2014年12月30日星期二

炸魚片白菜湯 (附食譜)

早星期做冬又聖誕,隔一兩天又一大餐,
這星期應該要節制一點,清淡一下。

返夜的晚上,一個人的晚餐,
煮個簡單又清淡的炸魚片白菜湯,加上豆腐更覺飽肚。


2014年12月22日星期一

Coffee or me weekly(元朗區) - Homey Cafe

說時遲那時快,芙芙與同事再戰Fish and Chips,
由於第一次行動很成功,遇到一間品質不錯的食店,
今次再挑戰美式食品,我們一行四人,
又一次早午餐的返工前聚會,為大家帶來另一間餐廳。

Homey Cafe

店子裝潢以木為主,面積並不大,
像一間小酒館,座位只有大約5-6桌,
很適合朋友相聚,吃晚飯喝啤酒。

店子有提供Set Lunch,而且每份份量亦很多,
價錢只是約$70-$80。午市也有不少人來。

我們也點了一個Set Lunch試試,跟餐有一客餐湯,
西蘭花濃湯,有點兒草青味,
喝得出很足料,同事們就不太喜歡,
但因為芙芙平時也有喝過這類的蔬菜濃湯,就不覺得有何問題了。

2014年12月19日星期五

派對小吃精選 - 豬肉芝士卷 (附食譜)

早兩天在超市看到string cheese做特價,而且是單件購買,
string cheese可以撕開做一條條絲,而且不太會溶化,
就是平時在麵包店買的芝士條,上面鋪上的一條條焦焦的芝士就是string cheese啦。

芙芙買回來後,其實也不知如何用好,
因為不懂得做麵包,還是想想菜式好了。

想著想著,就用最簡單的方法烹調一道派對小食。


2014年12月17日星期三

蓮藕片炒腩肉 (附食譜)

近來的蓮藕真的很甜,芙芙一向都喜歡吃蓮藕,
記得有一次,芙芙叫同事幫忙買蓮藕,
那菜檔的阿姐,竟然說了句「而家咩季節呀,邊會有蓮藕賣」,
芙芙就以為蓮藕只有秋冬天才會有,於是就很失望的沒蓮藕吃直到今年。

早陣子,芙芙將事件當笑話告訴另一些同事時,
大家都不若而同的說句「而家咩年代呀,菜檔竟然會冇唔係當造嘅菜?」

說著說著,芙芙發現了現實的殘酷,
因為自己太愚笨,以致等了一年才再吃到蓮藕。

今次要吃個夠本,炒多多來吃~!

2014年12月15日星期一

開FB專貢啦~薑汁炒芥蘭 (附食譜)

芙芙在facebook也開了一個專頁,名稱也是「芙芙little kitchen」,
歡迎大家來like我的專頁呀,其實專頁開了一陣子,
但芙芙現在才能夠公佈,是因為總搞不明白,
如何將facebook專頁的框框放在這裡,於是就這樣放下不管。

請問各位朋友仔,有沒有人可以教教芙芙呀?


2014年12月6日星期六

芙芙講故 - 簡易香草烤雞翼 (附食譜)

最近身邊出現不少人,都帶著不同的故事,
在這裡跟大家分享一個,男主角就化名為Nick。

阿Nick有一位家住外國的華人女朋友(化名Cindy),Cindy早年前放下外國的家人,
到了香港跟Nick同居,並且分擔租金的1/3,
其他生活雜費都不需支付,可是Nick的父親於早前破產了,
家庭的經濟狀況不如以前,在此時Cindy也找到了full time工作。

每個月的月尾,Cindy都需把租金交給Nick,
但由於每次Cindy都不會主動繳交,每次均要Nick的提醒。
於一個月前,Nick如常的於每月最後一天,
提醒女友提款繳交租金,可是這一次,
女友發了很大的脾氣,並認為Nick為何要這麼計較金錢,
更認為Nick從來沒有給過她Surprise,對此她很不滿。

當晚,Nick反思自己與女友的關係,
很快地,他得出一個答案:
她,並沒有盡到作為女朋友的責任。

對於租金的問題,Nick認為女友沒有關心自己的家庭經濟狀況,
既然已知悉他父親已破產,不但沒有關懷他,
更不盡好自己交租的責任,每次都要三催四請,
Nick對此感到十分厭倦,更提出了分開。

