2015年7月22日 星期三

快快樂樂hea足兩day - 澳門之旅 (day2)

第二天退房吃過早餐後,男朋友跟芙芙就出發到了東望洋塔。

這個地方呢,我們都沒有去過,
是男朋友的同事介紹的,說這裡風景很美,
有個小教堂,有座白色燈塔。

那位同事教路,可以坐的士到達東望洋酒店,
然後一條直路上到塔的位置,一下車,
便看到這舊建築,配上藍天白雲份外美麗。



沿路走過少許山路,有點像行效遊徑般,
不少人士都到來跑山,看來這地是長跑愛好者的聖地。



經過翠綠的山路,到達大炮位置,
還有一條地道可以進入參觀,內裡很陰涼,
是走到身水身汗時,一個抖涼的好地方。



終於走到了接近燈塔位置了,芙芙私私縮縮的在幹嗎呢?
應該是在扮野口同學,偷笑中。



長滿鐵綉的大船錨,原本的船肯定很大。



看呀!終於看到這白雪雪的東望洋塔啦!
很大很高呢,景色十分優美,
聽聞,這裡是拍攝婚紗照的好地方呢。


配上旁邊的小教堂,景色一絕,
小教堂是遺跡,開放給遊人參觀,
內裡有部份壁畫仍存在,加上冷氣十足,
所以,芙芙跟男朋友也在這裡逗留了一會兒呢。



側邊還有一個鐘,古色古香。



來到這裡,不禁扮演一下偽文青。



這座大炮為何會射住酒店呢?是風水來的嗎?



夏日炎炎行山路,實在令身體的水份蒸發不少,
參觀完開心東望洋後,芙芙跟男朋友還是選擇回到氹仔,
吃昨天沒吃到的合桃蛋糕,和牛尾湯通粉。



合桃蛋糕味道很懷舊,芙芙不懂得如何形容,
因為本來不太愛吃蛋糕,只知道很香蠻好吃的。



牛尾湯通粉,天呀,
湯頭有陣鮮甜味,亦聞得到牛肉香,
看似普通的湯通粉,因這個牛尾湯而聞名,
真的名不虛傳,難怪人人讚好。

吃完下午茶,到處逛逛買手信,
很快便黃昏,吃個晚餐就乘船回港啦。



我們到了一間專吃咖哩和小菜的店子,好像是叫做咖哩全的餐廳,
一款咖哩牛筋,一款咖哩牛腩,
牛筋炆得很淋,牛腩芙芙就沒吃到,
咖哩頗辣,是港式咖哩的味道。



飯比咖哩還要多,差點不夠送飯呢。

澳門最吸引芙芙的,不是賭場,
而是因為這裡是個美食薈萃的好地方,上至高級華麗的酒店餐廳,
下至路邊的小攤檔,都有美食的蹤影,
實在令人去完又想再去,食過又想再食呢。

喜歡芙芙little kitchen,一起來加入facebook專頁啦:





8 則留言:

  1. 圖1以為是歐遊呀^^東望洋塔聽過未去過,天氣咁好,真係好正
    牛筋和通粉都好想試

    回覆刪除
    回覆
    1. 殷師奶,唔講都冇為意,
      講開又真係幾似喎,真係抵呀,
      俾幾百蚊就有去歐洲嘅效果,hahahahahaaaa。
      其實芙芙都係第一次聽東望洋塔,就直接去咗實地考察,
      環境唔錯,不過睇完之後其實冇咩地方好行,
      所以就過返氹仔食嘢,個通粉真係必試架!

      刪除
  2. 這個兩天遊很不錯呢,還遇上好天氣,想起也覺得很理想^^
    東望洋燈塔的確很漂亮,澳門還有不少古蹟值得一遊,如主教山、氹仔龍環葡韻博物館、鄭家大屋……上次我去前兩者都有人拍捪照呢~~

    回覆刪除
    回覆
    1. 艾華斯,呢兩日仲好熱添呀,
      有好天氣流下汗,總好過落雨濕濕,
      澳門真係好多景點可以參觀,去短線旅行真係good choice。

      刪除
  3. 東望洋燈塔, 我都去過, 影相一流

    回覆刪除
    回覆
    1. 係呀!真係影相一流,
      雖然嗰度附近都冇咩好行,但只係嚟望下個塔同間教堂,
      都覺得心鄺神怡,如果有部專業機影下仲正~

      刪除
  4. 東望洋塔個景真係好靚,揀o岩時候去逛逛真係幾好!:)

    回覆刪除
    回覆
    1. 小高,東望洋塔呢度真係好適合影相,
      如果好似我哋平日下午,就會冇咁多人,
      影相就唔會好多攝石人啦,不過夏天去真係超熱。

      刪除