2018年12月29日星期六

<美的陶瓷蒸燉寶> 滋潤甜品_椰皇燉蛋白(附食譜)

天氣忽然降到超寒冷,未返工已經想放工,
最好就係同小寶貝、占士哥暖喺屋企,
夜媽媽燉個嫩滑嘅椰皇燉蛋白食下,立即暖到入心呀。

前排聽同事講,佢用明火燉差不多要燉45分鐘至1個鐘,
芙芙用美的陶瓷蒸燉寶試下,佢嘅650W火力應該可以縮短蒸燉時間。

因為蒸燉寶只有0.8L容量,所以要揀選一啲較細嘅椰皇,否則會放唔入燉盅,
如果放唔入,可以直接倒入燉芯裡面蒸燉,
唔用椰殻都可以架,仲可以一次過燉多少少呢。


椰皇燉蛋白 食譜

材料: 椰皇水100ml、牛奶100ml、蛋白2隻、糖1茶匙

2018年12月27日星期四

<派對超簡單系列> 牛油果蝦肉一口小食(附食譜)

雖則聖誕節已經過去,但緊接住就係大除夕,
相信大家已經約好哂家人朋友,一齊踏入2019,
而芙芙都好急不及待同大家分享呢款一口小食,超級簡單易整,
主要食材牛油果同蝦都係超健康食物,想開Party跨年不妨清新啲,
試下整呢款小食啦。


牛油果蝦肉一口小食 食譜

材料: 蝦12隻、餅乾12塊、牛油果3隻、紫洋蔥半個、車厘茄8粒、
青檸半個、鹽、黑椒適量、牛油25g、黑松露醬2茶匙

2018年12月21日星期五

<派對之選-泰式好滋味> 泰式肉碎生菜包 (附食譜)

芙芙喜歡泰國菜嘅原因,除咗因為香料嘅味道好清新之外,
就係大部份菜式都用好多蔬菜,無論係湯品,
抑或係肉類嘅菜式,就連整咖哩都要落好多蔬菜,
所以泰國菜好少會食到好膩,一般都會越食越開胃。

今次為大家推介簡單易煮嘅泰式肉碎生菜包,
絕對係派對食物嘅好主意之一,仲未諗到整咩開party,
可以試下呢道菜式呀。


泰式肉碎生菜包 食譜

材料:免治豬肉500g、蕃茄半個、生菜1棵、蒜蓉2湯匙、辣椒1條(切粒)、九層塔1
調味汁:生抽1湯匙、老抽1湯匙、魚露1湯匙、糖1茶匙

2018年12月20日星期四

<美的陶瓷蒸燉寶> 全家滋潤_海底椰無花果燉豬展 (附食譜)

呢兩日又凍又乾燥,一整日都掛住紅色火災危險警告,
搞到喉嚨好乾涸,半夜仲要乾到醒,
最近成日煲蘋果雪梨水俾菜苗飲,
都係時候要顧下一班大人,燉返個滋潤湯水飲下先。

今次嘅材料相當簡單易熟,唔需要燉太耐都出到味,
選用養顏燉,蒸燉2小時就剛剛好啦。



海底椰無花果燉豬展 食譜

材料: 海底椰乾半碗、無花果3隻、雪耳1/4朵、豬展200g

2018年12月17日星期一

<美的陶瓷蒸燉寶> 燉出冬日滋補湯_姬松茸螺頭燉竹絲雞 (附食譜)

天氣突然變到咁凍,身體弱啲都唔掂,
呢個時候真係好適合飲碗燉湯,增強身體抵抗力。

就喺呢個寒冬來臨前,芙芙就收到由美的送來嘅小家電 - 陶瓷蒸燉寶,
真係來得相當合時,產品一送嚟已經燉咗幾次湯飲,
仲燉埋俾阿媽同鄰居好朋友飲添啦。

有咗佢就可以喺唔浪費水,同唔駛睇幾個鐘火嘅情況下,
燉到1-2人飲用嘅湯水、甜品、嬰兒粥同燕窩。

第一次試用美的蒸燉寶,芙芙就好自私地選用竹絲雞燉咗個滋補湯俾自己飲先,
材料好簡單,好岩女士們飲用架。


陶瓷蒸燉寶機身小巧,機身都係17cm左右闊,
對香港咁細嘅住屋嚟講,呢款小家電絕對唔會霸佔好多位。

燉芯可以盛載0.8L水,基本上可以燉到約2碗湯水,
岩哂2人小家庭,而且亦好適合燉嘢俾bb食。


姬松茸螺頭燉竹絲雞 食譜

材料: 姬松茸5-6條、螺頭2隻、竹絲雞1/4隻、大紅棗2粒、水2碗

2018年12月7日星期五

<簡易3步驟> 韓式薯絲煎餅 (附食譜)

