2012年12月21日星期五

三色椒炒米粉 (附食譜)

早幾日去左廣州順德行下,好耐無食陶陶居,
入到去等位以為要等好耐,好彩等左一陣就有位,
因為好多人都好似我地咁,以為仲有幾十張而走左去,
走下走下就漁人得利啦!點知叫位姐姐又skip左我地個no.,
由89一跳跳到102,我地就係98號,
問叫位姐姐叫左98未,她竟然話叫左,
唔通我耳仔有問題?於是我就話"你根本無叫到",
她就即刻收左我地張飛,即安排張枱俾我地。

當日陶陶居叫左個三絲炒米,出到黎個樣好似粉絲,
因為我個朋友唔食得粉絲,所以我一個人食左大半碟,
晚上去第二度食又叫多次炒米,點知又係有d似粉絲,
如是者我一日入面食左兩次炒米,唔知定炒粉絲啦。

返到香港忍唔住,就炒左個真正的炒米粉食下!
今次唔會變粉絲啦!就用三色椒炒啦!


2012年12月8日星期六

好凍好凍食乜好 - 菜心臘腸飯 (附食譜)

呢幾日凍左好多,天文台日日都整蠱人,
話會凍的日子就暖左,13度就變18度,
我仲著左件大褸,真係有d無奈呢。

雖然係咁,話哂都冬天啦,
天氣應該會再凍d,咁凍食乜好呢?
梗係食臘味啦!好味之餘食完仲暖粒粒tim!

2012年11月20日星期二

邊爐狂歡症後群 - 脆脘片皮蛋粥 (附食譜)

唔浪費一向都係我的左右銘,前一晚作反打邊爐晚會食剩左好多野,
脆肉脘咁好食都竟然剩左成碟!於是坤叔決定再出手!

一餐價錢可以食足兩餐,各個作反隊員都大叫"好"呀!

經上次坤記邊爐醬料之後,坤叔又一力作!
脆脘片皮蛋粥!正呀!

2012年11月13日星期二

野餐美食系列 - 簡易壽司卷 (附食譜)

上一回同大家share左行山樂趣,今回要講返食物啦!
野餐食咩好?呢個問題o係出發前一晚諗爆左我同大家姐個腦,
一邊行taste,一邊諗,
諗住整壽司,但屋企又無卷卷竹,
就在此刻,我地見到有壽司紫菜買,
入面仲要包一塊卷卷竹,諗都唔諗即刻買!

2012年11月9日星期五

東南亞風味 - 紅咖哩雞 (附食譜)

早排行開jusco,見到$28兩樽醬料,
一心諗住買個紅咖哩醬整泰式魚餅,但又懶打魚膠,
於是買左幾件雞脾仔整紅咖哩雞,一樣咁好味!


2012年8月21日星期二

愉快蔬菜餅 - 薄餅

最近朋友好喜歡做pizza,實際上試過3次,
餅底都失敗收場,終於有一日,
佢成功左啦!(batting eyelashes)

其實食野都唔一定大魚大肉先好食,簡簡單單的素pizza已經令我非常滿足啦! 
今次就整左個蔬菜pizza,材料非常非常之簡單! 


2012年8月14日星期二

泰國風味 - 解喝必備!

近去雲咸街一間酒吧飲野,叫左一杯vodka soda,
飲落去味道好清新,令我諗起去泰國旅行時,
我地自己去左supermarket買左d薄荷葉,青檸返去酒店整飲品。

我地放左d薄荷葉同青檸入去杯梳打水入面,
越浸得耐,d香味越濃,
飲一杯令人成個醒哂,依家仲好回味呢種味道,
估唔到o係一杯酒入面飲得返,haha! 

大家不妨夏天整黎飲下,真係好正ga!


早幾日睇左本magazine,原來香茅都可以拎黎整飲品!

做法非常簡單!

材料: 香茅根部、薑少許、冰糖

做法: 1. 將 香茅根部 拍出味,放下滾水滾到出味
2. 加冰糖及薑
3. 放涼香茅水,雪入雪櫃

夏天飲呢隻香茅水,可以解喝又解熱,
大家都試下啦!