2014年9月7日 星期日

上湯浸勝瓜 (附食譜)

近排娛樂圈好多花邊新聞,睇得最多係周生嗰單嘢,
真係唔明白,點解周生可以將個小三帶埋返屋企扮冇嘢咁衰格。

雖則牛唔飲水唔㩒得牛頭低,個男人係賤,
不過個小三仲賤,而家呢個年代,
好多人都會話:「感情嘅嘢話唔埋」,
但芙芙就認為咁講嘅人好奇怪,好似俾好多理由同藉口自己,
去做一啲明知係唔啱嘅事,所以芙芙對於搵對象呢家嘢,
都要好小心,而家嘅人唔夠責任感,
以為事情有理由就代表可以做,卻唔去諗下責任呢個問題。



上湯浸勝瓜 食譜

材料:勝瓜2條、雞湯1碗、咸蛋1隻、蒜片適量、鹽少許

1. 勝瓜去皮洗淨切件,咸蛋黃取出備用(咸蛋白不要倒掉)。
2. 燒熱油,爆香蒜片。
3. 加入咸蛋黃炒至半溶,倒入勝瓜炒片刻。
4. 倒入雞湯,煮至勝瓜軟身。
5. 將咸蛋白逐少倒入並攪拌,即可。



芙芙煮煮下,都想加碼落多一隻咸蛋黃,
但諗諗下又想試下清啲,最尾都係落一隻算啦。


如果有蝦米放埋入去煮,味道會更鮮甜。


勝瓜蒸又好食,上湯煮都一樣好食。


總而言之,同人結婚前一定要諗清諗楚,
唔只係諗對方係咪自己認定嘅人,仲要諗埋自己對於老公/老婆呢個角色有冇覺悟,
要擔當一個角色,一定有嘢要取捨,
自己又預備好去咁做未呢?如果未就唔好結住啦。





10 則留言:

  1. 浸勝瓜簡單而美味,仲加左鹹蛋黃,好吸引呢

    回覆刪除
    回覆
    1. 袁太,真係好味道架,
      清清淡淡,有啲勝瓜甜味呢~

      刪除
  2. 加入咸蛋更加美味! ^^
    祝中秋節快樂.

    回覆刪除
    回覆
    1. 係呀,謝謝你呀,
      芙芙都祝你中秋節快樂,今晚食多啲。

      刪除
  3. 勝瓜吸晒味, 一定好好味~~~~芺芺, 中秋節快樂!

    回覆刪除
    回覆
    1. cici,謝謝你呀,
      芙芙都祝你中秋節快樂,下年再整冰皮!

      刪除
  4. 周生呢個真係賤品,賤到無人有!
    芙芙,小高都愛吃勝瓜,奈何主任不太好...成日我煮就唔食果碟餸!><
    在這裡,小高祝你中秋佳節快樂!:D

    回覆刪除
    回覆
    1. 小高,我諗係人都會對周生件事有同感!
      cheap到冇得再cheap,真係見到啲報導都想打獲金!
      原來小高愛食勝瓜,不過真係一煮就好多,
      主任唔愛吃真係可惜呢,芙芙都祝你同主任中秋節快樂呀! :D

      刪除
  5. 中秋節快樂!
    我唔覺周生有悔意呀!仲响度揾藉口美化自己!
    又吸毒又唔上進又小三又打老婆又大男人。。。

    回覆刪除
  6. 周生就high 到上腦~~~已經唔係正常人~
    至於小三....世界變...好多女人專target 有家室男人..因為通常經濟能力比後生仔好...

    回覆刪除