2015年5月8日星期五

薑蔥蠔 (附食譜)

話說暑期又就到,芙芙的公司又開始忙到high high,
前陣子也要開OT,完成很多的申請,
今天終於可以抖啖氣,再迎接超級忙的兩天,
所以大家不要怪芙芙又潛水,這次是因為工作啦。



薑蔥蠔 食譜

材料: 韓國蠔25隻、薑片10塊、蔥段1碗、生粉適量
調味料:醬油1.5湯匙、糖少許、鹽少許

1. 韓國蠔用生粉拌後再洗淨,汆水盛起後抹乾備用。
2. 蠔沾上生粉,輕煎至兩面金黃盛起。
3. 燒熱油,放入薑片及蔥段炒至出味。
4. 加入步驟2的蠔輕炒,放入調味炒勻即可。

喜歡芙芙little kitchen,一起來加入facebook專頁啦:



汆水不要太久,看到蠔身變飽滿就可以盛起。



從前芙媽很會煮薑蔥蟹,那滋味仍深深印在腦海中,
或許因為這個原因,芙芙就很喜歡薑蔥的味道。



如果用大一點Size的蠔,會更加和味呢。



這次用的是阿部屋買到的韓國蠔,想著試試味道如何,
還是廣島蠔好味點,蠔味也重韓國蠔很多呢。



薑蔥炒就不用怕蠔腥了,如果用明火煮多點鑊氣更加好呢。



14 則留言:

  1. 芙芙呢個薑蔥蠔好吸引 , 冰箱還有半包廣島蠔 , 等我明晚照芙芙的食譜整俾袁生食先 , 請問芙芙公司做什麼行業 , 要臨近暑假才會好忙 ??? 不過忙還忙 , 要小心身體 , 唔好捱壞呢 (~哈~袁太好似老人家咁長氣^^)

    回覆刪除
    回覆
    1. 袁太,呢個薑蔥蠔真係好味架,
      可能芙芙本身都鍾意食薑蔥,所以點都覺得好味呢~
      其實芙芙喺社區中心工作架,所以臨近暑假,
      同暑假期間都會比較忙,謝謝你關心呀,
      芙芙會小心身體架啦~,我都不知幾喜歡你咁長氣關心我呢~

      刪除
  2. 芙芙,我想遲d你仲忙呀,加油加油 ~
    蠔呀蠔,小高最愛,睇見就想立即吃進肚,加埋薑葱香氣十足!:D

    回覆刪除
    回覆
    1. 小高,多謝你為芙芙加油呀!
      芙芙都好喜歡食蠔,不過食得過多會好易肚屙......

      刪除
  3. 我屋企好少整蠔,因為家人唔太中意呢~~但哩個用嚟招呼客人唔錯喎!

    回覆刪除
    回覆
    1. 艾華斯,如果用嚟宴客,
      啲蠔就要用大size啲架啦,一陣煮到出嚟太細粒就冇咁好睇啦~

      刪除
  4. 回覆
    1. kwann,係呀,
      所以芙芙一直都好喜歡食薑蔥,用嚟炒餸真係超正!

      刪除
  5. 我在香港時都有買過這種蠔,不過技術有限,煮得唔好食。

    回覆刪除
    回覆
    1. samwei,芙芙都係覺得廣島蠔好食啲,
      蠔味濃好多,而且size都有大啲嘅買,
      廣島蠔就真係唔駛點煮,就咁用嚟打邊爐都已經超好味。

      刪除
  6. 芙芙~工作要緊~不過都要多休息~小心捱壞呢~!

    回覆刪除
    回覆
    1. 黃師奶,謝謝你呀,
      芙芙最近唔夠訓,都唔係因為工作,
      反而係因為掛住周圍去,行街睇戲食飯呢~

      刪除