韓式煎餅有好多配搭,喜歡香味嘅可以放韭菜,
喜歡食海鮮可以放蝦肉、魷魚,
食素嘅可以只放蔬菜,芙芙今次就以最簡單嘅材料製作小朋友都岩食嘅煎餅,
簡單3個步驟搞掂,絕對係下午荼點嘅好選擇呀。


韓式薯絲煎餅 食譜

材料: 薯仔1個、甘筍半條
粉漿: 韓式煎餅粉1杯、水1杯、鹽少許、雞粉少許

2018年12月4日星期二

<美的健炸寶> 健康小食_脆炸芋片芋絲

隨住小菜苗一歲,芙芙大肚時嘅回憶都返哂嚟,
相信好多孕媽媽有第一胎時,頭幾個月甚至成個孕期都會好小心飲食,
芙芙都唔例外,頭3個係咁上網搵健康孕婦食品,
走去自製西柚汁飲,又日日食蘋果,
完全唔敢掂任何熱氣食物,好怕BB出世後皮膚會唔好,
連一滴咖啡都唔敢飲,一粒朱古力都唔敢食,
諗返起都覺得好偉大,咁為食嘅我都忍得住。

呢種偉大大約去到第5個月左右就減咗半啦,
好快地,我就冇再忍口,
會買少少薯片食下過下口癮,不過在選擇上,
就會揀啲天然嘅番薯片、芋片等,
仲要揀啲有organic字嘅(其實都係俾自己良心好過啲)。

喺收到美的氣炸鍋後,芙芙好快就決定要炸芋片,用嚟回味下懷孕時嘅感覺,
因為嗰啲寫住Organic嘅蔬菜片入面,最好味就係番薯片同芋片,
不過街買唔及自己整咁放心,而且仲可以自己選擇鹹定唔鹹添。



脆炸芋片芋絲 食譜

材料: 芋頭1個、植物油適量、鹽適量

2018年10月20日星期六

<美的健炸寶> 寶寶美食_蔬菜薯泥手指餅 (附食譜)

小菜苗剛剛踏入一歲生日,喺佢仲係十個月大嘅時候,
芙芙已經留意有咩Finger food可以俾佢練習下咀嚼,
通常都離不開係節瓜條、蘿蔔條、菜心莖等等,
今次就同大家介紹個好簡單嘅自家製手指餅,唔洗落麵粉,
只係用到3種食材就搞掂,再用上美的健炸寶,
連火都唔駛睇下,快速完成呢道寶寶美食。

氣炸鍋原理同焗爐其實係一樣,都係用上對流風將食材烤熟,
只係氣炸鍋嘅對流風較強,強到可以將油份逼出,
做出油炸效果,所以氣炸鍋同時可以當成迷你焗爐咁用,
之前芙芙都用美的健炸寶焗過麵包布甸、蛋糕,
效果非常之好,詳情可以睇以下連結:

<阿華田 x 美的健炸寶食譜> 阿華田麵包布甸



而今次呢款寶寶食品,都係利用以上原理嚟烤焗架。


蔬菜薯泥手指餅 食譜

材料: 薯仔1隻、菠菜1棵、甘筍1/3條、植物油少許

2018年10月19日星期五

明太子薯仔蛋沙津 (附食譜)

明太子味道咸香,直接拿來送飯,加多碗麵豉湯就是一餐,
這個食法就是芙芙在日本旅行時,每天的早餐餐單,
回到香港很想念明太子的味道,這次用來做個沙津還是很美味。


明太子薯仔蛋沙津 食譜

材料:明太子30g、薯仔3隻、雞蛋2隻、蛋黃醬2大湯曬、牛奶2湯匙、牛油少許、鹽少許

2018年10月18日星期四

<美的健炸寶> 入門煮意_雞翼篇 (金沙雞翼)

