2013年9月26日 星期四

童年時的味道 - 嘉樂冰室

小時候芙芙一家居住在荃灣,就近楊屋道街市附近的唐樓天台,
還記得每次上學放學,行樓梯時總會經過我們三姊妹稱之為鬼屋的一層,
那層樓有一戶已經荒廢沒人住很久了,每次經過時都要"一、二、三!"跑下樓。

近日大姊帶芙芙到了小時候媽媽帶她吃過的一間餐廳吃午飯,大姊自從來過一次後,
從此她愛上了奄列,但對這間店芙芙一點印象都沒有。

嘉樂冰室,荃灣區的老餐廳,
憑著大奄列聞名香港,店裡很細,
但門外卻排著長龍,一有位就要立即入(搭枱也坐住先)!




大奄列充滿蛋汁,跟住方包一起上,
可以自製蛋治吃,味道不像期望般特出,
但真的很大份,一份可以三人share。


這是大姊叫的鮮牛治,看呀那牛肉多得一啖不能咬下,
牛肉非常滑溜,加入茄汁及生菜味道無與倫比,
大姊都是小口小口地咬,看她吃得真滋味。


炸雲吞,皮薄又脆口多吃亦不覺油膩,
內裡包著蝦子,推介必吃之選!


這裡另一出名的小吃就是豉油雞翼,大大隻的雞中翼,
脹卜卜,咬開連油帶汁沾滿口,
實在是太美味了!芙芙吃了很多呢!


再order一杯凍華田,聽聞這裡的朱古力沙冰很好喝,
無奈芙芙當天不想喝太冰的飲品,於是叫了凍華田。


華田十分香濃,比起一般茶餐廳的濃三倍,
味道亦不算太甜,芙芙也喝掉大半杯才停口(太飽了)。

如果大家也想到此一吃,就要有心理準備排隊了,
建議不要大夥兒去吃,最理想是兩個人或四個人呢。




21 則留言:

  1. 我以前個個星期都去架,不過佢越來越紅,越來越多人等,等到位又要等食,我試過坐左入去等左45分鐘先有得食...我有好多年冇去lu

    回覆刪除
    回覆
    1. oli,原來你以前成日去ga?
      間野又真係幾好食呢,不過真係太多人啦,
      等45分鐘至有野食真係有d誇張,芙芙同大姊去食時,
      等食物唔駛咁耐,但都盡快食快少少,
      總覺得別人在出面排得咁辛苦,大家食快少少好d,
      不過享受美食要咁趕,就唔係幾好了!

      刪除
  2. 回覆
    1. 阿毛,係奄列黎ga,
      不過可以俾你自製蛋治,食哂成碟的話真係成個星期唔好食蛋啦!

      刪除
    2. 原諒下, 年紀大, 睇唔清楚呢 =D

      刪除
  3. 回覆
    1. 係呀,依家真係超少見了,
      呢度的炸雲吞好好吃呢,芙芙吃完還想再吃!

      刪除
  4. 童年時的味道令人懷念呀

    回覆刪除
    回覆
    1. 係呀,不過芙芙唔太記得媽媽有無帶過我來這餐廳,
      反而一直有印象,小時候媽媽常帶我們三姊妹到一間有一幅會動的山水畫的餐廳,
      聽大姊說那餐廳好像就是在嘉樂冰室旁的蘭香茶餐廳,一樣是超多人在門外排隊的呢!

      刪除
  5. 好肚餓呀, 如果呢間野在我公司隔離就好

    回覆刪除
    回覆
    1. 梁太,呢間野好細間ja,
      就算在你公司旁,相信午飯時間都未必入到去食呢!

      刪除
  6. 芺芺, 以前去荃灣都去架,不過佢出名後, 實在太多人排隊, 近依一兩年都冇去囉~~~

    回覆刪除
    回覆
    1. cici,上次都係大姊話想去食,
      芙芙至同大姊去排隊食ja,如果唔係芙芙都唔會咁樣等位,
      始終太多人呢,入到去食野都要好快,
      咁樣趕住食都唔夠happy,但呢間野真係好好食呢!

      刪除
  7. 呢間我想試好耐,但一路都唔知係邊!

    回覆刪除
    回覆
    1. moonmoon,在荃灣ga,
      近住荃新天地同楊屋道街市,你去到問人d街坊一定知!

      刪除
    2. 中間位置?我大約知係邊,唔該晒

      刪除
  8. 我食過一次,可能我對蛋唔係話太熱愛嗰種,我一見到隻蛋有少少反胃既感覺,太大了

    回覆刪除
    回覆
    1. 吸血鬼,講野樣你知,
      芙芙食的呢個奄列,唔知點解無咩火腿,
      芙芙一直以為呢度的奄列係出名蛋多,點知眼見隔離枱的奄列,
      有勁多火腿,心裡面真係講左一句"我d火腿呢?",
      如果唔係勁喜歡食蛋,相信好多人見到呢個奄列都會同你一樣反應,
      就係少少反胃,因為太大太多了!

      刪除
  9. 嘉樂冰室~!!!!!!!!!!!!!!!!!我都有食過~
    嘩~佢個D 蛋真係多到呢~~~~~~~~~~~~~~~~~~~~
    仲有佢D 紅豆冰都好好飲~!!
    呢間嘢~抵佢咁多人~真係真材實料~!!!!

    回覆刪除
  10. 安安 芙芙~~嘩...睇到我流哂口水啦 ~___~ 九龍新界果邊真系好多正野吃而且又平喎,同香港呢邊就差得遠喇=..=' 香港呢邊又貴又未必好吃呢~~

    回覆刪除
  11. 芙芙介紹真好,但!要等位,又可能不相連‥‥要考慮下先得

    回覆刪除