2013年10月21日星期一

燒雞腿 (附食譜)

自從大姊男朋友跟我們一家住在一起後,就發起了星期天爸爸休息日,
就是星期天不用爸爸煮飯,雖說爸爸以前是大廚,
但是天天煮飯都會感到很累人的,所以決定星期天由大姊男友買菜煮飯。
(沒錯啊,不是芙芙姊妹煮呀)

就是知道爸爸天天煮飯很累,早前芙芙跟大姊建議爸爸,
有時候可以煮些碟頭飯,特別是炸雞脾之類的飯,
因為爸爸炸的雞脾對芙芙姊妹來說是天下第一,常常都好想吃呢!

說著說著,一天芙芙自己走去買了雞脾,
就烤了燒雞腿,味道跟燒雞很像呢!



燒雞腿 食譜

材料: 雞脾4隻
醃料: 鹽1.5茶匙、豉油1湯匙、糖1茶匙、老描少許、叉燒醬2.5湯匙、生粉少許

1. 雞脾洗淨後抹乾,用醃料醃2小時。
2. 預熱焗爐200度,把雞腿放上烤架上。
3. 200度烤25分鐘,再掃一層叉燒醬於雞腿上。
4. 220度烤10分鐘,至表皮收乾少許即可。

這個雞腿要慢慢烤,大家要因應各自家中焗爐的溫差來調節溫度,
醃料是建議份量,多多少少自行加減吧。

芙芙同事一吃下口,就是味道很像燒雞,
所以如果用這個醃料來炸雞,應該就真是燒雞了!
找次芙芙也來試試烤雞,不過好像很大工程呢!


26 則留言:

  1. 芺芺, 烤得好靚呀~~~ 你兩姊妹真孝順. 不過, 有時碟頭水飯都好好味呀

    回覆刪除
    回覆
    1. cici,芙芙都覺得今次真係烤得好靚呢!
      碟頭飯方便又簡單,忽然想食栗米肉粒飯!

      刪除
    2. 芺芺,粟米肉粒都係我至愛

      刪除
  2. 妳爸爸係大廚?好有口福丫
    唔怪得妳有佢遺傳啦

    回覆刪除
    回覆
    1. oli,係呀,
      芙芙爸爸係大廚黎ga,不過依家無工作啦,
      以前爸爸還工作時,爸爸好少在家煮飯,
      因為工作時已經不斷煮菜,回家休息當然想暫停一下,
      怎料現在退休又要天天煮菜,芙芙都覺得自己很有口福呢!

      刪除
  3. 丫....雞脾))))))))丫...芙芙...你爽我屎定=..=' 都話左我未吃午餐芽...丫)))))))))即刻去煮ka ka ka~~喂...我要隻大雞脾芽,留番比我芽))))))))))

    回覆刪除
    回覆
    1. 莎莉,你想食就過黎啦,
      芙芙烤你食呀!烤個超大的俾你!

      刪除
  4. 你們兩姊妹真很體貼...知道爸爸煮飯很辛苦...抵讚 ^~^

    回覆刪除
    回覆
    1. 小花媽,芙芙兩姊妹的體貼並不是經常出現的,
      說起煮飯,有時天天要想煮什麼都很煩,
      就算芙芙午餐晚餐想吃什麼自己也想很久,更何況爸爸呢!

      刪除
  5. 芙芙,我終於得閒d......今日一返工忙到返工...我唔理...明天再做要抖抖!
    星期一效應,加上昨晚又睡不好......今朝個鬧鐘又無響,返8點點,7點半至醒...原來係手機無電...... ><
    你們真係好貼心,連姊姊的男友都咁窩心體貼真係好sweet,世怕一定好開心!^^
    芙芙介紹的燒雞腿也好o岩小高!找天try try先 ~ thanks >3<
    好,我執嘢先,晚一點再傾!take care。

    回覆刪除
    回覆
    1. 小高,忙也要好好休息呀!
      芙芙都有星期一返工壓力症ga,總係怕自己第二日唔知醒,
      小高你前一晚做咩無電都唔差呀?真係傻瓜呢!
      說真的,大姊的男朋友都算係咁了,
      其實芙芙爸爸有時很嚴厲的,連大姊的男朋友也會被鬧,
      但仍是很疼錫芙芙的爸媽,真的很難得呢,
      雖然芙芙也明白,這是愛屋及烏的表現呢!

      刪除
    2. 芙芙,小高剛吃飯回來,你呢?
      知道,大家都要多保重,呢排幫友人囝囝準備cupcake開party,所以夜瞓了,希望趕上星期五送出去。
      唉...因為小高最近換左電話,而呢部比以前用的更快,所以耗電量亦比以前勁(好快無電),我見仲有廿幾、三十的電量以為挨到,點知就咁出事=_="。下次要小心d!
      不得不再一次讚讚你大姊的男友!^^

      刪除
  6. 燒雞腿碟頭飯加蛋加菜我久唔久整
    真係good到吖

    回覆刪除
    回覆
    1. Li J,午安呀,
      原來你都久唔久整碟頭飯ga?其實碟頭飯幾好呀,
      耐唔耐食下都幾happy,又簡單又方便!

      刪除
  7. 回覆
    1. 阿毛,芙芙未食過呀,
      係咪好好味ga?炸得好靚ga?

      刪除
    2. 而家無啦, 佢地係即炸個D嘛, 好味

      刪除
    3. 我記得之前睇新聞過間野執左啦,原來有烤雞脾食ga,
      芙芙都好懷念以前大家樂的炸雞脾同烤雞翼,簡直係陪住芙芙三姊妹長大呀!

      刪除
  8. 回覆
    1. samwei,芙芙都好滿意這次的烤雞腿,
      真係估唔到用叉燒醬可以烤到咁靚,下次會再試下!

      刪除
  9. 其實又要煮~又要洗~真係幾累~我覺得成日煮飯的人係要好有心先得~呢個堅持係值得欣賞架~!

    回覆刪除
    回覆
    1. 黃師奶,芙芙都好認同,
      日日煮真係要好有心機,同埋真係幾累,
      所以芙芙煮野食呢,近來都懶左好多呀!

      刪除
  10. 一睇就知好好味啦~~(其實我本身係想講..一睇就想咬一大啖呀~!!!)

    回覆刪除
    回覆
    1. 涼粉子,想咬就黎啦!
      等芙芙整定個超大雞脾俾你咬!一定好味!

      刪除
  11. 水太太的爸爸是超為食的,他都一定好喜歡這個﹗
    可以試下整成隻雞,應該都會超好味~~

    回覆刪除