2013年5月11日 星期六

尖椒炒雞柳 (附食譜)

真係要高呼一聲"正呀!",高倫布終於大左結局啦!
唔駛睇電視睇到發炆啦,終於可以換第二套啦!

其實我都好少睇電視ga啦,但每次返屋企食飯,
都會同家人邊睇電視邊傾計,所以間唔駛都睇到套高倫布,
當我睇到明明地時,下一刻開始又發覺睇唔明,
套劇係我咁耐以黎睇極都睇唔明的一套,唔知你地又明唔明講乜呢?



尖椒炒雞柳  食譜

材料: 雞脾仔2隻、尖椒6隻、辣椒仔2隻、蒜蓉

1. 將雞脾仔去骨切塊成雞柳,用鹽、豉油、糖、生粉醃30分鐘備用。
2. 尖椒洗淨切塊,辣椒仔切粒。
3. 熱油爆香蒜蓉,中火加入雞柳煎熟。
4. 加入尖椒、辣椒仔,加入鹽及豉油大火炒熟即可。


尖椒最尾落仲要快炒,咁樣可以爽口d,
太淋唔好食ga,不過如果你喜歡食淋的尖椒,
就加少少水落去煮,會快d淋ga!


沒有留言:

張貼留言