2014年11月8日星期六

蘿蔔鯪魚湯 (附食譜)

最近很想吃蘿蔔,芙芙有個怪癖,
每次自家打邊爐時,都會搶住做刨蘿蔔同切蘿蔔,
不知何解,芙芙真的好鍾情做這種工作。

以下這個蘿蔔鯪魚湯,是一款潮州湯水,
據說要加芫茜同蔥花才有風味,這次煮的時候,
因為有同事不吃芫茜,那我們就不加了。



蘿蔔鯪魚湯 食譜

材料: 鯪魚2條、白蘿蔔1條、蕃茄2個、排骨半斤、薑片半碗
蔥花適量、芫茜適量

1. 鯪魚去肚洗淨抹乾,備用。
2. 排骨洗淨後以滾水汆燙,盛起備用。
3. 白蘿蔔去片切成粗條狀,蕃茄洗淨後切塊。
4. 燒熱油,加入少許薑片與鯪魚煎香。
5. 於鍋中加入適量水,水滾後加入所有材料。
6. 中火煲至湯水轉米白色,加入鹽調味即可。

** 享用時加上蔥花及芫茜,增加鮮味。 **



魚湯清甜,這個份量已足夠6-7人飲用。


白蘿蔔切成手指粗,這當然也是芙芙親手切的。


排骨可以先醃咸,芙芙家煮湯時,
有時也會把排骨先醃,喝湯時更可少放點鹽呢。


鯪魚先用薑片煎至兩面金黃,去除腥味。



煎好就下到滾水中煲煮成湯,喜歡濃味點就少放點水吧。



芙芙第一次喝這款湯,多得公司的叔叔介紹,
味道真的很清甜,大家都可試試啦。


8 則留言:

  1. 點解啲鯪魚要切咗個背部嘅?是否因為多骨呢?

    回覆刪除
    回覆
    1. 其實啲魚係芙芙同事幫手切的,應該係因為背有鰭,
      所以直接咁切走,應該係咁。

      刪除
  2. 刨蘿蔔同切蘿蔔~!我最怕做~
    年年做糕點我都係開機刨算~懶呀~

    回覆刪除
    回覆
    1. 黃師奶,刨蘿蔔好好玩喎,
      下次你整時,可以叫芙芙嚟幫手刨架。

      刪除
  3. 好正喎!蘿蔔煮湯會好甜,仲有埋魚,講起都覺得好吸引!^^

    回覆刪除
    回覆
    1. 小高,晚安呀,
      次次用親白蘿蔔煲湯都好清甜架,加魚煲又有營養,
      真係好正架,而家諗起都想飲呀。

      刪除
  4. 芺芺, 我其實好怕食淡水魚 (除了鯇魚),改唔到呢!

    回覆刪除