2015年2月2日星期一

上湯浸豆苗 (附食譜)

前陣子跟幾位同事到深圳食川菜,遲些再share,
當天晚上,我們叫了一道清淡的菜,
就是上湯浸豆苗,吃了後就超想再吃,
於是芙芙就自己煮,一樣都好好味道呢。



上湯浸豆苗 食譜

材料: 豆苗0.5斤、上湯1小盒、水1碗、咸蛋1隻、皮蛋1隻、蒜頭6瓣

1. 豆苗洗淨後備用,咸蛋皮蛋煮熟後切成小粒備用。
2. 燒熱油,將蒜頭煎至表面有點焦色。
3. 倒入咸蛋皮蛋粒同炒,再倒入上湯及水。
4. 等湯煮滾後,放入豆苗煮熟即可。


喜歡芙芙little kitchen,一起來加入facebook專頁啦:




芙芙用的上湯是瑤柱上湯,清香的湯用來浸豆苗,
可說是一個perfect match,瑤柱跟豆苗是很配的。


芙芙選用煎的方式,使蒜子變成金黃,
看這個blog久的朋友都知道,芙芙很怕炸嘢,
因為要用很多油,而且不懂得炸的技巧,
希望有天能夠克服,到時可能會一次過出很多炸的食譜(哇哈哈哈哈)。


一邊炒,一邊有蛋的香味。


多一點上湯,才夠浸滿這麼多豆苗呢。


豆苗很快熟透,所以煮一會就可以了。


芙芙吃罷連湯都喝掉了,這次真的大滿足啦。




14 則留言:

  1. 上咗深圳食嘢??有冇順路按摩整指甲呀?

    回覆刪除
    回覆
    1. 冇呀,芙芙唔太喜歡按摩,
      因為第一次按時,印象唔係幾好,
      而且又怕痕,所以好少按摩,
      但反而按腳又可以,成日食完嘢都好想按腳,
      不過啲朋友一定話,食飽唔好按。

      刪除
  2. 芺芺, cici 終於抽到少少時間上嚟探大家。豆苗cici好鍾意食,但去親街市都唔靚。可以請cici食嗎?

    回覆刪除
    回覆
    1. cici,好嘢,
      你嚟探芙芙啦,近來係咪好忙呀?
      忙都要注意身體呀,得閒嚟同芙芙傾下計啦!
      係呀,芙芙都覺近來啲豆苗唔太靚,
      唔知點解呢,好似好粗好老咁,
      有時都買唔落,請你食當然冇問題啦!

      刪除
  3. 豆苗我愛呀~~有皮蛋就更香啦

    回覆刪除
    回覆
    1. 係呀,雖然而家話皮蛋唔好食咁多,
      但煮呢啲上湯浸菜,唔加又好唔舒服,
      加咗真係更香更好味道,所以芙芙一於少理!

      刪除
  4. 不得了不得了,豆苗是小高至愛!呢排連開鑊炒都懶,乾脆用上湯煮就算!
    芙芙煮的有咸蛋、皮蛋特別好味!好吸引呢 ~ ^^

    回覆刪除
    回覆
    1. 小高,豆苗真係超級好食,
      又清又嫩,同你一樣芙芙都係好愛吃架,
      不過近來啲豆苗,好似冇咁靚啦,
      真係有靚豆苗食時,要食多啲先得啦!

      刪除
  5. 袁太前日都煮左金銀蛋豆苗呢,好味道呀

    回覆刪除
    回覆
    1. 咁啱嘅袁太,我哋真係心有靈犀呀(哇哈哈哈哈),
      咁樣煮清清哋,真係好好味。

      刪除
  6. 袁太前日都煮左金銀蛋豆苗呢,好味道呀

    回覆刪除