每次收到美的小家電都令人感到驚喜,今次試用嘅係新產品係美的健炸寶,
所謂健炸,即係喺不用油,或只用好少量油嘅情況下,
透過對流空氣將食物本身嘅油份逼出嚟,造出油炸效果,
比起一般要開火用勁多油去炸嘢食,真係健康得嚟又安全好多。


健炸寶有2.5L容量,將食物放入炸物籃,
調較好溫度同時間,然後就可以由佢自由氣炸,
只需要間中拉出炸物籃翻動一下食材,唔駛睇火,
岩哂芙芙呢啲渴望爭取時間休息嘅煮婦。


今次芙芙用美的健炸寶試炸雞翼,雞翼係家家戶戶大小老幼都喜歡嘅食物,
而芙芙會介紹一款惹味小食 - 金沙雞翼,
利用健炸寶炸好嘅雞翼,再沾上咸香嘅牛油咸蛋黃,
真係會令人試過番尋味架。


2018年9月30日星期日

快手早餐_芝士焗大啡菇 (無需焗爐版)

近來都幾多假期,繼之前放咗成個星期嘅大假之後,
接住就係中秋同國慶,都真係幾開心架。

做咗人媽媽之後,芙芙都開始有食早餐嘅習慣,
總係覺得食咗早餐,嗰日就會過得有幹勁啲,
之但係大家都係做阿媽嘅,會好明白早上嘅忙碌,
芙芙若要喺屋企整早餐食,一定要快,
今日就介紹一個超快完成嘅早餐,芝士焗大啡菇。


芝士焗大啡菇 食譜

材料:大啡菇2隻、雞蛋2隻、車打芝士2片、黑椒適量、香草適量

2018年9月26日星期三

<阿華田 x 美的健炸寶食譜> 阿華田麵包布甸

喺好細個嘅時候,芙芙一家都住喺唐樓天台,
包租婆就係芙芙嘅姑婆,嗰時只有3-4歲,
有時去到姑婆屋企,佢就會拎出一杯熱阿華田,
仲有方包,俾我哋幾個小朋友點住嚟食,
到而家仲好記得,浸過阿華田嘅都麵包又甜又香,好好味。

芙芙真係好想重溫一下當年嘅滋味,昨晚半夜打開美的健炸寶嘅炸籃,
放入兩個裝滿阿華田同方包塊嘅焗碗,再用極快嘅20分鐘時間,
製作出阿華田麵包布甸,成間屋都係呢陣阿華田嘅香味。


阿華田麵包布甸 食譜
(4碗份量)

材料:牛奶250ml、雞蛋2隻、阿華田60g、方包2片、乾果適量

2018年9月24日星期一

<阿華田 x 美的健炸寶食譜> 牛奶麥精忌廉蛋糕奄列 (附食譜)

今日係中秋佳節,祝大家人月兩團圓。

芙芙一向唔太喜歡食忌廉,總係覺得又甜又膩,
於是芙芙都好少食蛋糕,如果係走咗忌廉嘅蛋糕就會食哂。

早前收到阿華田嘅牛奶麥精,芙芙打算打破自己對忌廉嘅標籤,
用牛奶麥精代替砂糖打忌廉,估唔到效果非常好,
除咗甜味冇咁重,仲多咗一陣麥香,
再夾喺自家製嘅朱古力蛋糕片中間,味道真係好夾呀。

今次利用美的健炸寶取代傳統焗爐,佢內部嘅空氣對流強大,
每次烤焗嘅時間都比傳統焗爐快,可以節省唔少時間,
岩哂我呢啲新手媽媽,邊湊女邊整甜品都冇問題。


迷仔牛奶麥精忌廉蛋糕奄列 食譜

材料A:蛋白2隻、、糖25g、蛋黃2隻、糖15g、低筋麵粉45g、可可粉8g、鹽少許
材料B:牛奶麥芽6湯匙、、忌廉100ml
裝飾:士多啤梨2粒、、阿華田適量

2018年9月22日星期六

韓式辣煮豆腐 (附食譜)

