2014年9月23日星期二

放大假吃得興奮 - 海鮮邊爐

早個星期芙芙沒有上blog,原因是芙芙放了一星期大假,
連同打blog也放假,真是偷懶的好藉口。

在芙芙的大假中,其中幾餐晚飯都是海鮮,
吃得芙芙撐著肚皮,就跟大家分享一下其中的一餐海鮮邊爐吧。

芙芙同事的朋友,認識於屯門三聖邨開海鮮檔的人,
於是他們買到了很便宜的海鮮食材,這晚就約了10多人來吃晚飯。

三聖海鮮檔買了三款海鮮,包括蟶子王,
每條都很粗,而且份量很多,
10人也吃不完,所以給芙芙一人狂吃到飽。



鮑魚很鮮甜彈牙,但芙芙不是特別愛好。


這個龍躉腩非常肥美,肉質有點結實,
因為是腩位,魚骨少及偏大條,
適合怕骨人士吃,基本上每件只有一條魚骨。


呢一隻蟹就係海鮮檔送嘅,除此之外仲送咗蜆俾我哋,
隻蟹都好多糕架,不過只係得1隻。


元朗街市買嘅一斤鮮蝦,差不多大部份由芙芙吃掉。


除了一眾海鮮,還有鮮冬菇及韓國白菇,
韓國白菇很滑,因為芙爸在家烹調過芙芙才知有這種菇呢。


到元朗買菜,當然要買學利魚蛋啦,
比起一般的魚蛋,更覺彈牙。



還有一炮過買了很多雜魚,大家看到方形的丸子嗎?
這款丸中間有年糕,很特別呢。



最近西洋菜都很嫩,一到街市就買了兩扎。



這麼多人這麼多材料,還是開兩鍋吧。



除以上食材外,芙芙同事還介紹在元朗的一間賣麵及水餃的店子,
那兒的台灣麵用來打邊爐也不錯,水餃都是新鮮包的,
地點就在大橋街市,凍肉店附近,
元朗的朋友,你們知道它的名字嗎?

忘了說呀,三聖買的海鮮合共只需$760,
是否很抵呢?想起也流口水啦~


8 則留言:

  1. $760抵呀,龍躉腩蟶子王唔平架

    回覆刪除
    回覆
    1. Li J,係超級抵呀,
      仲要係10個人份量有多,不過真係識人先有咁優惠。

      刪除
  2. 回覆
    1. cici,係呀,
      芙芙就算唔食,都捧住個肚架,
      之前放假食咁多,而家個肚唔識縮呀......

      刪除
  3. 好抵啊! 請問魚蛋入邊有年糕這款叫咩名啊? 好特別呢. ^^

    回覆刪除
    回覆
    1. kwann,芙芙都唔知呢款叫咩名,
      都係上次去個舊同學屋企打邊爐,見到好得意,
      於是呢次就買嚟試下,應該啲大型凍肉店會有得買。

      刪除
  4. 嘩嘩嘩 ~ 不得了!海鮮,仲有小高最愛的打邊邊,真係望到都流哂口水,令小高好好好肚餓!><
    講起三聖村都有耐無入去,上次都係朋友帶住...自己去都唔識揀邊檔好!
    咁多貴價海鮮都唔駛過八百元,真係好抵呀!上次小高只係買半條鱔都二百,桶蠔又一百,大蜆六十...買少少海鮮都三百元,未計其他菜...你果邊買菜真係抵好多!太吸引了 ~

    回覆刪除
    回覆
    1. 小高,芙芙為咗呢餐至愛嘅海鮮邊爐,
      只係食咗早餐,所以晚上非常有食力咁勁食咗好多呢~
      其實應該係因為芙芙同事識人,所以先會買到咁平,
      平時啲人都話三聖買海鮮好正好抵,其實仲好過去流浮山食,
      芙芙都好認同,呢邊好多物價都冇外面咁高,
      元朗買餸都好平,不過天水圍就唔計入內,
      天水圍啲餸分分鐘貴過九龍區,所以之前芙芙搬家都堅決唔肯搬入天水圍呢!

      刪除