2013年5月25日 星期六

香烤三文魚腩邊配椰菜 (附食譜)

就黎要做姊妹啦,琴晚至出去拎左條姊妹裙,
大家揀左西瓜紅色斜肩長裙,好彩自己皮膚都算白,
可以handle到,不過條裙太長啦,
諗住可以著平底鞋ga ma,依家可能要改著high heel啦!

試裙時發現雖然依家個身瘦左,但手臂依然麒麟,
聽聞舉支裝水可以減手臂,但一星期極速減要成功的話必定要有奇蹟發生!

前排食飯好多時都煮呢味,香烤三文魚腩邊配椰菜
烤過的三文魚腩邊出走左好多油,食落無咁油淋淋,
而且配食成個椰菜,在滿足個口之餘通通便排排毒也是必要的!



香烤三文魚腩邊配椰菜  食譜

材料: 三文魚腩邊/骨一份、椰菜一個、蒜蓉適量、辣椒粉適量

1. 三文魚腩邊/骨洗淨抹走水份,用蒜蓉、豉油、鹽、糖、生粉醃約30分鐘。
2. 椰菜切塊洗淨,備用。
3. 預熱焗爐220度,將椰菜放在焗盤上並撤上鹽及蒜蓉。
4. 三文魚腩邊/骨放於椰菜上,放入焗爐220度焗約20分鐘。
5. 途中要把三文魚反轉焗,兩邊都變得較乾身時即可。
6. 食用前撤上辣椒粉,完成。


鍾意食乾身d可以焗耐d,如果中途唔反轉焗其實都會熟,
但另一邊會好濕,建議反一反好味好多。


如果怕肥,可以上碟前用吸油紙吸一吸d魚塊,
其實焗的過程好多魚油已經焗左出黎,所以下面的椰菜焗出黎有魚油香味,
有d似炒椰菜咁,好正ga!


通常我咁用食一餐已經係超飽,想食d肉又唔敢食太多時就會整呢個菜啦!

沒有留言:

張貼留言