2014年11月30日星期日

鮮甜花甲豆腐煲 (附食譜)

上兩星期芙芙要做姊妹,一天到新娘子新居來個single party時,
新娘子Juli,就烹調了這道鮮甜花甲豆腐煲,
芙芙一試上癮,於是找天就煮了給各同事品嚐。

2014年11月28日星期五

泡菜炒豬肉片 (附食譜)

韓國菜式味道很兩極,有些十分濃郁,
要加蔬菜一起吃,減輕油膩感,
有些的味道卻清淡得,吃得出食材的自然鮮味。

以上兩者芙芙都十分喜愛,芙芙總認為,
韓國人在烹調食物時,都很用心,
看每份細小的泡菜小點就知道了,更不用說上主菜式。

對於享用的人來說,能吃到這麼有心思的食物,
是何等的幸福,何等的奢華呢。

2014年11月27日星期四

2014年11月26日星期三

短線遊 - 中山Hilton美食之旅 Day 1 part1

早個星期,芙芙與家人一行六人,
參加了一個短線遊,兩天一日,
住Hilton酒店的美食之旅,絕無購物點,
而且4點多就已到達酒店,第二天早上11點才出發吃午餐,
連導遊都形容為懶人團,芙芙一家都好buy。

到達中山時,已是大約12時的時間,
我們到了一間菜館午膳,當中的一道特別菜式大盤魚,
可謂用料十足,鮮甜得很。


2014年11月24日星期一

素食之選 - 沙茶豆卜素雞 (附食譜)

前陣子不知為何,芙芙可以整個星期的晚上,
都不感到肚餓,想起要煮就很懶惰,
一來想要減肥,希望清減點肚腩,
成為美貌與智慧並重的女人,haha。

如是者,芙芙連胃口都自動減少了,
有時也會想吃點濃味的菜式,但又不想吃肉那麼罪惡,
於是就想到煮素,就來個沙茶煮吧。

2014年11月19日星期三

咸酸菜炒豬肚 (附食譜)

豬肚對芙芙來說,是一樣很難處理的食物,
如果買新鮮的,總是不知道如何洗走豬味,
又可如何清洗乾淨,這些問題令芙芙一直對煮豬肚卻步。

於是,這次大家決定買來一個冰鮮的,
清洗容易而且亦很快會煮得軟,用來炒咸菜很送飯呢。


2014年11月8日星期六

蘿蔔鯪魚湯 (附食譜)

最近很想吃蘿蔔,芙芙有個怪癖,
每次自家打邊爐時,都會搶住做刨蘿蔔同切蘿蔔,
不知何解,芙芙真的好鍾情做這種工作。

以下這個蘿蔔鯪魚湯,是一款潮州湯水,
據說要加芫茜同蔥花才有風味,這次煮的時候,
因為有同事不吃芫茜,那我們就不加了。


2014年11月6日星期四

Coffee of me weekly - 柏素客 Pazzo Hub Cafe (主菜篇)

續上篇的前菜與小吃篇,現在要介紹的是主菜類。

店子裡有早餐提供,這個Egg Benedict套餐,
配上一條法蘭克福腸與薯角,又一頓豐富的早晨全餐。

2014年11月1日星期六

Coffee of me weekly - 柏素客 Pazzo Hub Cafe (前菜小食篇)

芙芙的同事早前發起了一個名為Coffee or me的行動,
就是每個月均會到不同的食店品嚐美食,
這個行動地點暫定為元朗區,一來方便大家返工,
二來元朗真的很多食店,暫時是每週/每兩週一次。

第一個食店,芙芙與同事已一星期光臨了兩次,
第一次是4人,第二次是14人,
所以menu中很多食品都品嚐過了,就讓芙芙用兩篇來介紹吧。

第一次行動,打頭炮的就是位於元朗區較偏位置的,
柏素客,Pazzo Hub Cafe。

2014年10月30日星期四

薑蓉蜆碎蒸豆腐 (附食譜)