最近好喜歡喺誠哥間超市買一隻叫硬豆包嘅豆腐,
佢同一啲聲稱硬豆腐,但切出嚟都係一掂即爛嘅唔同,
呢款硬豆包堅係用嚟煎炒都唔會爛,而且亦有豆味嘅。

芙芙一向好喜歡食辣嘢,所以韓國菜一定走唔甩,
以往煮嘅韓國料理都以肉居多,今次整個素菜,
辣得嚟又食得健康啲。


韓式辣煮豆腐 食譜

材料:硬豆包2件、洋蔥0.5個、芽菜1/4斤、蔥2條
調味醬料:韓國辣椒醬1.5湯匙、韓國辣辣粉1茶匙、糖稀1.5茶匙、
醬油2湯匙、蒜蓉2湯匙、水3湯匙

2018年9月20日星期四

<阿華田 x 美的破壁機食譜> 機智豆x牛奶麥精木糠布甸 (附食譜)

小時候芙媽常常都買阿華田俾我哋飲,好記得以往要自己加煉奶同熱水去沖,
時代變遷,而家阿華田已經出咗三合一隨身包
一沖熱水就飲得,連芙媽都讚方便。

早陣子收到阿華田送嚟嘅產品,芙芙決定一次過哂冷,
將最喜歡嘅3種阿華田產品,阿華田、牛奶麥芽同機智豆
利用最近好HIT嘅美的破壁機製作出木糠布甸,一次過有齊3種享受。


機智豆x牛奶麥芽木糠布甸 食譜
(4杯份量)

材料A:機智豆4包、消化餅2塊

材料B:牛奶麥芽3湯匙、、消化餅2塊

材料C:三合一阿華田30g、、忌廉250ml

1. 材料A及B分別放入美的破壁機中,以1-2號檔攪打成碎,
分別製作出阿華田木糠、牛奶麥芽木糠。
2. 忌廉放入盆中,逐少加入阿華田粉,一邊用打蛋器打至有紋路。
3. 預備杯子,將木糠、忌廉一層一層鋪滿杯子,再放入雪櫃冷藏1小時即可。

想睇最新食譜及小菜苗週記,歡迎到Facebook like下芙芙little kitchen

以往整木糠布甸,最怕就係木糠太多粗塊,
今次利用美的破壁機BL1188,完全冇呢個問題。


牛奶麥芽味道充滿麥香,加入消化餅打碎就成為牛奶麥芽木糠。


阿華田推出嘅機智豆,透過美的破壁機嘅高速攪打技術,
順利被打成粉末,開蓋時真係有粉飄出嚟,
芙芙刻意留低少許機智豆碎,食嘅時候就會有些少脆脆嘅口感。


一包三合一阿華田粉有30g,一包就足以令250ml嘅忌廉充滿華田味道。



芙芙比較貪心,想一杯食哂3種味道,
所以就一層牛奶麥芽木糠,再一層機智豆木糠,。



如果只喜歡單一味道,可以每層都只用一種木糠,
呢個份量每杯可以鋪到4層木糠,3層忌廉,
食完真係令人好滿足呀。



2018年9月19日星期三

<在家吃大餐系列> 芝士焗大蝦伊麵 (附食譜)

為了迎接在娘家的焗爐,前陣子芙芙將廚房大執位,
辛苦芙爸將焗爐送來,芙媽則不斷嚷著要吃芝士焗大蝦伊麵,
因為芙爸爸之前在家煮過,現在焗爐送來了這邊,
芙媽只有在這裡才可吃了,所以芙芙做了一次練習,
煮得好食才可以煮給媽媽吃麻。

在家煮這個菜式其實很容易,伊麵只需煮1分鐘就可以盛起,
最複雜只就是煮個芝士汁(其實也很容易),試過一次就會明白,
大家都來試試吧。


芝士焗大蝦伊麵 食譜

材料:大蝦8隻、伊麵2餅、mozzarella芝士100g黑椒適量、鹽少許

芝士汁材料:牛油適量、蒜蓉1小碗、紫洋蔥半個(切碎)、
車打芝士3片、牛奶半碗、雞湯200ml、生粉3茶匙

2018年8月9日星期四

<美的破壁機BL1188> 省時製作_西蘭花芝士濃湯 (附食譜)

