2015年4月7日 星期二

臘腸魚肉蒸豆腐 (附食譜)

這個菜呀,不是芙芙構思的,
是一位同事的老婆曾煮給他吃的菜式,這晚夜又吃住家飯,
大家都想試試,這清淡得來又要加臘腸的蒸豆腐,
究竟,是什麼一回事?




臘腸魚肉蒸豆腐 食譜

材料: 蒸煮豆腐2磚、鯪魚肉9蚊、臘腸2條、蔥花/芫茜碎適量

1. 蒸煮豆腐切成小件,臘腸切薄片備用。
2. 燒熱油,將臘腸片放入煎香盛起備用。
3. 用匙將鯪魚肉放於豆腐小件上,上面再放一塊臘腸片。
4. 隔水蒸約15分鐘取上,撤上蔥花/芫茜碎。
5. 倒少許蒸魚醬油調味,即可。

喜歡芙芙little kitchen,一起來加入facebook專頁啦:


為減少蒸臘腸時出太多油,我們決定自煎一煎出出油。


就這樣的魚肉蒸豆腐很常見,這次加臘腸的配搭,
芙芙還是第一次,味道又會如果呢?


加上臘腸片的豆腐,立即變得很新年。


蒸過的臘腸顏色稍退,沒之前的鮮艷了。


完成了,但想不到味道也一樣是清淡的,
但多了一點臘味香,而且很好送飯,
下年冬天可以多煮,相信魚肉換成蝦滑也一樣美味呢。

8 則留言:

  1. 臘腸有鹹香味,我想豆腐不加醬油也很好下飯了^^

    回覆刪除
    回覆
    1. 艾華斯,本身芙芙都係咁諗,
      但原來蒸到出嚟,臘腸嘅鹹香唔多夠cover成件豆腐,
      所以都係加返少少醬油,當然就咁唔加都好味嘅。

      刪除
  2. 豆腐有益~加埋臘腸香~真係好吸引

    回覆刪除
    回覆
    1. 黃師奶,芙芙從來冇諗過可以咁煮,
      都係多得個同事,試落又幾ok喎。

      刪除
  3. 清淡的豆腐香加上臘腸的香味 , 好吸引呀 ~~~

    回覆刪除
    回覆
    1. 袁太,真係可以trytry呢個菜,
      味道真係ok架,芙芙都係第一次試。

      刪除
  4. 加上臘腸令豆腐味道更香濃!吸引 ~

    回覆刪除
    回覆
    1. 小高,吸引呢~,
      多得芙芙個同事,先try到呢個菜,
      真係幾好食,可以再煮。

      刪除