早前芙芙買了很多急凍蜆肉,但一直都用不完,
剛巧雪櫃中有一盒蒸煮豆腐,就膽粗粗的試煮了這一道菜式了。

2014年10月27日星期一

蒜油焗蘑菇 (附食譜)

芙芙一直很感恩,在職場路上一直都遇到好伙伴,
在工作多年來,遇到過很多好人,
遇到的小人,也真是少之有少。

芙芙現在工作的團隊,有如一家人般,
就在這麼快樂的相處與熱情的工作中,大家都一起奮鬥著。

最近芙芙的內心受到衝擊,在這麼團結的時刻,
一位同事D跟芙芙分享了一個消息:他個半月後要到外國去了。

消息一出,內心震撼得有如「嚴重似情侶講分手」,
雖說芙芙很明白,職場上總會有人去有人來,
但基於這位同事D是常常伴著芙芙放工的人,在近一年我們都變得更熟悉,
忽然間收到他要離開香港,更是無了期的時候,
這份捨不得的情誼,一觸即發。

2014年10月17日星期五

紅蘿蔔泡菜涼拌 (附食譜)

上星期很高興,芙芙工作的團隊奪得了公司的President Award,
剛剛一年的工作表現受到公司的認同與表揚,對我們來說是很大的鼓舞。

芙芙公司的雪櫃中,長期出現一包紅蘿蔔,
而且長期不會變壤,所以大家都不捨丟掉,
一天芙芙買了一盒泡菜回來,就跟同事創出這道紅蘿蔔泡菜涼拌。


2014年10月15日星期三

蔥頭雞翼 (附食譜)

芙芙從小就很喜歡吃雞,除了雞頭和雞patpat外,
每個部位都喜歡,特別是翼/腳和翼尖。

芙媽從前炮製的雞翼尖,很簡單又很惹味,
就是煎熟了翼尖,然後加醬油及糖炒勻,
就成了一道美味的小吃,今天芙芙照這樣的作法,
加了紅蔥頭,製作了一道蔥頭雞翼。


2014年10月12日星期日

韓式醬鯖魚 (附食譜)

最近在阿信屋買了一盒韓式辣醬,十分便宜,
忍不住開始煮出韓味道,剛巧買了西蘭花,
就巧用了西蘭花的梗部,製作一道韓式醬鯖魚



2014年10月9日星期四

15分鐘營養早餐 - 芝士蔬菜粒配多士 (附食譜)

芙芙昨天很厲害,跟大姊早點起床晨操,
6點就出門口到運動場跑步,跑了半小時。

跑完步感到很肚餓,身體很渴望一些很fresh的早餐,
於是就弄了一個快速營養早餐,飽肚得來又不怕胖。


2014年10月8日星期三

南乳豬手支竹煲 (附食譜)

最近工作很忙碌,隨著暑期過去了一個多月,
芙芙的工作也是日增無減,交好了活動的reports,
又是時候交另一份給政府的報告,真的做得人頭暈暈呢。


2014年10月4日星期六

薑蔥脆脘腩 (附食譜)

近來新聞熱烈討論的政治話題,佔中,
大家有何睇法?芙芙不多說立場,
就跟大家分享,芙芙在自己的社交網站說出的一番話。

民主就是要容納得到不同意見與聲音,反對與支持,你如何選取?
支持放在道德以上,反對則放在道德以下,
為何反對就變成人民公敵?
為何警察因為命令與職責而要被人unfriend?
為何示威者就是暴民?

我一直不作任何取態,基於我對人類自由思想的尊重,
基於我看到事件上不同取態人士的反應,無論你是什麼角色與取態,
也別忘了真正的民主自由是什麼,尊重也是重要的一環,
你可去佔中,也可選擇中立,更可反對,
最重要是你也要接納和包容與你持不同意見的人,
否則這就不再是民主,別強行勞駕自由。



2014年9月28日星期日

素湯 - 薯仔栗米磨菇湯

前排芙媽說,網上流傳著一款減肥湯,
她已經試過了,還大讚呢湯比想像中鮮甜呢。

芙芙一於試試,不過暫未明白為何此湯有減肥效果,
可能因為要用此湯做代餐,這樣只喝湯如何不瘦呢?