之前用美的破壁機烹調過4款菜式,兩款都係同寶寶加固有關,
另外兩款就係甜品,似乎未煮過大人嘅鹹食,
其實芙芙覺得破壁機就好似一部好大嘅攪拌機,而且仲係可以煮熱湯嘅攪拌機,
所以今次就簡單地煮個西式湯品 - 西蘭花芝士濃湯。

芙芙好喜歡用美的破壁機煮蔬菜,因為佢可以保留到蔬菜嘅纖維同營養,
眼見蔬菜喺幾十秒內被打到得返一點一點,但營養並冇因為被打碎而流失,
而且將食材放進機後,無需睇火,就可以同時煮其他菜式,節省到唔少時間,
淨係呢幾點都好吸引到注重健康嘅媽媽們啦。

而家美的破壁機有優惠推廣HK$ 2,799,而且仲有成30個月保養架,
有興趣嘅朋友仔,勿失良機呀。

2018年8月8日星期三

<美的破壁機BL1188> 寶寶加固系列-自製三文魚丸 (附食譜)

寶寶的健康是爸爸媽媽最想保護的,要保持健康也非易事,
做父母只要盡力就好,芙芙自問不是天才媽媽,但也算是勤力媽媽,
對於寶寶所吃的食物,每天都是不厭麻煩地親自煮,
就算要返工,都會堅持早起煮好寶寶的加固餐,
眼見小菜苗的兩隻小牙齒越來越明顯,芙芙就開始研究未來的寶寶餐單,
如果可以剪開俾佢拎上手仔食仲好,可以訓練咀嚼能力之餘,同時訓練埋小手指肌肉。

三文魚係寶寶加固餐嘅好選擇,三文魚是含有不飽和脂肪酸最多的魚類,
有助於嬰幼兒腦部及眼部發育,有效增強bb腦部發展。

今日介紹一款自製嘅三文魚丸,利用美的破壁機BL1188,
可以喺完全不費吹灰之力下,將食材完全打碎,
同時保留住食物嘅營養,非常適合用嚟製作寶寶餐。

2018年8月4日星期六

<美的榨汁寶MJ-JE2802> 消暑極品雙食譜_火龍果乳酪雪條+西瓜檸檬梳打

三十幾度嘅天氣聽聞要維持多成個星期,
淨係行去搭車嘅十分鐘路程,都足以令人大汗疊細汗,
呢一段時間,芙芙愛上咗食雪條,
仲要指名係果汁雪條,基乎每日都會買一大袋雪條,
返到公司一人一條,都幾開心架。


咁開心嘅日子係要還嘅,因為街買嘅雪條都落咗好多糖同添加劑,
越食當然就越肥,肥到有家長以為芙芙又有咗,
都不知幾唔好意思呀。


所以呢,芙芙決定要善用美的榨汁寶,在家好簡單咁自製果汁雪條,
同時亦整咗杯消暑解渴飲品俾占士哥歎下。


美的榨汁寶MJ-JE2802可以直接將果渣隔走,只需要幾秒時間,就可以榨出鮮果汁,而且薄嘅皮同核都可以直接入機,唔駛左切右切又去皮,節省唔少時間。

2018年7月31日星期二

<美的破壁機BL1188> 炎炎夏日透心涼_草莓藍莓雪芭 (附食譜)

準備踏入8月份,氣溫開始越嚟越高,
望住藍天白雲,實在好想食返杯冰凍嘅甜品。

街外買嘅冰品,通常都加咗好多糖,
想食得健康一啲,唯有自家製,
芙芙今次選用草莓同藍莓整雪芭,酸酸甜甜嘅味道又降溫又解喝。

早前介紹過美的破壁機BL1188,除咗可以煮湯煮豆漿煮粥,
仲可以當作攪拌機咁使用,佢嘅超高速轉動,可以將食物嘅營養好好保留,
今次用嘅水果營養咁豐富,如果用美的破壁機嚟攪打,
就唔駛怕營養流失哂啦。


