2014年11月19日 星期三

咸酸菜炒豬肚 (附食譜)

豬肚對芙芙來說,是一樣很難處理的食物,
如果買新鮮的,總是不知道如何洗走豬味,
又可如何清洗乾淨,這些問題令芙芙一直對煮豬肚卻步。

於是,這次大家決定買來一個冰鮮的,
清洗容易而且亦很快會煮得軟,用來炒咸菜很送飯呢。



咸酸菜炒豬肚 食譜

材料: 咸酸菜1棵、急凍豬肚1個、蒜片適量、辣椒絲少許
汁料:醬油、糖、鹽、生粉、水少許

1. 咸酸菜切小塊,用清水浸約1小時。
2. 豬肚清洗後以滾水汆燙,再切條狀備用。
3. 燒熱油,爆香蒜片及辣椒絲。
4. 加入咸酸菜輕炒,再倒入豬肚。
5. 加入汁料,慢火輕炒至汁料收乾即可。



咸菜必定要先浸水,以免過咸。


豬肚要先用滾水汆燙,再切條。



看吧,這個冰鮮的豬肚,
燙一會兒便很軟身了,不過芙芙是喜歡吃有口感的豬肚的。



下鍋中炒,再加入汁料拌炒,
煮咸菜一定要加糖,可令咸菜味道更豐富。


一道簡單又美味的下飯菜就完成了,老實說芙芙跟家人都很愛吃咸菜的。


話說芙芙的嫲嫲餐餐都要吃咸菜,其他肉類她會怕腥,
可能年紀大了,唯獨是咸菜吃了幾廿年還是十分鍾情,
芙芙就愛吃嫲嫲煮的,有點兒甜味很送飯呢。


12 則留言:

  1. 鹹酸菜豬大腸整得多.. 豬肚未整過呢~!! 好吸引呀~~ 謝謝好煮意~!!

    回覆刪除
    回覆
    1. 涼粉子,芙芙都好喜歡食鹹酸菜豬大腸架,
      不過鹹酸菜煮豬肚都一樣咁好味架,你都試下啦。

      刪除
  2. 芙芙,其實我覺得冰鮮同新鮮既,分別已不太多,只要煮得好,自然好吃!
    咸菜夾豬肚呢個組合真係好good,我都好耐無吃過了 ~

    回覆刪除
    回覆
    1. 小高,芙芙真係好怕陣豬味架,
      用新鮮洗得唔好就有呢陣味,不過你講得好啱,
      只要煮得好,自然好吃!

      刪除
  3. 我都好怕洗豬肚 , 不過有時袁生想食 , 點都要頂硬上呢 , 鹹菜同豬肚係非常好的配搭 , 不過我家最愛用來煲胡椒鹹菜豬肚湯呢 , 前幾日先煲完俾袁生飲 ^^

    回覆刪除
    回覆
    1. 袁太,洗豬肚真係好麻煩呀,
      之前芙芙都想煲胡椒鹹菜豬肚湯,呢個湯真係好好飲,
      但諗起要洗豬肚,就冇煮到啦,
      你真係好老婆呀,為老公咩都頂硬上! :D

      刪除
  4. 好惹味呢~~ 我最鐘意食咸菜! 食得落幾碗飯!

    回覆刪除
    回覆
    1. 李師奶,咸菜真係好好味,
      就咁送飯都已經好好味,送粥更一流呀!

      刪除
  5. 我都鍾意食架~不過洗豬肚嗰下好煩~~好少可整呢~!

    回覆刪除
    回覆
    1. 黃師奶,洗豬肚真係好麻煩,
      所以都係買冰鮮算,間唔時整下算啦。

      刪除
  6. 咸菜豬肚,仲以為係湯嚟添(因為cici好鍾意飲,亦都煲過一次)。其實新鮮同冰鮮真係冇咩分別,我會用薑蔥汆水,去咗啲冰鮮味。

    回覆刪除
    回覆
    1. cici,咸菜胡椒豬肚湯?
      哈哈,芙芙都好喜歡飲,
      不過又係因為洗豬肚好麻煩,所以通常都等芙爸煲,
      薑蔥真係好好用架,去味一流呀。

      刪除