對芙芙來說,此湯就是一款素湯罷了,
就是味道也不錯,就跟大家介紹一下啦。

2014年9月26日星期五

抵吃西餐 - Elsie Cafe & Restaurant

芙芙的大假一星期,很滿足的天天狂吃,
打了兩次邊爐,BBQ了一夜,
吃西餐,喝酒又一夜,
簡直就是大滿足!平凡得來很快樂呢。

芙芙在星期三就到了一間朋友工作的Cafe吃晚飯,位於旺角朗晴坊的樓上鋪。

 Elsie Cafe & Restaurant

晚飯每人最低消費為一個set dinner,芙芙7:30pm到達,
已見半場滿座,過多半小時更是全場爆滿。


場內燈光柔和,環境不是十分寧靜,
正合芙芙跟姊妹們的心意,大家最怕的就是不能談天說地的cafe。

身邊的客人也很自律,笑得來也不會太嘈吵,
一間不大的店裡,座位亦不會很擠逼,
因為open kitchen的原故,感覺更親切些。

忌廉湯不錯,仍咬到菇菌的味道。

2014年9月23日星期二

放大假吃得興奮 - 海鮮邊爐

早個星期芙芙沒有上blog,原因是芙芙放了一星期大假,
連同打blog也放假,真是偷懶的好藉口。

在芙芙的大假中,其中幾餐晚飯都是海鮮,
吃得芙芙撐著肚皮,就跟大家分享一下其中的一餐海鮮邊爐吧。

芙芙同事的朋友,認識於屯門三聖邨開海鮮檔的人,
於是他們買到了很便宜的海鮮食材,這晚就約了10多人來吃晚飯。

三聖海鮮檔買了三款海鮮,包括蟶子王,
每條都很粗,而且份量很多,
10人也吃不完,所以給芙芙一人狂吃到飽。


2014年9月14日星期日

豉汁煎釀青椒

芙芙小時候在家吃到的釀青椒茄子,都是伴著豉汁的,
長大後出外吃,發現伴著的只有醬油,
味道雖也很好,但芙芙仍然想念兒時的味道。

這天,芙芙就自己煮了一次。

2014年9月11日星期四

素小吃 - 鹽煎杏鮑菇

杏鮑菇又大條又厚身,用來煎/烤焗都好吃。

芙芙上次同大姊吃過放題的燒杏鮑菇後,就決心要在家自製,
當然不是燒來吃啦,是簡單地煎香,
味道雖然不及燒的香,但也是一款出得廳堂的小吃。

2014年9月9日星期二

芙芙與大姊放題 - 荃灣瀛喜

芙芙同大姊都好喜歡到瀛喜食放題,除咗刺身都ok新鮮外,
仲有好多食物款式,而且大部份都唔錯,
比起其他放題,呢間真係可以話所有嘢都好合理。

其實芙芙同同事一直都係食元朗嘅瀛喜,不過冇耐前發現荃灣都開咗間,
好近芙芙家呢,所以就同大姊齊齊食5點半嘅晚餐放題啦。

2014年9月7日星期日

上湯浸勝瓜 (附食譜)

近排娛樂圈好多花邊新聞,睇得最多係周生嗰單嘢,
真係唔明白,點解周生可以將個小三帶埋返屋企扮冇嘢咁衰格。

雖則牛唔飲水唔㩒得牛頭低,個男人係賤,
不過個小三仲賤,而家呢個年代,
好多人都會話:「感情嘅嘢話唔埋」,
但芙芙就認為咁講嘅人好奇怪,好似俾好多理由同藉口自己,
去做一啲明知係唔啱嘅事,所以芙芙對於搵對象呢家嘢,
都要好小心,而家嘅人唔夠責任感,
以為事情有理由就代表可以做,卻唔去諗下責任呢個問題。

2014年9月5日星期五

蜜糖芥末籽汁烤雞翼 (附食譜)