2018年7月30日星期一

<美的榨汁寶MJ-JE2802> 炎炎夏日_甘筍石榴藍莓汁 & 甘筍提子汁(附食譜)

自從做咗媽媽,真係連病都唔敢病,
最怕病咗會傳染仔女,芙芙曾經同同事講過,
以前病會請假留喺屋企休息,而家病更加要返工,
因為唔想阿女同病菌困獸鬥,自己辛苦啲都唔緊要啦。

正所謂唔想病不如增強自身抵抗力,
最近工作太忙煮唔到健康餐,唔緊要嘅,可以飲下蔬果汁,
食多啲蔬果除咗冇咁易病,仲可以加強腸道健康添。


美的榨汁寶MJ-JE2802可以將蔬果直接榨汁,並將果渣完全隔住,
整部機大部份配件都可以拆出嚟清洗,非常方便,
而且安裝亦十分簡易。


2018年7月24日星期二

<美的破壁機 BL1188> 嬰兒加固之選_鱈魚蔬菜粥 (附食譜)

根據芙芙一向嘅作風,收到新玩具一定會試盡佢嘅功能,
今次就發現到美的破壁機BL1188嘅醬料功能,原來可以煮出又綿又滑嘅粥仔,
最適合初初加固嘅BB食用。

加固嘅過程中,由於BB減少飲奶,為免阻礙營養吸收,
必須透過不同嘅蔬菜及肉類,提供足夠營養,
除咗要選用新鮮食材,烹調方法都好重要,
點煮先可以將食材營養發揮到最好呢?

美的破壁機喺打碎食材嘅過程中,
超高轉速下可以將蔬果嘅植物營養素、膳食纖維微量元素保留落嚟,
同時可以保留肉類嘅鈣質同微量元素,
當用嚟煮粥時,媽媽可以加入不同新鮮食材,等佢邊煮邊攪打,
就可以釋放食物全部營養,有效提升BB營養吸收。


2018年7月23日星期一

<美的破壁機BL1188> 有營糖水_紫薯椰汁西米露 (附食譜)

好開心終於收到美的破壁機BL1188,一見到破壁機3個字,
第一下係聯想到豆漿,呢個功能當然一定有,
而呢部破壁機最特別嘅地方,
就係集合蔬菜湯、醬料、豆漿、熱湯及攪拌於一身,
如果以上嘅預設模式唔岩用,仲可以揀自定模式去烹調架。


芙芙今次會用美的破壁機熱湯功能,烹調紫薯椰汁西米露,
美的破壁機於1分鐘內可轉高達22000下,達至更細膩破壁,
超高速打碎食物,將食物營養保留落嚟,
用佢嚟煮糖水,都立即變得更有營健康。


2018年7月7日星期六

<美的智能高速鍋> 免焗爐版_自家製焗麵包

地獄暑假終於來臨了,今個78月份,
芙芙在工作上與廚藝上都面對新挑戰,自問是個烘焙白痴,
對於搓麵團、烤焗麵包蛋糕都是一竅不通,
就在這個炎夏,芙芙竟因工作關係要學識整麵包。

在同事悉心嘅教導後,芙芙打算返屋企繼續練習,
但係屋企都冇焗爐,點算好呢?
呢個難題靠住美的智能高速鍋而順利解決,因為佢有焗蛋糕功能,
蛋糕都焗到,麵包都一定冇問題啦。

對於烘焙零概念嘅芙芙嚟講,用高速鍋代替焗爐,
仲可以省卻對爐溫嘅擔心,輕輕鬆鬆焗出鬆軟麵包。


2018年6月29日星期五

<邪惡下午茶> 港式西多士 (附食譜)

記得喺芙芙有咗嘅時候,胃口冇咩大變,
只係特別渴求食麵包類嘅食物,而且仲成日偷雞去快餐店食西多士,
突然好懷念大肚時嘅感覺,既然都卸咗貨,
不如自己整嚟食下啦。

2018年6月27日星期三

<美的智能高速鍋> 炎炎夏日泰滋味_泰式椰汁雞湯 (附食譜)

