2015年2月9日 星期一

滾動一聚 - Day Day Cook團年飯

感謝Day Day Cook邀請芙芙,於昨天與一眾bloggers共聚,
享受美酒與佳餚,渡過了愉快的一個星期天。

昨天是芙芙第一次參加bloggers聚會,因為每個網站的邀請,
通常都在星期六,所以芙芙都要工作未能出席。

數星期前看到email,發現這次聚會是在星期天,
想都沒想就立即回覆,帶著期待的心情等待這天到來,
終於在昨天,芙芙真的與大家共聚了。



Day Day Cook Concept Studio早在兩星期前,經已開張大吉,
芙芙一直都看到它的相片,實際與相片一樣,
很美,而且很有溫暖的感覺。

這裡除了定期舉辦烹飪班,更可以舉行私人煮食派對,
內裡設備非常先進,芙芙真的很讚嘆。

一到步,每人分組煮團年菜,
芙芙跟小高一組,烹調最簡易的蒜蓉粉絲蒸帶子。


看看我們的製成品,哈哈,
其實芙芙只是負責切蒜,其他都是廚師Norlly的傑作。


美食當然不止一道,看看這道冬菇豬腩肉,
就是DayDayCook創辦人,Norma與Cici的偉大作品,
想不到只是炆了一會,豬腩肉已經很軟淋,
非常入味,吃得大家讚個不停。


還有Jess自製的蘿蔔糕,太美味了,
很足料,感謝Windy及Ardis煎得如此香脆。


還有這道高難度菜式,生炒糯米飯,
辛苦Jess、Fan和Candace這麼努力地炒了那麼久,
才能成就這碟香味十足的糯米飯,還擺了個心形呢。


芙芙沒有拍到酸辣湯,卻拍下了blogger們的刀功,
很有心機的慢慢地,把豆腐切絲,
厲害,厲害。



最後還有廚師Norlly烹調的薑蔥爆龍躉,躉很厚身啖啖肉,
大家都很識食,每人都在等吃這道菜。


一炮過哂冷,現在再看也想流口水......


飯後甜品,Jess自家製,
梅酒柚子蜜果凍,天呀,
芙芙一試愛上,很想問Jess拿食譜呀!


正所謂有美食,當然少不了美酒,
Norma預備了很多餐酒,喝得大家都帶著微燻離開。


托DayDayCook的福,芙芙第一次和小高Cici見面了,
她們兩個,是芙芙在blogger世界裡,
認識最久最久的朋友,芙芙真的很喜歡她們呀。
而且昨天更認識到很多志同道合的bloggers,大家都很開朗,
芙芙真的很開心,想不到分享食譜也能認識這麼多朋友呢。


芙芙很感謝作出完美預備的DayDayCook Norma,Windy和Norlly,
看到預備桌上的所有食材,跟我們聚餐時不斷洗碗的Windy和Norlly,
真的感到你們很偉大,多謝你們,
讓大家有這麼愉快的一天,很期待下次的聚會呢。



請大家繼續多多支持DayDayCook,這一個如此有心的網站。











10 則留言:

  1. bloggers相聚相見,真係好開心,終於可以見面的感覺很興奮

    回覆刪除
    回覆
    1. 係呀,猶其係喺網上面傾計傾咗幾年,
      到真正見面嘅一刻,真係好興奮,
      可能因為傾咗咁耐計,第一次見都唔會覺得陌生,
      非常開心,芙芙期待咗呢日好耐啦~

      刪除
  2. 回覆
    1. 早晨呀samwei,真係非常happy嘅gathering~,
      芙芙好期待下一次,不過時間真係好難就呢~

      刪除
  3. 芙芙,好快手,果然係有效率,勁!
    這麼快已把當天的點滴一一記下來!這天真的真的很高興 ~
    更令小高雀躍的是終於可和你見見面了,但碰面一刻真的傻乎乎似的...未能即時反應過來,哈哈 ~
    原以為是看示範,有得動手真係投入好多,但查實......小高都無未幫到手!似睇場多d ~ heehee...期待下次相聚!:D

    回覆刪除
    回覆
    1. 小高,多謝讚賞~,
      嘻嘻,因為太開心好想回味,
      所以就快快手打咗出嚟,以免過多幾日唔記得咗。
      芙芙都好開心終於可以同你見面,其實芙芙都係聽到cici叫"小高",
      先知你喺前面,跟住就扮自然咁同你相認,
      點知一傾落計,真係唔似第一次見嘅朋友,
      可能我哋喺blog傾計傾咗咁耐,無形間已經同真正朋友冇咩分別啦~。
      有得煮真係開心啲,小高你好幫到手,
      幫手睇場,影咗好多花絮,
      希望下次你呢位完美睇場繼續發揮,期待再聚呀~

      刪除
  4. 芙芙~我都好想去呀~
    哈~不過我有咗4個幾月bb 喇~企唔得耐~所以冇去到同你哋玩呢~~

    回覆刪除
    回覆
    1. 黃師奶,恭喜你呀!
      芙芙都有諗,唔知會唔會見到你呢,
      可惜今次見唔到,原來你有咗bb,
      真係好替你高興呀!唔緊要啦,
      來日方長,總有機會見面嘅,
      芙芙祝你生個肥肥白白,健健康康嘅BB!

      刪除
  5. 芺芺,其實cici冇同芺芺講,之前收到你的msg,就已經好期待架。當我哋相認時,你第一句係“我認得你對眼呀”,嗰刻好warm。原來你咁留意cici架!那天真係好高興,因為我、你同小高三個終於可以聚在一起。一傾就停唔到,仲一齊shoppping,真係好享受我哋三個一齊的時間。期待下次再聚。

    多謝你的讚賞。你煮的帶子都好鮮甜呀!

    回覆刪除
    回覆
    1. cici,芙芙心郁郁想send訊息俾你同小高好耐,
      不過又覺得太早問唔係幾好,咪聚會前幾日先問囉,
      點知大家都會出席,真係非常開心呀!
      芙芙一直都有留意你,加上又有你facebook,
      自然會記得個樣啦,好希望同你仲有小高再聚呀!!

      刪除