夏天過咗一大段啦,好快又會到秋天,
講就講得易,以香港嚟講秋涼仲係有排嘅事,
但係芙芙已經好想念BBQ啦,因為燒雞翼~我鍾意食~。

前排喺超市買咗樽特價芥末籽醬,一於用佢嚟醃雞翼,
唔燒都烤下,一解芙芙對BBQ嘅單思之苦。

2014年9月3日星期三

2014年9月1日星期一

[I Love Travel] 日本2014 ~ 立山黑部5天4夜之旅 Day3

Day 3
立山黑部

一早出發,食個靚早餐先。

芙芙嚟到日本,食早餐時最愛食腸仔,
仲要加啲芥末籽,好好味呢~

2014年8月31日星期日

清怡晚餐 - 蕃茄牛油果沙津 (附食譜)

有時候一個人食飯,都唔知食咩好,
想食清怡啲,又唔想食菜沙津,
食咩可以感覺飽啲,又唔會咁heavy呢?

答案就係,牛油果。

2014年8月28日星期四

[I Love Travel] 日本2014 ~ 立山黑部5天4夜之旅 (Day2)

 Day 2
上高地~遠足行

第二朝一早起身,6:30要出發,
所以6:00就要食早餐,芙芙同大姊唔放過浸溫泉嘅機會,
一早5點幾已經起身浸溫泉啦,睇下出面嘅景色幾靚。

2014年8月26日星期二

[I Love Travel] 日本2014 ~ 立山黑部5天4夜之旅 (Day1)

芙芙前排潛水冇出現嘅日子裡面,就同屋企人去咗日本旅行,
其實呢次係芙芙第一次嘅日本之旅,跟住就愛上咗日本啦~

本來我哋一家係報阿信的故事個團,點知話多人得滯,
問我哋轉唔轉立山黑部個團,而且仲唔駛我哋加返錢,
咁樣一個人平$1000,我哋一家再加上姑媽姑丈,
總共平咗$6000,梗係轉啦。

Day 1 溫泉酒店
由成田機場一落機,就立即出發去溫泉酒店,
估唔到搭咗4個鐘頭飛機,跟住仲要坐咗4個鐘頭車,
雖然中間有休息站,但因為我哋住嘅係喺山上面嘅溫泉酒店,
所以車路比較多彎,坐到就到時已經有少少暈車feel。

因為要去到"郊區",搭車期間都見到好靚嘅景色。

2014年8月23日星期六

醬油茄菇 (附食譜)

最近成日玩手提嘅The Sims free play,仲變態到將身邊嘅朋友同事都整哂入去,
而家成日都同同事講:「你睇下我對你幾好,俾間咁靚嘅屋你住」,
芙芙真係打機打上癮,日日都計住時間送啲模擬市民返工。

你哋有冇玩呀?真係好好玩喎~

2014年8月21日星期四

香濃磨菇湯 (附食譜)

呢幾日炒得最熱就係房東大麻,大家有冇留意呢單新閒呢?
好多人都討論究竟大麻係唔係毒品,不過芙芙就咁睇,
就算點都好,去每個國家,
都要尊重每個國家嘅法律,人哋唔俾食一定有原因。

2014年8月12日星期二

泰式鳳爪 (附食譜)

芙芙公司對面嘅街市連商場,就快要裝修,
平時芙芙好喜歡到呢個街市買菜,又平又乾淨,
條路又闊,比起公司樓下濕淋淋又多人嘅街市好好多。

而且仲有一間東南亞店,感覺一樣小得嚟乾淨,
一日同事買咗一支泰式汁返嚟,叫芙芙整個泰式鳳爪俾佢哋嘆。

2014年8月9日星期六

香炒海茸 (附食譜)

前排芙芙成日打稿,好多人都會以為芙芙就係個配音員,
其實唔係,芙芙只係做份配音稿,
做完就等配音員核對,再交俾配音嘅人去跟住份稿去配音,
所以大家唔駛諗住可以喺電視聽到芙芙把聲,加上最近都冇咩稿打,
而家真係好休閒,可以做多啲自己嘢。

2014年8月4日星期一

煙鴨胸蕃茄辣湯 (附食譜)