近來天氣又熱又濕,望住成屋都係嘅梳打水,
諗起以前去泰國坐喺酒店床邊,望住出面嘅烈日,
嘆杯自製嘅薄荷葉青檸梳打水,嗰陣味真係好香好清新。

芙芙一直認為泰國菜用到嘅香料,總有一種好消暑嘅感覺,
可能係香味同回憶連繫嘅關係,每次聞到香茅檸檬葉嘅味道,
都會覺得特別relax

今次為大家推介一道非常簡單嘅泰國菜式 - 泰式椰汁雞湯,
芙芙會用到美的智能高速鍋,一次過將所有材料放入鍋中,
按個煲湯制就可以坐低飲杯青檸梳打,完全唔駛睇火,
然後繼續幻想自己身處泰國,好好享受一下炎夏。

2018年6月23日星期六

<美的智能高速鍋> 煮出西餐好滋味 – 肉醬意粉 (附食譜)





話說芙芙一家搬了新屋,有幾位非常Close的朋友都住在同一個屋苑內,
大家都係烹飪愛好者,芙芙好喜歡煮中餐,
朋友仔們就喜歡煮西餐,有時芙芙都好想向佢哋偷下師。

由細都大芙芙都好喜歡食肉醬意粉,以前試過自己煮,
但煮出嚟都比較水,亦唔夠濃郁,
今次芙芙打算用美的智能高速鍋,一破以往煮肉醬嘅宿命!

2018年6月21日星期四

<韓式滋味> 辣炒豬肉 (附食譜)

前排芙芙整咗個梅菜扣肉,切剩了一點五花腩,
想起好耐冇煮過韓國料理,就順手整個辣炒豬肉。

呢道菜用嚟帶飯簡直一流,有菜有肉又辣辣哋,
真係非常惹味,一定會添飯。


2018年6月19日星期二

<美的智能高速鍋> 快速搞定家鄉菜 – 梅菜扣肉篇 (附食譜)


話說上星期開封咗高速鍋之後,芙芙基乎日日都用佢,
有時會用蔬菜湯功能煲個高湯,煲好再用直接加米煮粥仔俾小菜苗食,
都係嗰句,唔駛睇火時間真係好用好多。

最近占士哥終於放到假,芙芙又可以享受入廚樂,
今次把握休閒嘅時間,整個梅菜扣肉,
呢道菜係一道好花心思嘅菜式,預備步驟亦唔少,
但確實係非常美味同好下飯嘅菜式之一

如果用明火烹調,蒸煮嘅時間要好耐,
當然,芙芙今次會用美的智能高速鍋,有望加速完成時間


2018年6月12日星期二

<媽媽恩物開箱-美的智能高速煲> 鮑汁雞腳篇_附食譜


對於一個要工作的新手媽媽來說,每天都要早起煲粥實在是一個難題,
但為了要確保食材新鮮,給女兒一個營養滿分的加固餐,
芙芙睡少一點也在所不惜。

小菜苗至今已經加固個多月,如是者芙芙唔夠訓已有個多月,
黑眼圈大到冇朋友,返工都唔夠精神,

直至遇到美的智能高速,簡直為芙芙嘅世界迎來了光明!




早幾日呢個小家電送到,一開箱就見到兩個內鍋,
而且仲有蒸架、飯勺、湯勺同米量杯,配件好齊全。



美的智能高速煲有多個功能選擇,除了可以當一般電飯煲用嚟煲飯,
仲可以煮粥,而且煮少少都唔怕,
小菜苗一般吃的份量只有一個小碗,大約40g米加220ml水,
放於高速中,按下煮粥標準功能,

25分鐘就完成軟棉棉的5倍粥,小菜苗都好喜歡呢個粥嘅質感。



呢個高速仲有炆/焗、文火慢燉、營養蒸、同埋無水煮,
功能多到基乎一日三餐都搞得掂,芙芙將會用呢個<新手媽媽恩物>煮下唔同菜式,諗起唔駛睇火就好開心~


近來家人和同事都好喜歡食雞腳,就試下用炆/焗功能煮個鮑汁雞腳啦。



鮑汁雞腳 食譜

材料: 雞腳15隻、花生1碗、薑8
調味汁: 鮑汁4湯匙、生抽1湯匙、老抽2湯匙、蠔油1湯匙、紹興酒2湯匙、糖1.5茶匙