺得好悶，琴晚轉轉新意思，

一於整個咖哩雞翼拼薄餅嚟調劑下。

咖哩雞翼 食譜

材料：雞翼8隻、小薯仔3個（切塊）、黃咖哩醬2湯匙、椰漿200ml、魚露1湯匙、糖3茶匙、蒜蓉及薑蓉各1.5湯匙、水大半碗

醃料：醬油1湯匙、糖0.5茶匙、鹽0.5茶匙、胡椒粉適量、生粉適量

(客家小菜食譜) 魷魚乾炒粉絲

魷魚乾係一樣經常出現喺芙家雪櫃嘅食材，芙芙係客家人，

由細到大，家人們都好喜歡食魷魚乾同吊桶仔，

吊桶仔會切細後直接加豉油蒸，魷魚乾就會加粉絲炒，

今日就同大家介紹下魷魚乾炒粉絲，雖然唔係咩客家名菜，

但呢道菜喺我心目中就係客家家常菜之一，

簡單易煮又夠香，味道真係唔錯架。

魷魚乾炒粉絲 食譜

材料：魷魚乾2隻、粉絲1大包、蒜蓉2湯匙、薑片4片、蔥白4條、青蔥段適量

調味料：蠔油1湯匙、生抽1湯匙、糖少許、水半碗

(送飯菜式) 醬油牛肋肉

前排芙媽同我心有靈犀地都買咗牛肋肉，

左諗右諗點煮好呢，前排先食完番茄燉牛肋，

想轉轉口味，正苦惱之際，

芙媽竟然煮咗道超好味，亦超好送飯嘅牛肋肉菜式，

味道好似肉燥咁，但又比肉燥有咬口，

因為好濃味，少少已經好好送飯，

勁想加多隻蛋做蓋飯，一定好正。

醬油牛肋肉 食譜

材料：牛肋肉半斤、紫洋蔥碎1/3個、蒜蓉2湯匙

調味料：甜豉油2湯匙、生抽2湯匙、鹽少許、水1/2碗

<高壓鍋食譜> 蕃茄炆牛肋

前排班同事上網買牛扒，我又湊下熱鬧睇下啦，

發現呢間鋪仲有其他凍肉，眼見美國牛肋都係$58一磅，

就訂咗啲返嚟試下，一試之下發覺牛味都幾濃喎，

呢個價錢真心抵，用屋企個高速鍋煮(即係高壓鍋)，

十幾分鐘就炆淋，勁方便快捷。

蕃茄炆牛肋 食譜

材料：牛肋1磅、蕃茄4個、薑片8片、蔥段6條、八角1粒、米酒1湯匙、水適量

調味料：生抽2湯匙、老抽0.5湯匙、糖1湯匙、蠔油1湯匙

<三步驟快煮系列> 豉油王炒麵 (附食譜)

因為工作關係，每年芙芙都會由年三十晚開始，

連放十日新春大假，通常朋友一聽到就會講句「正啦，放咁多日」，

冇錯呀，的確係幾正架，

可以周圍拜下年見下親朋戚友，不過歡樂嘅背後係要扣年假架，

簡單啲講，呢個新春大假係強制性嘅，哈哈哈。

雖然今年唔方便周圍去，但可以暫做全職媽媽十一日，

芙芙已經好滿足，加上搬咗去近娘家嘅新居，

呢幾日都係以大冒險嘅方式生活，每日都會到樓下認下路，

冇拜年活動都唔覺得悶，日日都好充實。

每到放假，芙芙都會自己煮午餐，

呢兩日突然好想食粥鋪嘅炒麵，不過湊住小朋友煮嘢一定要快，

好彩呢款炒麵只需三個步驟就可以煮好啫。

豉油王炒麵  食譜

材料：蛋麵2餅、芽菜$2、蔥段1碗

醬汁: 醬油3湯匙、老抽3湯匙、糖1茶匙、五香粉1茶匙