最近又打開大陸電視劇稿,發覺一到廿幾集時,
總會出現個仔/個女唔認阿媽嘅劇情,次次個阿媽都係咁喊。

前排打開大陸古裝戰國時代劇集,發覺輯輯都有一個劇情,
就係其中一個主角,一定會娶咗/愛上咗個殺父仇人個女,
又或者調轉,係個女仔愛上咗/嫁咗個殺父仇人個仔。



2014年7月30日星期三

[自家製] 蕃茄醬汁 (附食譜)

之前同大家share點樣整印度芝士,整芝士時會有一啲叫威水嘅黃色液體留低,
其實味道就好似稀式檸檬汁咁,用呢個威水可以煮出蕃茄醬汁,
用嚟做意粉,或者一啲食物嘅伴醬都好味架。

2014年7月26日星期六

[舊blog精選] 粟米片是這樣用的 (附脆香雞塊食譜)

芙芙琴晚忽發奇想,可以精選以前yahoo blog嘅部份post過嚟,
我意思係食譜,因為全部轉哂過嚟的話,
似乎真係太吃力啦,又想豐富一啲呢度。

不過芙芙決定將啲post date set返真正出posr嘅日子,即係會day back,
咁樣真實啲,不過第一篇精選就唔day back住,
第一個俾芙芙揀咗要搬嘅,就係呢個啦:
粟米片是這樣用的 (附脆香雞塊食譜)

2014年7月25日星期五

[自家製]印度芝士 (附食譜)

芙芙見到大家嘅留言,真係好開心自己寫返blog,
其實芙芙都好想念大家,但冇煮嘢食嘅時間,
就覺得唔好update住,總係覺得呢個芙芙little kitchen係要share生活同食譜,
所以就一直都唔寫住,直到而家。

要大家擔心同掛心,真係唔好意思呢,
芙芙好開心大家咁關心我嘅身體狀況,真的好感動呢。


2014年7月23日星期三

[簡易] 涼拌苦瓜 (附食譜)

早幾個月仲成日去睇醫生,
因為坐骨神經痛,到早個月,
芙芙去咗睇中醫診所,個醫師話我個盆骨歪咗,
再加上一年多前跌倒,影響咗,
於是我睇呢個醫師睇咗一個月,情況真係有明顯改善呢。

醫師除咗會幫芙芙針炙之外,仲會有手法治療,
即係將盆骨慢慢推返位,但唔係一次就可以,
要慢慢,仲要配合自己平時嘅姿勢,
芙芙仲因而知道自己有長短腳(其實好多人都有),可能因為咁,
所以行路有神經痛嘅腳會有拉扯不適,呢個係芙芙推理出嚟嘅。

唔知大家有冇識人都有坐骨神經痛呢......?

2014年7月21日星期一

味噌鯖魚 (附食譜)

大家好,好耐冇見啦,
唔知道芙芙潛水嘅呢段日子,大家係咪都繼續快樂咁生活呢?

講真真係有啲失禮慚愧,芙芙早排想登入個blog,
先發現自己連呢個account個login同password,都忘記咗,
最尾試咗好多次,終於成功啦!

報告一下最新近況先,芙芙依然努力打配音稿賺外快,
繼續接Job做Emcee,但係前排身體唔太舒服,
坐骨神經痛,patpat側後面痛,
膝頭又痛,有時仲扯住到小腿腳底,
睇醫生都睇到忙,所以唔好講煮嘢食啦,
心情都冇哂,雖然而家都仲有唔舒服,
但比起幾個月前,真係舒服返好多啦。

2014年1月19日星期日

牛油芝士炒烏冬 (附食譜)

很多朋友同事知道芙芙開始配音稿工作時,都很好奇是否可以率先看到劇集,
其實一套劇集,是分了很多人去打稿的,
像是芙芙打了第1集,下一次可能就是打第18集這樣,
除非這麼巧合打結局一集,否則就沒這支歌仔唱了。

話說芙芙打了一集,劇集就已經完了,
所以很無奈地,剛剛認到了不同角色,
就不用再打了,現在正等待下一套國語劇集呢!


2014年1月1日星期三

Happy new year

大家好,多忙也要跟你們說聲,
新年快樂!身體健康!
芙芙會盡快再出post,謝謝大家的問候呢!